ಮುಂಗಾರು ಮಳೆ ಬಳಿಕ ಕರೀನಾಗೆ ಮಾಂಗಲ್ಯ ಭಾಗ್ಯ

ಬಾಲಿವುಡ್‌ನ ರೊಮ್ಯಾಂಟಿಕ್ ಜೋಡಿ ಸೈಫ್ ಆಲಿ ಖಾನ್ ಹಾಗೂ ಕರೀನಾ ಕಪೂರ್ ಮುಂಗಾರು ಮಳೆ ಮುಗಿಯುವುದನ್ನೇ ಕಾಯುತ್ತಿದ್ದಾರೆ. ಮುಂಗಾರು ಮಳೆ ಮುಗಿಯುತ್ತಿದ್ದಂತೆ ಇಬ್ಬರೂ ಹೊಸ ಬಾಳಿಗೆ ಅಡಿಯಿಡಲಿದ್ದಾರೆ ಎಂದು ಹಿರಿಯ ತಾರೆ ಹಾಗೂ ಸೈಫ್ ತಾಯಿ ಶರ್ಮಿಳಾ ಠಾಗೋರ್ ಖಚಿತವಾಗಿ ನುಡಿದ್ದಾರೆ.

ತಮ್ಮ ಮಗಳು ಸೋಹಾ ಆಲಿ ಖಾನ್ ಹಾಗೂ ಕುನಾಲ್ ಖೆಮು ಮದುವೆ ಯಾವಾಗ ಎಂದು ಖಚಿತವಾಗಿ ಹೇಳಲಾರೆ. ಆದರೆ ಸೈಫ್ ಮತ್ತು ಕತ್ರಿನಾ ಮದುವೆ ಮಾತ್ರ ಮುಂಗಾರುಮಳೆ ಬಳಿಕ ನಡೆಯುವುದು ನಿಸ್ಸಂದೇಹ ಎಂದಿದ್ದಾರೆ. ಹವಾಮಾನ ಸರಿಯಿಲ್ಲದ ಕಾರಣ ಅವರ ಮದುವೆ ಮುಂದೂಡುತ್ತಿದ್ದೇವೆ ಎಂದಿದ್ದಾರೆ ಶರ್ಮಿಳಾ.

"ಕರೀನಾಳನ್ನು ಮಿಸಸ್ ಖಾನ್ ಎಂದು ಕರೆಯುವ ಸಮಯ ದೂರವಿಲ್ಲ. ಇವರಿಬ್ಬರದ್ದೂ ಹೇಳಿ ಮಾಡಿಸಿದ ಜೋಡಿ. ಇಂತಹ ಹೆಣ್ಣನ್ನು ಪತ್ನಿಯಾಗಿ ಪಡೆಯಲು ಸೈಫ್ ಬಹಳ ಪುಣ್ಯ ಮಾಡಿದ್ದಾನೆ" ಎಂದು ಕರೀನಾರ ಭಾವಿ ಅತ್ತೆ ಸರ್ಟಿಫಿಕೇಟ್ ನೀಡಿದ್ದಾರೆ. ರಾಯಲ್ ಮದುವೆಯ ನಿರೀಕ್ಷೆಯಲ್ಲಿ ಬಾಲಿವುಡ್‌ ಇದೆ. (ಏಜೆನ್ಸೀಸ್)