ಕಣ್ಣಾಮುಚ್ಚಾಲೆ ಆಡಿ ಕಡೆಗೆ ಜೂಟಾಟ ಆಡಿದ ತಾರೆ

ಕಂಗನಾ ರನೌತ್

ಇಷ್ಟು ದಿನಗಳ ಕಾಲ ಇವರಿಬ್ಬರೂ ಕದ್ದುಮುಚ್ಚಿ ಓಡಾಡುತ್ತಿದ್ದರು. ಯುಕೆ ಮೂಲದ ವೈದ್ಯ ನಿಕೋಲಸ್ ಲಾಫಿರ್ತಿ ಜೊತೆ ಕಂಗನಾ ಡೇಟಿಂಗ್ ಮಾಡುತ್ತಿದ್ದರು. ಆದರೆ ನಿಕೋಲಸ್ ಮಾತ್ರ ಕೊಂಚ ಆತುರ ಪಟ್ಟಿದ್ದಾನೆ. ಬೇಗ ಮದುವೆಯಾಗಿ ಮಕ್ಕಳೂ ಬೇಕು ಎಂದಿದ್ದಾನೆ.

ಆದರೆ ಇಷ್ಟು ಬೇಗ ಮದುವೆಯಾಗಲು ಕಂಗನಾಗೆ ಸುತಾರಾಂ ಇಷ್ಟವಿರಲಿಲ್ಲವಂತೆ. ಹಾಗಾಗಿ ಆಕೆ ಈಗ ನಿಕೋಲಸ್ ಗೆ ಕೈಕೊಟ್ಟು ತನ್ನ ಕೇರಿಯರ್ ಬಗ್ಗೆ ಗಮನಹರಿಸಿದ್ದಾರಂತೆ. ಈಗೀಗಷ್ಟೇ ತಾನು ಚಿತ್ರರಂಗದಲ್ಲಿ ನೆಲೆನಿಂತುಕೊಳ್ಳುತ್ತಿದ್ದೇನೆ. ಈಗ ಮದುವೆಯಾದರೆ ಪ್ರಾಬ್ಲಂ ಆಗುತ್ತದೆ ಎಂಬುದೇ ಆಕೆ ದೂರ ಸರಿಯಲು ಕಾರಣ ಎನ್ನಲಾಗಿದೆ.

ಕಂಗನಾಗೆ ವಯಸ್ಸು ಬೇರೆ ಇನ್ನೂ 25ರ ಪ್ರಾಯ. ಇಷ್ಟುಬೇಗ ಮದುವೆಯಾಗಿ ಆಕೆ ಮಾಡುವುದಾದರೂ ಏನು ಬಿಡಿ ಎಂದೂ ಕೆಲವರು ಆಕೆಯ ನಿಲುವನ್ನು ಸಮರ್ಥಿಸಿಕೊಂಡಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಲು ಕಂಗನಾ ಮಾತ್ರ ಕೈಗೂ ಸಿಗುತ್ತಿಲ್ಲ Callಗೂ ಸಿಗುತ್ತಿಲ್ಲ. (ಏಜೆನ್ಸೀಸ್)