'ಅಂಬಿ ನಿಂಗೆ ವಯಸ್ಸಾಯ್ತೋ' ಅಂತ ಹೇಳುತ್ತಿದ್ದಾರೆ ಕಿಚ್ಚ ಸುದೀಪ್.!

'ಅಂಬಿ ನಿಂಗೆ ವಯಸ್ಸಾಯ್ತೋ'

'ಅಂಬಿ ನಿಂಗೆ ವಯಸ್ಸಾಯ್ತೋ' ಎಂಬ ವಿಭಿನ್ನ ಸಿನಿಮಾದ ಮೂಲಕ ಅಂಬರೀಶ್ ಮತ್ತು ಸುದೀಪ್ 7 ವರ್ಷಗಳ ನಂತರ ಮತ್ತೆ ಒಂದಾಗಲಿದ್ದಾರೆ ಎನ್ನುವ ಸುದ್ದಿ ಇದೆ.

ಹೀರೋ ಅಂಬರೀಶ್

ಸದ್ಯ ಪೋಷಕ ಪಾತ್ರದಲ್ಲಿ ಹೆಚ್ಚಾಗಿ ನಟಿಸುತ್ತಿರುವ ಅಂಬರೀಶ್ ಈಗ ಮತ್ತೆ ಪೂರ್ಣ ಪ್ರಮಾಣದ ನಾಯಕನಾಗಿ ನಟಿಸಲಿದ್ದಾರೆ. ಈ ಚಿತ್ರದ ಅತಿಥಿ ಪಾತ್ರವನ್ನು ಮಾಡುವ ಮೂಲಕ ಸುದೀಪ್ ಅಂಬಿಗೆ ಸಾಥ್ ನೀಡಲಿದ್ದಾರಂತೆ.

ನಂದ ಕಿಶೋರ್ ನಿರ್ದೇಶನ

'ಅಂಬಿ ನಿಂಗೆ ವಯಸ್ಸಾಯ್ತೋ' ಚಿತ್ರವನ್ನು ಸ್ಟಾರ್ ಡೈರೆಕ್ಟರ್ ನಂದ ಕಿಶೋರ್ ನಿರ್ದೇಶನ ಮಾಡಲಿದ್ದಾರಂತೆ. ಅಂಬರೀಶ್ ಅವರ ವಯಸ್ಸು ಹಾಗೂ ವ್ಯಕ್ತಿತ್ವಕ್ಕೆ ಹೊಂದುವ ಹಾಗೆ ಚಿತ್ರದ ಕಥೆ ಇದೆಯಂತೆ.

ಸುದೀಪ್ ನಿರ್ಮಾಣ

ವಿಶೇಷ ಅಂದರೆ ಸುದೀಪ್ ಈ ಚಿತ್ರದಲ್ಲಿ ಅತಿಥಿ ಪಾತ್ರ ಮಾತ್ರವಲ್ಲದೆ, ಈ ಚಿತ್ರವನ್ನು ಅವರೇ ತಮ್ಮ 'ಕಿಚ್ಚ ಕ್ರಿಯೇಷನ್ಸ್' ನಲ್ಲಿ ನಿರ್ಮಾಣ ಮಾಡಲಿದ್ದಾರಂತೆ.

ಅಂತಿಮ ಆಗಿಲ್ಲ

'ಅಂಬಿ ನಿಂಗೆ ವಯಸ್ಸಾಯ್ತೋ' ಚಿತ್ರದ ಬಗ್ಗೆ ದೊಡ್ಡ ಸುದ್ದಿ ಹೇಳಿ ಬಂದರೂ ಇನ್ನೂ ಈ ಸಿನಿಮಾ ಬರುವ ಬಗ್ಗೆ ಚಿತ್ರತಂಡದಿಂದ ಅಂತಿಮ ಮಾಹಿತಿ ಹೊರಬಂದಿಲ್ಲ.