ದಾಖಲೆ ಮೊತ್ತಕ್ಕೆ RRR ಚಿತ್ರದ ಕರ್ನಾಟಕ ವಿತರಣೆ ಹಕ್ಕು ಸೇಲ್!

ದಕ್ಷಿಣದಲ್ಲಿ ಮಾತ್ರ 400 ಕೋಟಿ!

ಸೌತ್ ಇಂಡಸ್ಟ್ರಿಯ ಖ್ಯಾತ ಚಿತ್ರ ವಿಶ್ಲೇಷಕ ರಮೇಶ್ ಬಾಲ ಟ್ವೀಟ್ ಮಾಡಿರುವ ಪ್ರಕಾರ, ಕೇವಲ ದಕ್ಷಿಣ ಭಾರತದಲ್ಲಿ ಮಾತ್ರ ಸುಮಾರು 400 ಕೋಟಿವರೆಗೂ ಪ್ರಿ-ರಿಲೀಸ್ ಗಳಿಕೆ ಮಾಡಲಿದೆಯಂತೆ. ಈ ಮೂಲಕ ಬಾಹುಬಲಿ 2 ಚಿತ್ರದ ದಾಖಲೆಯನ್ನು ಹಿಂದಿಕ್ಕಲಿದೆ ಎಂದಿದ್ದಾರೆ.

ತೆಲುಗು ದೇಶದಲ್ಲಿ 215 ಕೋಟಿ!

ಆಂಧ್ರ ಪ್ರದೇಶ ಮತ್ತು ತೆಲಂಗಾಣ ರಾಜ್ಯಗಳಲ್ಲಿ ಆರ್ ಆರ್ ಆರ್ ಚಿತ್ರ ಸುಮಾರು 215 ಕೋಟಿವರೆಗೂ ಪ್ರೀ-ರಿಲೀಸ್ ಬಿಸಿನೆಸ್ ಮಾಡಲಿದೆಯಂತೆ. ಬಾಹುಬಲಿ 2 ಸಿನಿಮಾ 100 ಕೋಟಿಯ ಗಳಿಕೆ ಮಾಡಿತ್ತಂತೆ. ಆದ್ರೆ, ಆರ್ ಆರ್ ಆರ್ ಚಿತ್ರ ಅದಕ್ಕಿಂತ ಹೆಚ್ಚು ಗಳಿಕೆ ಮಾಡಿದೆ ಎಂಬ ಟಾಕ್ ಈಗ ತೆಲುಗು ವೆಬ್ ಸೈಟ್ ಗಳಲ್ಲಿ ವರದಿಯಾಗಿದೆ.

ಕರ್ನಾಟಕ ಹಕ್ಕು 50 ಕೋಟಿ ಅಂತೆ!

ತೆಲುಗು ಮಾಧ್ಯಮಗಳು ವರದಿ ಮಾಡಿರುವ ಪ್ರಕಾರ, ಕರ್ನಾಟಕದಲ್ಲಿ ಆರ್ ಆರ್ ಆರ್ ಚಿತ್ರದ ಕರ್ನಾಟಕ ವಿತರಣ ಹಕ್ಕು ಸುಮಾರು 50 ಕೋಟಿ ನೀಡಿ ಖರೀದಿಸಲಾಗಿದೆಯಂತೆ. ಈ ಚಿತ್ರವನ್ನು ಕರ್ನಾಟಕದಲ್ಲಿ ಯಾರು ವಿತರಣೆ ಮಾಡಲಿದ್ದಾರೆ ಎಂಬುದು ಸದ್ಯದ ಮಟ್ಟಿಗೆ ಗೌಪ್ಯವಾಗಿದ್ದರೂ ಈ ಅಂಕಿಅಂಶ ನಿಜಕ್ಕೂ ಅಚ್ಚರಿ ಉಂಟು ಮಾಡಿದೆ. ಇದು ಎಷ್ಟರ ಮಟ್ಟಿಗೆ ನಿಜಾ ಎನ್ನುವುದು ಈಗ ಗಾಂಧಿನಗರದಲ್ಲಿ ಚರ್ಚೆಯಾಗುತ್ತಿದೆ.

ತಮಿಳುನಾಡು ಲೆಕ್ಕಕ್ಕೆ ಸಿಕ್ಕಿಲ್ಲ, ಕೇರಳ ಕಥೆ ಏನು?

ತಮಿಳುನಾಡಿನಲ್ಲೂ ಆರ್ ಆರ್ ಆರ್ ಚಿತ್ರಕ್ಕೆ ಭಾರಿ ಬೇಡಿಕೆ ಇದೆ. ತಮಿಳಿನಲ್ಲೂ ಸಿನಿಮಾ ತೆರೆಕಾಣುವುದರಿಂದ ಹೆಚ್ಚು ಗಳಿಕೆ ಕಾಣಬಹುದು ಎಂಬ ನಿರೀಕ್ಷೆ ಇದೆ. ಆದರೆ ತಮಿಳುನಾಡಿನ ಪ್ರಿ-ರಿಲೀಸ್ ಗಳಿಕೆ ಬಗ್ಗೆ ಅಂಕಿಅಂಶ ನಿಖರವಾಗಿಲ್ಲ. ಕೇರಳದಲ್ಲಿ 15 ಕೋಟಿಗೆ ಸಿನಿಮಾ ಸೇಲ್ ಆಗಿದೆ ಎನ್ನಲಾಗಿದೆ.

ಆರ್ ಆರ್ ಆರ್ ಬಜೆಟ್ ಎಷ್ಟು?

ಡಿವಿವಿ ದಾನಯ್ಯ ಈ ಚಿತ್ರ ನಿರ್ಮಿಸುತ್ತಿದ್ದು, ಸುಮಾರು 300 ಕೋಟಿ ಬಜೆಟ್ ಆಗಲಿದೆ ಎಂದು ಅಂದಾಜು ಹಾಕಲಾಗಿದೆ. ಐತಿಹಾಸಿಕ ಚಿತ್ರವಾಗಿದ್ದರಿಂದ ಮೇಕಿಂಗ್ ನಲ್ಲಿ ಮತ್ತಷ್ಟು ದುಬಾರಿಯಾಗುವ ಸಾಧ್ಯತೆ ಇದೆ. ಎಲ್ಲ ಅಂದುಕೊಂಡಂತೆ ಆಗಿದ್ದರೇ ಈ ವರ್ಷದ ಮಧ್ಯದಲ್ಲಿ ಸಿನಿಮಾ ತೆರೆಗೆ ಬರಬೇಕಿತ್ತು. ಆದರೆ, ಸಿನಿಮಾ ಬಿಡುಗಡೆ ದಿನಾಂಕ 2021ಕ್ಕೆ ಹೋಗಿದೆ.