ಬಾಲಿವುಡ್ ತಾರೆ ಪ್ರಿಯಾಂಕಾ ಚೋಪ್ರಾಗೆ ಕಂಕಣಭಾಗ್ಯ

ಮಹದೇವ್ ಎಂಬ ಟಿವಿ ಧಾರಾವಾಹಿಯಲ್ಲಿ ಮೋಹಿತ್ ಶಿವನಾಗಿ ಅಭಿನಯಿಸಿದ್ದ. ಈಗ ಕಿರುತೆರೆ ಶಿವನ ತೆಕ್ಕೆಗೆ ಪ್ರಿಯಾಂಕಾ ಬೀಳುತ್ತಿದ್ದಾರೆ. ತಮ್ಮ ಮದುವೆ ಬಗ್ಗೆ ಪ್ರಸ್ತಾಪ ಮಾಡಿದಾಗಲೆಲ್ಲಾ ಪ್ರಿಯಾಂಕಾ, ನಾನಿನ್ನೂ ಒಂಟಿಯಾಗಿದ್ದೇವೆ. ಶೀಘ್ರದಲ್ಲೇ ಜಂಟಿಯಾಗುತ್ತೇನೆ ಎನ್ನುತ್ತಿದ್ದರು.

ಬಹುಶಃ ಈಗ ಕಾಲ ಕೂಡಿಬಂದಿದೆ ಎನ್ನಿಸುತ್ತದೆ. ಅವರ ಕುಟುಂಬಿಕರು ಪ್ರಿಯಾಂಕಾ ಮದುವೆ ಬಗ್ಗೆ ಗಂಭೀರವಾಗಿ ಮುಂದಡಿ ಇಟ್ಟಿದ್ದು ಮೋಹಿತ್ ಅವರನ್ನು ಆಯ್ಕೆ ಮಾಡಿದ್ದಾರೆ ಎನ್ನುತ್ತವೆ ಮೂಲಗಳು. ಪ್ರಿಯಾಂಕಾನೂ ಅಷ್ಟೇ ಮೋಹಿತ್ ಬಗ್ಗೆ ಮೋಹಿತರಾಗಿದ್ದಾರಂತೆ.

ಮೋಹಿತ್ ಉತ್ತಮ ನಟ ಎಂದು ಪ್ರಿಯಾಂಕಾ ಕುಟುಂಬಿಕರು ಪ್ರಮಾಣ ಪತ್ರ ನೀಡಿದ್ದು ಪ್ರಿಯಾಂಕಾ "ನನ್ನಲಿ ನಾನಿಲ್ಲ ಮನದಲಿ ನೀನೆಲ್ಲ ನೀನಿಲ್ಲದೆ ಇನ್ನೇನು ಇಲ್ಲ..." ಎಂದು ಹಾಡುವಂತಾಗಿದೆ. ಇನ್ನು ಮೋಹಿತ್ ಅವರನ್ನು ಈ ಬಗ್ಗೆ ಕೇಳಿದರೆ ಅವರೂ ಅಷ್ಟೇ ನಾಚಿ ನೀರಾಗಿದ್ದನ್ನು ಜೂಮ್ ಟಿವಿ ಜೂಮ್ ಮಾಡಿ ತೋರಿಸಿದೆ. (ಏಜೆನ್ಸೀಸ್)