ಮಹೇಶ್ ಬಾಬು ಸಿನಿಮಾಗೆ 'ಕೆಜಿಎಫ್ 2' ರಮಿಕಾ ಸೇನ್ ಎಂಟ್ರಿ? ಏನಂತಿದೆ ಟಾಲಿವುಡ್?

ಮಹೇಶ್-ತ್ರಿವಿಕ್ರಮ್ ಚಿತ್ರದಲ್ಲಿ ರವೀನಾ?

ಬೆಂಕಿ ಇಲ್ಲದೆ ಹೊಗೆಯಾಡಲ್ಲ ಅನ್ನೋ ಗಾದೆನೇ ಇದೆ. ಟಾಲಿವುಡ್‌ನಲ್ಲೂ ಇಂತಹದ್ದೊಂದು ಸದ್ದು ಜೋರಾಗಿಯೇ ಒಡಾಡುತ್ತಿದೆ. 10 ವರ್ಷಗಳ ಬಳಿಕ ಮಹೇಶ್ ಬಾಬು ಸಿನಿಮಾವನ್ನು ತ್ರಿವಿಕ್ರಮ್ ನಿರ್ದೇಶನ ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ರವೀನಾ ಟಂಡನ್‌ರನ್ನು ಪ್ರಮುಖ ಪಾತ್ರವೊಂದಕ್ಕೆ ಕರೆತರಲು ಸ್ಕೆಚ್ ಹಾಕಿದ್ದಾರಂತೆ. ಮಹೇಶ್ ಬಾಬು ಕೂಡ ತ್ರಿವಿಕ್ರಮ್‌ಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ ಎನ್ನಲಾಗಿದೆ. ಆದರೆ, ತ್ರಿವಿಕ್ರಮ್ ಮಾತ್ರ ಈ ವಿಷಯದ ಬಗ್ಗೆ ಎಲ್ಲೂ ಬಾಯಿ ಬಿಡುತ್ತಲೇ ಇಲ್ಲ.

ಮಹೇಶ್ ಬಾಬು ಫ್ಯಾನ್ಸ್‌ಗೆ ರವೀನಾ ಮೇಲೆ ಕಣ್ಣು

'ಕೆಜಿಎಫ್ 2' ಸಿನಿಮಾದಲ್ಲಿ ರವೀನಾ ಟಂಡನ್ ನಟಿಸಿದ ರಮೀಕಾ ಸೇನ್ ಪಾತ್ರ ಎಲ್ಲರಿಗೂ ಇಷ್ಟ ಆಗಿದೆ. ತೆಲುಗು ಪ್ರೇಕ್ಷಕರೂ ರವೀನಾ ಟಂಡನ್ ಪಾತ್ರವನ್ನು ಮೆಚ್ಚಿಕೊಂಡಿದ್ದಾರೆ. ಇತ್ತ ಮಹೇಶ್ ಬಾಬು ಅಭಿಮಾನಿಗಳು ಕೂಡ ಮಹೇಶ್ ಬಾಬು ಸಿನಿಮಾದಲ್ಲಿ ರವೀನಾ ಟಂಡನ್ ಪ್ರಮುಖ ಪಾತ್ರದಲ್ಲಿ ನಟಿಸಬೇಕು ಎಂದು ಆಸೆ ಪಟ್ಟಿದ್ದಾರಂತೆ. ತ್ರಿವಿಕ್ರಮ್ ಹೇಳಿ-ಕೇಳಿ ಫ್ಯಾಮಿಲಿ ಎಂಟರ್‌ಟೈನರ್ ಕಥೆಯನ್ನು ತೆರೆಮೇಲೆ ತರುತ್ತಾರೆ. ಈ ಕಾರಣಕ್ಕೆ ರವೀನಾ ಟಂಡನ್ ಕೂಡ ನಟಿಸಲಿ ಎಂಬುದು ಅವರ ಆಸೆಯಂತೆ.

ತ್ರಿವಿಕ್ರಮ ಸಿನಿಮಾದಲ್ಲಿ ಸ್ಟಾರ್ ನಟಿಯರು

ತ್ರಿವಿಕ್ರಮ್ ಪ್ರತಿಯೊಂದು ಸಿನಿಮಾದಲ್ಲಿಯೂ ಪ್ರಮುಖ ಪಾತ್ರಗಳಿಗೆ ಸ್ಟಾರ್ ನಟಿಯರನ್ನು ಕರೆದುಕೊಂಡು ಬರುತ್ತಾರೆ. ಹಿಂದಿನಿಂದಲೂ ಈ ಪದ್ಧತಿ ನಡೆದುಕೊಂಡು ಬಂದಿದೆ. ಈಗಾಗಲೇ ನಾದಿಯಾ, ಖುಷ್ಬು, ಟಬುರನ್ನು ತಮ್ಮ ಸಿನಿಮಾಗಾಗಿ ತ್ರಿವಿಕ್ರಮ್ ಕರೆದುಕೊಂಡು ಬಂದಿದ್ದಾರೆ. 90ರ ದಶಕದಲ್ಲಿ ಮಿಂಚಿದ ಸ್ಟಾರ್ ನಟಿಯರನ್ನು ತ್ರಿವಿಕ್ರಮ್ ತಮ್ಮ ಸಿನಿಮಾಗಳಲ್ಲಿ ಪ್ರಮುಖ ಪಾತ್ರ ನೀಡುತ್ತಲೇ ಇದ್ದಾರೆ. ಈ ಬಾರಿ ರವೀನಾ ಟಂಡನ್‌ರನ್ನು ಕರೆತರಲಿದ್ದಾರೆ ಎಂದು ಹೇಳಿಲಾಗಿದೆ.

ಜಕ್ಕಣ್ಣ ಪ್ರಿನ್ಸ್ ಸಿನಿಮಾದ ಕಥೆಯೇನು?

ಟಾಲಿವುಡ್ ಸೂಪರ್‌ಸ್ಟಾರ್ ಮಹೇಶ್ ಬಾಬು ಮೂವಿ ಮಾಂತ್ರಿಕ ರಾಜಮೌಳಿ ನಿರ್ದೇಶನದ ಸಿನಿಮಾದಲ್ಲೂ ನಟಿಸುತ್ತಿದ್ದಾರೆ. ಈ ಸಿನಿಮಾ ಕೂಡ ಫುಲ್ ಸ್ವಿಂಗ್‌ನಲ್ಲಿ ನಡೆಯುತ್ತಿದೆ. ಹೀಗಾಗಿ ಇವೆರಡು ಸಿನಿಮಾಗಳಲ್ಲಿ ಒಂದರಲ್ಲಿ ರವೀನಾ ಟಂಡನ್ ಕಾಣಿಸಿಕೊಳ್ಳಬಹುದು ಎಂದು ಮಹೇಶ್ ಬಾಬು ಅಭಿಮಾನಿಗಳು ಕಾದು ಕೂತಿದ್ದಾರೆ.