ಮದುವೆ ಡೇಟ್ ಹೇಳಲು ನಟ ಸಿಂಬು ಸಜ್ಜು: ನಿಧಿ ಅಗರ್ವಾಲ್ ಡೇಟಿಂಗ್ ಲಿಸ್ಟ್ ಔಟ್!

ಸದ್ಯದಲ್ಲಿಯೇ ಮದುವೆ ದಿನಾಂಕ ಪ್ರಕಟಿಸಲಿರುವ ಸಿಂಬು!

ನಟ ಸಿಂಬು ಮತ್ತು ನಿಧಿ ಅಗರ್ವಾಲ್ ಇಬ್ಬರೂ ಸದ್ದಿಲ್ಲದೇ, ತೆರೆ ಮರೆಯಲ್ಲಿ ಮದುವೆ ತಯಾರಿ ನಡೆಸಿದ್ದಾರಂತೆ. ಇವರ ಲವ್ ಗಾಸಿಪ್ ಜೋರಾಗಿ ಹಬ್ಬಿದ್ದರೂ ಕೂಡ ಈ ಬಗ್ಗೆ ಎಲ್ಲೂ ಮಾತನಾಡದೆ, ಅದಾಗಲೆ ಮದುವೆಗೆ ತಯಾರಿ ನಡೆಸಿದ್ದಾರೆ. ಸದ್ಯದಲ್ಲಿಯೇ ಸಿಂಬು ತಮ್ಮ ಮದುವೆ ದಿನಾಂಕವನ್ನೂ ಕೂಡ ಪ್ರಕಟ ಮಾಡಲಿದ್ದಾರಂತೆ. ಈ ಬಗ್ಗೆ ಕಾಲಿವುಡ್‌ನಲ್ಲಿ ಸುದ್ದಿ ಹಬ್ಬಿದೆ.

ಮದುವೆ ಸಮಾಚಾರದ ಬೆನ್ನಲ್ಲೇ ನಿಧಿ ಡೆಟಿಂಗ್ ಸೀಕ್ರೆಟ್ ಔಟ್!

ನಟಿ ನಿಧಿ ಅಗರ್ವಾಲ್, ಸಿಂಬು ಜೊತೆಗೆ ಮದುವೆ ಆಗುತ್ತಿದ್ದಾರೆ ಎನ್ನುವ ವಿಚಾರ ಬಂದ ಬೆನ್ನಲ್ಲೇ, ನಟಿ ನಿಧಿ ಅವರ ಬಗ್ಗೆ ಹೊಸ ಗಾಸಿಪ್ ಹಬ್ಬಿದೆ. ನಟಿ ನಿಧಿ ಅಗರ್ವಾಲ್ ಯಾವೆಲ್ಲಾ ನಟರ ಜೊತೆಗೆ ಡೇಟಿಂಗ್ ಮಾಡಿದ್ದರು ಎನ್ನುವ ಲಿಸ್ಟ್ ಹೊರ ಬಿದ್ದಿದೆ. ನಟಿ ನಿಧಿ ಅಗರ್ವಾಲ್ 2017ರಲ್ಲಿ ಸಿನಿಮಾ ರಂಗಕ್ಕೆ ಕಾಲಿಟ್ಟಿದ್ದಾರೆ. ಬಾಲಿವುಡ್ ಮತ್ತು ತೆಲುಗು ಚಿತ್ರರಂಗದಲ್ಲಿ ಸಕ್ರಿಯವಾಗಿದ್ದಾರೆ. ಸಿಂಬು ಜೊತೆಗೆ ಮದುವೆಗೆ ಸಜ್ಜಾಗಿರುವ ನಿಧಿ ಹೆಸರು ಬಾಲಿವುಡ್ ನಟ ಮತ್ತು ಕ್ರಿಕೆಟಿಗನ ಜೊತೆಗೆ ಕೇಳಿ ಬಂದಿದೆ.

ಟೈಗರ್ ಶ್ರಾಫ್, ಕೆ.ಎಲ್ ರಾಹುಲ್ ಜೊತೆ ನಿಧಿ ಡೇಟಿಂಗ್?

ನಿಧಿ ಅಗರ್ವಾಲ್ 2017 ರಲ್ಲಿ ಬಿಡುಗಡೆಯಾದ ಟೈಗರ್ ಶ್ರಾಫ್ ಅಭಿನಯದ 'ಮುನ್ನಾ ಮೈಕೆಲ್' ಚಿತ್ರದ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದರು. ಚಿತ್ರ ಶುರುವಾದ ಬೆನ್ನಲ್ಲೇ ನಿಧಿ ಮತ್ತು ಟೈಗರ್‌ ಶ್ರಾಫ್ ಹೆಸರು ಡೇಟಿಂಗ್ ವಿಚಾರದಲ್ಲಿ ಸದ್ದು ಮಾಡೋಕೆ ಶುರು ಮಾಡಿತು. ಇದರಿಂದ ದಿಶಾ ಪಟಾನಿ ಮತ್ತು ಟೈಗರ್ ನಡುವೆ ಸಮಸ್ಯೆ ಸೃಷ್ಟಿಯಾಗಿತ್ತಂತೆ. ನಂತರ ನಿಧಿ ಅಗರ್ವಾಲ್ ಹೆಸರು ಕೆಎಲ್ ರಾಹುಲ್ ಜೊತೆಗೆ ತಳುಕು ಹಾಕಿಕೊಂಡಿತು. ಕ್ರಿಕೆಟಿಗ ಕೆ.ಎಲ್ ರಾಹುಲ್ ಅವರೊಂದಿಗೆ ಮುಂಬೈನ ಹೋಟೆಲ್ ಒಂದರಲ್ಲಿ ನಿಧಿ ಕಾಣಿಸಿಕೊಂಡಿದ್ದರು. ಬಳಿಕ ಊಟಕ್ಕೆ ಹೋಗಿದ್ದೆವು, ಡೇಟಿಂಗ್ ಅಲ್ಲ ಎಂದಿದ್ದರು ನಿಧಿ.

ಒಂದೇ ಮನೆಯಲ್ಲಿ ವಾಸ: ಲಿವ್ ಇನ್ ರಿಲೇಷನ್‌ನಲ್ಲಿ ಸಿಂಬು, ನಿಧಿ?

ಈಗ ನಿಧಿ ಅಗರ್ವಾಲ್ ಮತ್ತು ಸಿಂಬು ಜೋಡಿಯಾಗಿದ್ದಾರಂತೆ. ಈಶ್ವರನ್ ಸಿನಿಮಾದ ವೇಳೆ ಇವರ ನಡುವೆ ಪ್ರೇಮಾಂಕುರವಾಗಿದೆಯಂತೆ. ಪ್ರೀತಿ ಪ್ರೇಮ ಅಲ್ಲ, ಈ ಜೋಡಿ ಲಿವ್ ಇನ್ ರಿಲೇಷನ್‌ಶಿಪ್‌ನಲ್ಲಿ ಇದೆಯಂತೆ. ಹಾಗಾಗಿ ಸಿಂಬು ಮತ್ತು ನಿಧಿ ಹಲವು ದಿನಗಳಿಂದ ಒಂದೇ ಮನೆಯಲ್ಲಿ ವಾಸ ಇದ್ದಾರಂತೆ. ಮದುವೆ ಆಗಲು ನಿರ್ಧರಿಸಿದ್ದಾರಂತೆ. ಸದ್ಯದಲ್ಲಿಯೇ ಮದುವೆ ಸುದ್ದಿ ನೀಡಲಿದೆ ಈ ತಾರಾ ಜೋಡಿ.