ಅದರೆ, ಈ ಬಗ್ಗೆ ನಟಿ ವಿದ್ಯಾ ಬಾಲನ್ ಆಗಲಿ ಸಿದ್ಧಾರ್ಥ್ ಆಗಲಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಲಭ್ಯ ಮಾಹಿತಿ ಪ್ರಕಾರ 2012 ಅಂತ್ಯಕ್ಕೆ ವಿದ್ಯಾ ಮದುವೆಯಾಗಲಿದ್ದಾರೆ. ಮದುವೆಗೆ ಈಗಾಗಲೇ ಭರ್ಜರಿಯಾಗಿ ಸಿದ್ಧತೆ ನಡೆದಿದೆ ಎನ್ನಲಾಗಿದೆ.
ಸಿದ್ದಾರ್ಥ್ ರಾಯ್ ಜೊತೆ ಹಲವಾರು ಸಮಾರಂಭದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದ ವಿದ್ಯಾ ಹಾಗೂ ಸಿದ್ಧಾರ್ಥ್ ಬಗ್ಗೆ ಮಾಧ್ಯಮಗಳಲ್ಲಿ ರಸವತ್ತಾದ ವರದಿಗಳು ಬಂದಿದ್ದವು.
ಆದರೆ, ಇದುವರೆವಿಗೂ ತಮ್ಮ ಪ್ರೇಮ ಸಂಬಂಧದ ಬಗ್ಗೆ ಯಾವುದೇ ವಿಷಯ ಹೊರಹಾಕದ ವಿದ್ಯಾ ಇತ್ತೀಚೆಗೆ ಈ ಬಗ್ಗೆ ಮಾಹಿತಿ ನೀಡಿದ್ದರು.
'ಹೌದು ನಾನು ಸಿದ್ಧಾರ್ಥ್ ಜೊತೆ ಡೇಟಿಂಗ್ ಮಾಡುತ್ತಿದ್ದೇನೆ. ಅದು ಬಿಟ್ಟು ಬೇರೇನೂ ಹೇಳಲಾರೆ' ಎಂದು ಮೋಹಕ ನಗೆ ಬೀರಿದ್ದರು.
ಈಗ ಮತ್ತೊಮ್ಮೆ ವಿದ್ಯಾ ಹಾಗೂ ಸಿದ್ದಾರ್ಥ್ ಅವರ ಮದುವೆ ಫಿಕ್ಸ್ ಆಗಿರುವ ಬಗ್ಗೆ ವರದಿ ಬಂದಿದೆ.
ಗೆಳೆಯ ಸಿದ್ದಾರ್ಥ್ ಸಿಇಒ ಆಗಿರುವ ಯುಟಿವಿ ಮೋಷನ್ ಪಿಕ್ಚರ್ ನಿರ್ಮಾಣದ 'ಘನ್ ಚಕ್ಕರ್' ಚಿತ್ರಕ್ಕೆ ಮಾತ್ರ ವಿದ್ಯಾ ಸಹಿ ಹಾಕಿದ್ದಾರೆ. ಡರ್ಟಿ ಪಿಕ್ಚರ್ ಹಾಗೂ ಕಹಾನಿ ಯಶಸ್ಸಿನ ನಂತರ ಸ್ತ್ರೀ ಪ್ರಧಾನ ಪಾತ್ರಕ್ಕೆ ವಿದ್ಯಾ ಹೆಚ್ಚಿನ ಆದ್ಯತೆ ನೀಡುತ್ತಿರುವುದು ಎಲ್ಲರಿಗೂ ಗೊತ್ತಿರುವ ಗುಟ್ಟು.
ಅಂದ ಹಾಗೆ, ಘನ್ ಚಕ್ಕರ್ ನಲ್ಲಿ ಕಿಸ್ಸಿಂಗ್ ಸ್ಟಾರ್ ಇಮ್ರಾನ್ ಹಶ್ಮಿ ಪ್ರಧಾನ ಭೂಮಿಕೆಯಲ್ಲಿದ್ದಾರೆ. ಇದಲ್ಲದೆ ಶಾದಿ ಕೆ ಸೈಡ್ ಎಫೆಕ್ಟ್ ಎಂಬ ಚಿತ್ರ ದಲ್ಲಿ ವಿದ್ಯಾ ನಾಯಕಿ ಎಂದು ಘೋಷಿಸಲಾಗಿದೆ.
