ಐಟಂ ಹಾಡಿಗೆ ಸಹಿ ಹಾಕಿದ ನೀಲಿ ತಾರೆ ಸನ್ನಿ ಲಿಯೋನ್

ಬಾಲಿವುಡ್ 'ಜಿಸ್ಮ್-2' ಚಿತ್ರದಲ್ಲಿ ತಮ್ಮ ಮೈಮಾಟ ತೋರಿದ್ದ ನೀಲಿ ತಾರೆ ಸನ್ನಿ ಲಿಯೋನ್ ಈಗ ಐಟಂ ಹಾಡಿನಲ್ಲಿ ಸೊಂಟ ಕುಲುಕಿಸಲು ರೆಡಿಯಾಗಿದ್ದಾರೆ. ಚಲನಚಿತ್ರ ನಿರ್ಮಾತೃ ಅನಿಲ್ ಶರ್ಮ ಅವರ 'ಸಿಂಗ್ ಸಾಹಿಬ್ ದಿ ಗ್ರೇಟ್' ಚಿತ್ರದಲ್ಲಿ ಸನ್ನಿ ಲಿಯೋನ್ ಐಟಂ ಡಾನ್ಸ್ ಮಾಡಲಿದ್ದಾರೆ.

ಸದ್ಯಕ್ಕೆ ಬಿಜಿಯಾಗಿರುವ ಸನ್ನಿ ಅವರ ಡೇಟ್ಸ್ ಹೊಂದಾಣಿಕೆಯಾದರೆ ಆಕೆ ತಮ್ಮ ಚಿತ್ರದಲ್ಲಿ ಕುಣಿಯುವುದು ಗ್ಯಾರಂಟಿ ಎನ್ನುತ್ತಿದ್ದಾರೆ ಅನಿಲ್ ಶರ್ಮ. ಸನ್ನಿ ಲಿಯೋನ್ ಒಬ್ಬ ಮಾನವೀಯತೆಯುಳ್ಳ ಅದ್ಭುತ ತಾರೆ ಎಂಬ ಸರ್ಟಿಫಿಕೇಟನ್ನು ಅವರು ಧಾರಾಳವಾಗಿ ನೀಡಿದ್ದಾರೆ.

ಸನ್ನಿ ಲಿಯೋನ್

ಡಿಸೆಂಬರ್ 10ರಿಂದ 'ಸಿಂಗ್ ಸಾಹಿಬ್ ದಿ ಗ್ರೇಟ್' ಚಿತ್ರದ ಚಿತ್ರೀಕರಣ ಆರಂಭವಾಗಲಿದೆ. ಒಟ್ಟು 50 ದಿನಗಳ ಕಾಲ ಶೂಟಿಂಗ್ ನಡೆಯಲಿದೆ. ಚಿತ್ರದ ನಾಯಕಿ ಅಮೀಷಾ ಪಟೇಲ್. ಈ ಚಿತ್ರದ ಐಟಂ ಹಾಡಿಗಾಗಿ ಸನ್ನಿ ಲಿಯೋನ್ ಅವರಿಗೆ ಭರ್ಜರಿ ರು.50 ಲಕ್ಷ ಸಂಭಾವನೆ ನೀಡಲಾಗುತ್ತಿದೆ ಎಂಬ ಸುದ್ದಿಯೂ ಇದೆ. (ಏಜೆನ್ಸೀಸ್)