ಪವರ್ ಸ್ಟಾರ್ ಸಿನಿಮಾ 'ಕೆಂಡಸಂಪಿಗೆ' ಶೂಟಿಂಗ್?

ಪವರ್ ಸ್ಟಾರ್ ಪುನೀತ್ ಯಾಕೋ ಸ್ಯಾಂಡಲ್ ವುಡ್ ಕಿಂಗ್ ಡಾ.ಶಿವರಾಜ್ ಕುಮಾರ್ ತರಹ ಒಂದೇ ಸಾರಿ ಐದಾರು ಸಿನಿಮಾಗಳಲ್ಲಿ ಬಿಜಿಯಾಗ್ತಿದ್ದಾರೆ. ಈಗ ಪುನೀತ್ ಅಭಿನಯದ ಎರಡು ಸಿನಿಮಾಗಳು ರೆಡಿ ಇವೆ. ಇನ್ನೂ ಮೂರು ಸಿನಿಮಾಗಳನ್ನ ಒಪ್ಪಿಕೊಂಡಿದ್ದಾರೆ.

ಆದರೆ ಅಚ್ಚರಿಯ ವಿಷಯ ಏನೆಂದರೆ ಪುನೀತ್ ಅವರ ಮತ್ತೊಂದು ಸಿನಿಮಾ ಶೂಟಿಂಗ್ ಸದ್ದಿಲ್ಲದಂತೆ ನಡೀತಿದೆ ಎಂಬುದು. 'ದೂಕುಡು' ರೀಮೇಕ್ ಪವರ್ ಸ್ಟಾರ್ ಸಿನಿಮಾ ಜುಲೈ ಕೊನೆಯಲ್ಲಿ ಅಥವಾ ಆಗಸ್ಟ್ ಮೊದಲಲ್ಲಿ ತೆರೆಗೆ ಬರುತ್ತೆ. [ಸೂರಿ, ಪುನೀತ್ ಸಂಗಮದ 'ದೊಡ್ಮನೆ ಹುಡುಗ' ಶುರು]

ಡೊಡ್ಮನೆ ಹುಡುಗ

'ರಣವಿಕ್ರಮ' ನಂತರ 'ದೊಡ್ಮನೆ ಹುಡುಗ' ಸಿನಿಮಾ ಶೂಟಿಂಗ್ ಶುರುವಾಗುತ್ತೆ. ಸೂರಿಯ ದೊಡ್ಮನೆ ಹುಡುಗ ಚಿತ್ರದ ನಂತರ 'ಉಗ್ರಂ' ನಿರ್ದೇಶಕ ಪ್ರಶಾಂತ್ ನೀಲ್ ಅಭಿನಯದ 'ಆಹ್ವಾನ' ಚಿತ್ರದಲ್ಲಿ ಅಭಿನಯಿಸೋಕೆ ಒಪ್ಪಿಗೆ ನೀಡಿದ್ದಾರೆ.

ಆದರೆ 'ಕೆಂಡಸಂಪಿಗೆ' ಸಿನಿಮಾದ ಶೂಟಿಂಗನ್ನು ಮೈಸೂರಿನಲ್ಲಿ ಸ್ವಲ್ಪ ದಿನಗಳ ಕಾಲ ಪುನೀತ್ ನಡೆಸಿದ್ದಾರೆ ಎನ್ನುತ್ತವೆ ಮೂಲಗಳು. ಹೀಗೊಂದು ಸಿನಿಮಾ ಯಾರಿಗೂ ಗೊತ್ತಿಲ್ಲದೆ ನಡೀತಿದೆಯಂತೆ ಹೌದಾ? ಪುನೀತ್ ಅವರೇ ಹೇಳಬೇಕಷ್ಟೆ. ಅಂದಹಾಗೆ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿರುವವರು ದುನಿಯಾ ಸೂರಿ.