ದರ್ಶನ್ ನಂತರ ದುಬಾರಿ ಕಾರು ಖರೀದಿಸಿದ್ರಾ ಸೃಜನ್ ಲೋಕೇಶ್.?

ಸೃಜನ್ ಮನೆಗೆ ಬಂತು ಹೊಸ ಕಾರ್

ಕರುನಾಡ ಕಲಾಭೂಷಣ ದರ್ಶನ್ ಇತ್ತೀಚೆಗಷ್ಟೇ ಬಿಳಿ ಬಣ್ಣದ ಲಂಬೋರ್ಗಿನಿ ಕಾರು ಖರೀದಿಸಿದ್ದರು. ಈ ವೇಳೆ, ದರ್ಶನ್ ಅವರ ಮನೆಗೆ ಭೇಟಿ ನೀಡಿದ್ದ ಸೃಜನ್ ತಮ್ಮ ಹೊಸ ಕಾರಿನಲ್ಲಿ ಬಂದಿದ್ದರು ಎನ್ನಲಾಗಿದೆ.

ಆಡಿ ಕಾರ್

ಸೃಜನ್ ಲೋಕೇಶ್ ಅವರ ಖರೀದಿಸಿರುವ ಕಾರು ಕೆಂಪು ಬಣ್ಣದ ಆಡಿ ಕಾರ್. ಈ ಕಾರಿನಲ್ಲಿ ನಂಬರ್ ಪ್ಲೇಟ್ ಕೂಡ ಇರಲಿಲ್ಲ. ಬಹುಶಃ ಇನ್ನು ರಿಜಿಸ್ಟರ್ ಆಗದೇ ಇರಬಹುದು.

ಖಚಿತ ಮಾಹಿತಿ ಇಲ್ಲ

ಸೃಜನ್ ಹೊಸ ಕಾರು ಖರೀದಿಸಿರುವ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಇಲ್ಲ. ಆದ್ರೆ, ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಫೋಟೋ ಇಂತಹದೊಂದು ಸುದ್ದಿಗೆ ಕಾರಣವಾಗಿದೆ.

ಇಂಡಸ್ಟ್ರಿಯಲ್ಲಿ ಕಾರ್ ಪ್ರಿಯರು

ಇತ್ತೀಚೆಗೆ ಸ್ಯಾಂಡಲ್ ವುಡ್ ನಲ್ಲಿ ಹಲವು ತಾರೆಯರು ನೂತನ ಕಾರ್ ಗಳನ್ನ ಖರೀದಿಸಿದ್ದರು. ಹರಿಪ್ರಿಯಾ, ಯಶ್, ಚೇತನ್ ಚಂದ್ರ, ಸಂಗೀತಾ ಭಟ್, ಸಂತೋಷ್ ಆನಂದ್ ರಾಮ್ ಸೇರಿದಂತೆ ಹಲವರು ಹೊಸ ಹೊಸ ಕಾರು ಕೊಂಡುಕೊಂಡಿದ್ದರು. ಈಗ ಸೃಜನ್ ಲೋಕೇಶ್ ಕೂಡ ಇದೇ ಸಾಲಿಗೆ ಸೇರಿದ್ದಾರೆ ಎನ್ನಲಾಗಿದೆ.