'ಪಿಂಕ್' ರೀಮೇಕ್ ಗಾಗಿ ಪವನ್ ಕಲ್ಯಾಣ್ ಪಡೆಯುತ್ತಿರುವ ಸಂಭಾವನೆ ಎಷ್ಟು ಅಂತ ಗೊತ್ತಾದ್ರೆ ಕಣ್ಣರಳಿಸುತ್ತೀರಾ.!

ಪವನ್ ಕಲ್ಯಾಣ್ ಸಂಭಾವನೆ ಎಷ್ಟು.?

'ಪಿಂಕ್' ಚಿತ್ರದ ತೆಲುಗು ಅವತರಣಿಕೆಯಲ್ಲಿ ಅಭಿನಯಿಸಲು ಪವನ್ ಕಲ್ಯಾಣ್ ಬರೋಬ್ಬರಿ 60 ಕೋಟಿ ರೂಪಾಯಿಯನ್ನು ಸಂಭಾವನೆಯಾಗಿ ಪಡೆಯುತ್ತಿದ್ದಾರಂತೆ. ಕಡಿಮೆ ದಿನಗಳ ಕಾಲ್ ಶೀಟ್ ಕೊಟ್ಟಿದ್ದರೂ, ಹೆಚ್ಚು ಸಂಭಾವನೆ ಪಡೆಯುತ್ತಿದ್ದಾರಂತೆ ನಟ ಪವನ್ ಕಲ್ಯಾಣ್.

ಫೆಬ್ರವರಿಯಲ್ಲಿ ಶೂಟಿಂಗ್ ಮುಗಿಯಬೇಕು.!

'ಪಿಂಕ್' ಚಿತ್ರದ ತೆಲುಗು ರೀಮೇಕ್ ಗಾಗಿ ಕೇವಲ 26 ದಿನಗಳ ಕಾಲ್ ಶೀಟ್ ಕೊಟ್ಟಿದ್ದಾರೆ ನಟ ಪವನ್ ಕಲ್ಯಾಣ್. ಕೋರ್ಟ್ ನಲ್ಲಿ ನಡೆಯುವ ಸನ್ನಿವೇಶಗಳ ಚಿತ್ರೀಕರಣ ಇರುವುದರಿಂದ ಫೆಬ್ರವರಿಯಲ್ಲಿ ತಮ್ಮ ಭಾಗದ ಚಿತ್ರೀಕರಣವನ್ನು ಸಂಪೂರ್ಣವಾಗಿ ಮುಗಿಸಲು ಚಿತ್ರತಂಡಕ್ಕೆ ನಟ ಪವನ್ ಕಲ್ಯಾಣ್ ಹೇಳಿದ್ದಾರೆ.

ಬೋನಿ ಕಪೂರ್ ನಿರ್ಮಾಣ

'ಪಿಂಕ್' ಚಿತ್ರದ ತೆಲುಗು ಅವತರಣಿಕೆಗೆ ದಿಲ್ ರಾಜು ಜೊತೆಗೆ ಬಾಲಿವುಡ್ ನಿರ್ಮಾಪಕ ಬೋನಿ ಕಪೂರ್ ಬಂಡವಾಳ ಹಾಕಿದ್ದಾರೆ. ಶ್ರೀರಾಮ್ ವೇಣು ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕಿನ್ನೂ ಶೀರ್ಷಿಕೆ ಫಿಕ್ಸ್ ಆಗಿಲ್ಲ. ಇತ್ತೀಚೆಗೆಷ್ಟೇ ಸೆಟ್ಟೇರಿದ ಈ ಚಿತ್ರದ ಶೂಟಿಂಗ್ ಹೈದರಾಬಾದ್ ನಲ್ಲಿ ಭರದಿಂದ ಸಾಗುತ್ತಿದೆ.

'ಪಿಂಕ್' ಚಿತ್ರದ ಕುರಿತು

ಅಮಿತಾಬ್ ಬಚ್ಚನ್, ತಾಪ್ಸಿ, ಕೀರ್ತಿ, ವಿಜಯ್ ವರ್ಮ, ಅಂಗದ್ ಬೇಡಿ ಅಭಿನಯದ ಸೋಷಿಯಲ್ ಥ್ರಿಲ್ಲರ್ ಸಿನಿಮಾ 'ಪಿಂಕ್'. ಅನಿರುದ್ಧ ರಾಯ್ ಚೌಧರಿ ನಿರ್ದೇಶಿಸಿದ್ದ 'ಪಿಂಕ್' ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಲಭ್ಯವಾಗಿತ್ತು. ಕಡಿಮೆ ಬಜೆಟ್ ನಲ್ಲಿ ತಯಾರಾಗಿದ್ದ ಈ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಸಖತ್ ಕಲೆಕ್ಷನ್ ಮಾಡಿತ್ತು.