ಸುದೀಪ್ ಅನುಭವಿಸುತ್ತಿರುವ 'ನೋವು' ನಿಮಗ್ಗೊತ್ತಾ?

ಸುದೀಪ್ ಸ್ಯಾಂಡಲ್ ವುಡ್ ಮಾತ್ರ ಅಲ್ಲ ಬಾಲಿವುಡ್, ಟಾಲಿವುಡ್ ಅಷ್ಟೇ ಯಾಕೆ ಕಾಲಿವುಡ್ ನಲ್ಲೂ ಬಿಜಿ ಇರೋ ನಟ. ಕಿಚ್ಚ ಕನ್ನಡದಲ್ಲಿ 'ರನ್ನ' ಸಿನಿಮಾದ ಎರಡು ಶೆಡ್ಯೂಲ್ ಮುಗಿಸಿ ಸದ್ಯ ಚೆನ್ನೈನಲ್ಲಿದ್ದಾರೆ. ತಮಿಳಿನ ಇಳಯದಳಪತಿ ವಿಜಯ್ ಸಿನಿಮಾದಲ್ಲಿ ಮುಖ್ಯ ಪಾತ್ರ ಮಾಡ್ತಿದ್ದಾರೆ.

ಆದರೆ ಇದೆಲ್ಲದರ ನಡುವೆ ಕಿಚ್ಚ ನಿದ್ರೆ ಮಾಡೋದು ತೀರಾ ಕಡಿಮೆಯಂತೆ. ಸುದೀಪ್ ಗೆ ನಿದ್ರೆ ಹತ್ತಿರ ಸುಳಿಯೋದೇ ಇಲ್ಲವಂತೆ. ರಾತ್ರಿ ಹೆಚ್ಚಿನ ಸಮಯ ಸಿನಿಮಾದ ವಿಷಯಗಳಲ್ಲೇ ಕಿಚ್ಚ ಬಿಜಿಯಾಗಿರ್ತಾರಂತೆ. ಹೀಗೆ ಮಾಡೋದ್ರಿಂದಾನೋ ಏನೋ ಕಿಚ್ಚನಿಗೆ ಮೈಗ್ರೇನ್ ಶುರುವಾಗಿದೆಯಂತೆ. [ಸುದೀಪ್ ರೀಮೇಕ್ ಚಿತ್ರಗಳ ಹಿಂದಿನ ಸತ್ಯ ಸಂಗತಿ]

ಆದರೆ ಇದು ಕಿಚ್ಚನ ಅಭಿಮಾನಿಗಳಿಗೆ ಮಾತ್ರ ಆತಂಕ ತರಿಸಿದೆ. ಅಭಿನಯ ಚಕ್ರವರ್ತಿ ಸಿನಿಮಾ ಅಂತ ಬಿಜಿಯಾಗೋದ್ರ ಜೊತೆಗೆ 40 ದಾಟಿದ ಮೇಲೆ ಆರೋಗ್ಯದ ಬಗ್ಗೇನೂ ಸ್ವಲ್ಪ ಕಾಳಜಿ ತಗೋಬೇಕು ಅಲ್ಲವೇ ಎಂಬುದು ಅಭಿಮಾನಿಗಳ ಕಿವಿಮಾತು.