ತ್ರಿವಿಕ್ರಮ್ ಚಿತ್ರಕ್ಕಾಗಿ ಹುಬ್ಬೇರಿಸುವ ಸಂಭಾವನೆ ಬೇಡಿಕೆಯಿಟ್ಟ ಮಹೇಶ್ ಬಾಬು

ಹೊಸ ನಿರ್ದೇಶಕನ ಜೊತೆ ಸಿನಿಮಾ

'ಸರಿಲೇರು ನೀಕೆವ್ವರು' ಸಿನಿಮಾದ ಗೆಲುವಿನ ನಂತರ ಮಹೇಶ್ ಬಾಬು ಪರುಶರಾಮ್ ಎಂಬ ಹೊಸ ನಿರ್ದೇಶನದ ಜೊತೆ ಸಿನಿಮಾ ಮಾಡ್ತಿದ್ದಾರೆ. ಈ ಚಿತ್ರಕ್ಕೆ 'ಸರ್ಕಾರು ವಾರಿ ಪಾಟ' ಎಂದು ಹೆಸರಿಟ್ಟಿದ್ದು, ಕೀರ್ತಿ ಸುರೇಶ್ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

'ಖಲೇಜಾ' ಬಳಿಕ ಪ್ರಿನ್ಸ್

ತ್ರಿವಿಕ್ರಮ್ ಮತ್ತು ಮಹೇಶ್ ಬಾಬು ಕಾಂಬಿನೇಷನ್‌ನಲ್ಲಿ ಸಿನಿಮಾ ಬಂದು 11 ವರ್ಷ ಆಗಿದೆ. ಇದಕ್ಕೂ ಮುಂಚೆ 2010ರಲ್ಲಿ 'ಖಲೇಜಾ' ಸಿನಿಮಾ ಬಂದಿತ್ತು. ಈಗ ದಶಕದ ಬಳಿಕ ಮತ್ತೊಮ್ಮೆ ಒಂದಾಗುತ್ತಿದ್ದಾರೆ. ಹಾಗಾಗಿ, ಈ ಕಾಂಬಿನೇಷನ್ ಮೇಲೆ ಕುತೂಹಲ ಹೆಚ್ಚಿದೆ.

ಭಾರಿ ಸಂಭಾವನೆ ಬೇಡಿಕೆಯಿಟ್ಟ ನಟ

ತ್ರಿವಿಕ್ರಮ್ ಶ್ರೀನಿವಾಸ್ ಮತ್ತು ಮಹೇಶ್ ಬಾಬು ಜೋಡಿಯ ಚಿತ್ರವನ್ನು ಹಾರಿಕಾ ಹಾಸಿನ್ ಕ್ರಿಯೇಷನ್ಸ್ ನಿರ್ಮಾಣ ಮಾಡಲಿದೆ. ಈ ಚಿತ್ರಕ್ಕಾಗಿ ಮಹೇಶ್ ಬಾಬು 55 ಕೋಟಿ ಆಫರ್ ಮಾಡಿದ್ದಾರೆ ಎಂಬ ಸುದ್ದಿ ಚರ್ಚೆಯಲ್ಲಿದೆ. ಸದ್ಯದ ಯೋಜನೆ ಪ್ರಕಾರ ಆಗಸ್ಟ್ ಅಥವಾ ಸೆಪ್ಟೆಂಬರ್ ತಿಂಗಳಲ್ಲಿ ಈ ಸಿನಿಮಾ ಶುರುವಾಗಲಿದೆಯಂತೆ.

ಎನ್‌ಟಿಆರ್ ಜೊತೆ ಸಿನಿಮಾ

'ಅಲಾ ವೈಕುಂಠಪುರಂಲೋ' ಸಿನಿಮಾದ ಯಶಸ್ಸಿನ ಬಳಿಕ ಜೂನಿಯರ್ ಎನ್‌ಟಿಆರ್ ಜೊತೆ ತ್ರಿವಿಕ್ರಮ್ ಪ್ರಾಜೆಕ್ಟ್ ಟೇಕ್ ಆನ್ ಮಾಡಲಿದ್ದಾರೆ. ಈ ಸಿನಿಮಾ ಮುಗಿಸಿ ಮಹೇಶ್ ಬಾಬು ಜೊತೆಗಿನ ಚಿತ್ರಕ್ಕೆ ಚಾಲನೆ ಕೊಡಲಿದ್ದಾರೆ.

ರಾಜಮೌಳಿ ಜೊತೆ ಪ್ರಾಜೆಕ್ಟ್?

ಅಂದ್ಹಾಗೆ, ರಾಜಮೌಳಿ ಜೊತೆ ಪ್ರಿನ್ಸ್ ಸಿನಿಮಾ ಮಾಡಬೇಕಿತ್ತು. ಸದ್ಯಕ್ಕೆ ರಾಜಮೌಳಿಯ ಸಿನಿಮಾ ಅದ್ಯಾವಾಗೋ ಮುಗಿಯುತ್ತೆ ಎನ್ನುವುದರ ಬಗ್ಗೆ ಸ್ಪಷ್ಟನೆ ಇಲ್ಲ. ಹಾಗಾಗಿ, ಕಾಯದ ಮಹೇಶ್ ಬಾಬು ತ್ರಿವಿಕ್ರಮ್ ಪ್ರಾಜೆಕ್ಟ್‌ಗೆ ಸಹಿ ಹಾಕಿದರು. ಬಹುಶಃ ಇದು ಮುಗಿದ ಮೇಲೆ ರಾಜಮೌಳಿ ಜೊತೆ ಪ್ರಾಜೆಕ್ಟ್ ಶುರು ಮಾಡಬಹುದು.