'ಆದಿಪುರುಷ್' 250 ಕೋಟಿ ರೂ. ಡೀಲ್ ನಿಜಾನಾ? ಪ್ರಭಾಸ್ ಅಭಿಮಾನಿಗಳು ದಿಲ್‌ಖುಷ್!

ಪ್ರಭಾಸ್‌ಗೆ ಬಹಳ ಸ್ಪೆಷಲ್ 'ಆದಿಪುರುಷ್'

'ಬಾಹುಬಲಿ' ರೀತಿಯ ಕಾಸ್ಟ್ಯೂಮ್‌ ಡ್ರಾಮಾದಲ್ಲಿ ನಟಿಸಿದ್ದ ಪ್ರಭಾಸ್‌, ಈಗ ಶ್ರೀರಾಮನ ಪಾತ್ರದಲ್ಲಿ ನಟಿಸಿದ್ದಾರೆ ಅನ್ನುವ ವಿಚಾರವೇ ಬಹಳ ಕುತೂಹಲ ಕೆರಳಿಸಿದೆ. ಶ್ರೀರಾಮನ ಪಾತ್ರದಲ್ಲಿ ನೆಚ್ಚಿನ ನಟನನ್ನು ಕಲ್ಪಿಸಿಕೊಂಡು ಅಭಿಮಾನಿಗಳು ಸಿನಿಮಾ ನೋಡಲು ಕಾತುರದಿಂದ ಕಾಯುತ್ತಿದ್ದಾರೆ.

ಸಖತ್ ಜೋರಾಗಿದೆ 'ಆದಿಪುರುಷ್' ಕ್ರೇಜ್

ಸಾಮಾನ್ಯವಾಗಿ ಸಿನಿಮಾಗಳ ಫಸ್ಟ್‌ ಲುಕ್, ಟೀಸರ್, ಟ್ರೈಲರ್ ರಿಲೀಸ್ ಆದಮೇಲೆ ಬಝ್ ಕ್ರಿಯೇಟ್ ಆಗುತ್ತದೆ. ಆದರೆ ಫಸ್ಟ್ ಲುಕ್‌ ಸಹ ಇನ್ನು ರಿವೀಲ್ ಆಗಿಲ್ಲ. ಆದರೂ ಸಿನಿಮಾ ಸಖತ್ ಕ್ರೇಜ್ ಹುಟ್ಟಾಕ್ಕಿದೆ. ಎಲ್ಲ ಅಂದುಕೊಂಡಂತೆ ಆಗಿದ್ದರೆ ಇದೇ ತಿಂಗಳು ಸಿನಿಮಾ ರಿಲೀಸ್ ಆಗಬೇಕಿತ್ತು. ಕಾರಣಾಂತರಗಳಿಂದ ರಿಲೀಸ್ ಡೇಟ್ ಪೋಸ್ಟ್‌ಪೋನ್ ಆಗಿದೆ.

1000 ಕೋಟಿ ರೂ. ಪ್ರೀ ರಿಲೀಸ್ ಬ್ಯುಸಿನೆಸ್?

ಡಿಜಿಟಲ್ ರೈಟ್ಸ್ 250 ಕೋಟಿ ರೂಪಾಯಿ ಆದರೆ ಎಲ್ಲಾ ಭಾಷೆಗಳ ಥ್ರಿಯೇಟ್ರಿಕಲ್ ರೈಟ್ಸ್, ಆಡಿಯೋ ರೈಟ್ಸ್ ಸೇರಿ ರಿಲೀಸ್‌ಗೂ ಮೊದಲೇ ಸಿನಿಮಾ 1000 ಕೋಟಿ ರೂ. ಪ್ರೀ ರಿಲೀಸ್ ಬ್ಯುಸಿನೆಸ್ ಮಾಡುವ ಲೆಕ್ಕಾಚಾರ ನಡೀತಿದೆ. ಪ್ರಭಾಸ್ ಸಿನಿಮಾ ಆಗಿರುವುದರಿಂದ ಇದು ಕಷ್ಟವಾಗಲ್ಲ ಅನ್ನುವ ಮಾತುಗಳು ಕೇಳಿ ಬರುತ್ತಿದೆ.

ಮೋಷನ್ ಕ್ಯಾಪ್ಚರ್ ತಂತ್ರಜ್ಞಾನ ಬಳಕೆ

'ಆದಿಪುರುಷ್' ಮಾಮೂಲಿ ಸಿನಿಮಾ ಅಲ್ಲ. ಬದಲಿಗೆ ಮೋಷನ್ ಕ್ಯಾಪ್ಚರ್ ತಂತ್ರಜ್ಞಾನ ಬಳಸಿ ಓಂ ರಾವುತ್ ಸಿನಿಮಾ ಸೆರೆ ಹಿಡಿದಿದ್ದಾರೆ. ಹಾಲಿವುಡ್‌ನ 'ಸಿನ್ಬಾದ್', 'ಅವತಾರ್' ಸಿನಿಮಾಗಳಲ್ಲಿ ಹೆಚ್ಚು ಕಡಿಮೆ ಇಂಥದ್ದೇ ತಂತ್ರಜ್ಞಾನ ಅಳವಡಿಸಿಕೊಳ್ಳಲಾಗಿತ್ತು. ರಾಮಾಯಣ ಮಹಾಕಾವ್ಯದ ಕಥೆನು ಮೋಷನ್ ಕ್ಯಾಪ್ಚರ್‌ನಲ್ಲಿ ತೆರೆಮೇಲೆ ಹೇಗೆ ಅನಾವರಣ ಆಗುತ್ತೋ ಅನ್ನುವ ನಿರೀಕ್ಷೆ ಪ್ರೇಕ್ಷಕರಲ್ಲಿದೆ.