ಸ್ಟಾರ್ ನಟಿಯರೆಲ್ಲಾ ಮಾಲ್ಡೀವ್ಸ್‌ಗೆ ಹೋಗುತ್ತಿರುವುದರ ಹಿಂದಿನ ಕಾರಣ ಇಲ್ಲಿದೆ

ಮಾಲ್ಡೀವ್ಸ್‌ ಪ್ರವಾಸೋದ್ಯಮ ಮೇಲೆತ್ತುವ ಪ್ಲಾನ್?

ಮಾಲ್ಡೀವ್ಸ್‌ಗೆ ಪ್ರವಾಸೋದ್ಯಮ ಪ್ರಮುಖ ಆದಾಯ ಕ್ಷೇತ್ರ. ಆದರೆ, ಲಾಕ್‌ಡೌನ್‌ ಕಾರಣದಿಂದ ಟೂರಿಸಂ ನೆಲಕಚ್ಚಿದೆ. ಲಾಕ್‌ಡೌನ್ನಿಂದ ಹೊರಬಂದ ಮೇಲೂ ಯಾರೂ ಮಾಲ್ಡೀವ್ಸ್ ಕಡೆ ಮುಖ ಮಾಡುತ್ತಿಲ್ಲ. ಹಾಗಾಗಿ, ಜನರನ್ನು ಆಕರ್ಷಿಸಲು ಜಾಹೀರಾತು ಬದಲು ನಟಿಯರಿಂದ ಪ್ರಚಾರದ ಪ್ಲಾನ್ ಮಾಡಲಾಗಿದೆ ಎಂಬ ವಿಚಾರವನ್ನು ಬಾಲಿವುಡ್ ನಟಿಯೊಬ್ಬರಿಂದ ಹೊರಬಿದ್ದಿದೆ.

ನಟಿಯರಿಗೆ ಆಫರ್ ನೀಡಿದ ರೆಸಾರ್ಟ್‌

ಮಾಲ್ಡೀವ್ಸ್ ಪ್ರವಾಸೋದ್ಯಮವನ್ನು ಚುರುಕುಗೊಳಿಸಲು ಯೋಜನೆ ಹಾಕಿರುವ ರೆಸಾರ್ಟ್‌ಗಳು, ನಟಿಯರ ಪ್ರಯಾಣ ವೆಚ್ಚ, ಊಟ-ವಸತಿ, ಶಾಪಿಂಗ್ ಸೇರಿದಂತೆ ಎಲ್ಲವನ್ನೂ ಆಯೋಜಕರೇ ಒದಗಿಸುವುದಾಗಿ ಒಪ್ಪಿಸಿ ಕರೆಯಿಸಿಕೊಳ್ಳುತ್ತಿದ್ದಾರೆ ಎಂಬ ವಿಚಾರ ತಿಳಿದು ಬಂದಿದೆ.

ನಟಿಯರು ಪ್ರಚಾರ ಮಾಡಬೇಕಷ್ಟೇ

ನಟಿಯರು ದಿನಕ್ಕೆ ಎರಡೂ ಅಥವಾ ಮೂರು ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಬೇಕು. ಆ ಫೋಟೋಗಳು ಹಾಟ್ ಆಗಿರಬೇಕು. ಪ್ರತಿ ಫೋಟೋಗೂ ಲೋಕೇಶನ್ ಹಾಗೂ ರೆಸಾರ್ಟ್ ಹೆಸರು ಹಾಕಬೇಕು ಎಂದು ಷರತ್ತುಗಳು ಸಹ ಹಾಕಲಾಗಿದೆಯಂತೆ.

ಬಾಲಿವುಡ್‌ ಟು ಸೌತ್ ನಟಿಯರು ಪ್ರವಾಸ

ಲಾಕ್‌ಡೌನ್ ಮುಗಿದ ಮೇಲೆ ಬಾಲಿವುಡ್‌ನಿಂದ ಕತ್ರಿನಾ ಕೈಫ್, ತಾಪ್ಸಿ ಪನ್ನು, ಸೋನಾಕ್ಷಿ ಸಿನ್ಹಾ, ಇಲಿಯಾನಾ, ಮೌನಿ ರಾಯ್ ಮಾಲ್ಡೀವ್ಸ್ ಭೇಟಿ ನೀಡಿದ್ದರು. ಬಳಿಕ ದಕ್ಷಿಣ ಇಂಡಸ್ಟ್ರಿಯಿಂದ ಸಮಂತಾ ದಂಪತಿ, ಕಾಜಲ್ ಅಗರ್‌ವಾಲ್ ದಂಪತಿ, ರಕುಲ್ ಪ್ರೀತ್ ಸಿಂಗ್, ಪ್ರಣಿತಾ, ಶರ್ಮಿಳಾ ಮಾಂಡ್ರೆ, ವೇದಿಕಾ ಸೇರಿದಂತೆ ಹಲವು ನಟಿಯರು ಹೋಗಿದ್ದರು.