ತೆರೆಮೇಲೆ 'ಪವಿತ್ರ ಪ್ರೇಮಕಥೆ'? ನಾಯಕ- ನಾಯಕಿಯಾಗಿ ನರೇಶ್- ಪವಿತ್ರಾ ಲೋಕೇಶ್!

ನರೇಶ್- ಪವಿತ್ರಾ ಮೆಚೂರ್ಡ್ ಲವ್‌ ಸ್ಟೋರಿ

ಪವಿತ್ರಾ ಲೋಕೇಶ್ ಹಾಗೂ ನರೇಶ್ ಈಗಾಗಲೇ ಒಂದಷ್ಟು ಸಿನಿಮಾಗಳಲ್ಲಿ ಪೋಷಕ ಕಲಾವಿದರರಾಗಿ ನಟಿಸಿದ್ದಾರೆ. ಇದೀಗ ಲೀಡ್ ರೋಲ್‌ಗಳಲ್ಲಿ ನಟಿಸೋಕೆ ಹೊರಟಿದ್ದಾರೆ. ತಮ್ಮಿಬ್ಬರ ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದ ಸಂಗತಿಗಳನ್ನೇ ಚಿತ್ರದಲ್ಲಿ ಹೇಳಲಿದ್ದಾರಂತೆ. ಪರ್ಸನಲ್, ಪ್ರೋಫೆಷನಲ್ ಲೈಫ್‌ನಲ್ಲಿ ಎದುರಿಸಿದ ಸವಾಲುಗಳನ್ನು ಸೇರಿಸಿ ಸಿನಿಮಾ ಮಾಡುತ್ತಾರಂತೆ. ಈಗಾಗಲೇ ಕಥೆ ಸಿದ್ಧವಾಗಿದ್ದು, ಅಷ್ಟಕ್ಕೂ ಏನು ನಡೀತು? ಯಾಕೆ ಈ ನಿರ್ಧಾರ ಕೈಗೊಳ್ಳಲಾಯಿತು ಎನ್ನುವುದರ ಬಗ್ಗೆ ಕ್ಲಾರಿಟಿ ನೀಡಲಿದ್ದಾರಂತೆ.

'ಅಂದರೂ ಬಾಗುಂಡಾಲಿ' ಚಿತ್ರದಲ್ಲಿ ನಟನೆ

ಇತ್ತೀಚೆಗೆ ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಪೋಷಕ ಪಾತ್ರಗಳಲ್ಲಿ ನಟಿಸಿದ್ದ 'ಅಂದರೂ ಬಾಗುಂಡಾಲಿ ಅಂದುಲೋ ನೆನುಂಡಾಲಿ' ಸಿನಿಮಾ ಓಟಿಟಿಗೆ ಬಂದಿತ್ತು. ಹಾಸ್ಯ ನಟ ಆಲಿ ಲೀಡ್‌ ರೋಲ್‌ನಲ್ಲಿ ನಟಿಸಿದ್ದ ಈ ಸಿನಿಮಾ ಥಿಯೇಟರ್‌ನಲ್ಲಿ ರಿಲೀಸ್ ಆಗಿರಲಿಲ್ಲ. ಓಟಿಟಿಯಲ್ಲಿ ಚಿತ್ರಕ್ಕೆ ಅದ್ಭುತ ರೆಸ್ಪಾನ್ಸ್ ಸಿಕ್ಕಿದ್ದರೆ ನರೇಶ್, ಪವಿತ್ರಾ ಲೋಕೇಶ್ ಸ್ಪೆಷಲ್ ವಿಡಿಯೋ ಮೂಲಕ ಪ್ರೇಕ್ಷಕರಿಗೆ ಧನ್ಯವಾದ ತಿಳಿಸಿದ್ದರು.

ರೊಮ್ಯಾಂಟಿಕ್ ಆಗಿ ಕಾಣಿಸಿಕೊಂಡಿದ್ದ ಜೋಡಿ

'ಅಂದರೂ ಬಾಗುಂಡಾಲಿ ಅಂದುಲೋ ನೆನುಂಡಾಲಿ' ಚಿತ್ರದ ಸಕ್ಸಸ್ ಬಗ್ಗೆ ಮಾತನಾಡುತ್ತಾ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿದ್ದರು. ನಟಿ ಪವಿತ್ರಾ ಭುಜದ ಮೇಲೆ ಕೈ ಹಾಕಿ ರೊಮ್ಯಾಂಟಿಕ್ ಆಗಿ ದರ್ಶನ ಕೊಟ್ಟಿದ್ದರು. ತಮ್ಮಿಬ್ಬರ ರಿಲೇಶನ್‌ಶಿಪ್‌ ಬಗ್ಗೆ ಪರೋಕ್ಷವಾಗಿ ಕ್ಲಾರಿಟಿ ಕೊಡಲು ಇಬ್ಬರು ಈ ರೀತಿ ಮಾಡಿದ್ದಾರೆ ಎನ್ನಲಾಗಿತ್ತು. ಆ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಕತ್ ವೈರಲ್ ಆಗಿತ್ತು.

ಡೇಟಿಂಗ್‌ಗಾಗಿ ಇಬ್ಬರ ಮಧ್ಯೆ ಒಪ್ಪಂದ?

ಇನ್ನು ಪವಿತ್ರಾ ಲೋಕೇಶ್ ಹಾಗೂ ನರೇಶ್ ಡೇಟಿಂಗ್ ಬಗ್ಗೆ ಸಾಕಷ್ಟು ರೂಮರ್ಸ್ ಕೇಳಿಬಂದಿತ್ತು. ನರೇಶ್ ತಿಂಗಳಿಗೆ 25 ಲಕ್ಷ ರೂ. ಹಣವನ್ನು ಪವಿತ್ರಾ ಲೋಕೇಶ್‌ಗೆ ನೀಡುತ್ತಿದ್ದಾರೆ, ಒಂದು ವೇಳೆ ಪವಿತ್ರಾ ಲೋಕೇಶ್‌ಗೆ ಕೈ ಕೊಟ್ಟರೆ 50 ಕೋಟಿ ರೂ. ನೀಡಲು ಒಪ್ಪಂದ ಆಗಿದೆ ಎನ್ನುವ ಮಾತುಗಳು ಕೇಳಿಬಂದಿತ್ತು. ಕೆಲವರು ಇದೆಂತಹ ಡೇಟಿಂಗ್ ಒಪ್ಪಂದ ಎಂದು ಶಾಕ್ ಆಗಿದ್ದರು. ಸದ್ಯ ಹೊಸ ಸಿನಿಮಾದಲ್ಲಿ ಈ ಬಗ್ಗೆ ಚರ್ಚೆಸುತ್ತಾರಾ ಕಾದು ನೋಡಬೇಕು.