ಆರ್.ಜಿ.ವಿ ನಿರ್ದೇಶನದಲ್ಲಿ ಜಮೀರ್ ಪುತ್ರ ಬಾಲಿವುಡ್ಡಿಗೆ?

ಜನವರಿ ವೇಳೆಗೆ ಶೂಟಿಂಗ್ ಸ್ಟಾರ್ಟ್?

ಮೂಲಗಳಿಂದ ಬಂದಿರುವ ಮಾಹಿತಿ ಪ್ರಕಾರ, ಜನವರಿ ವೇಳೆಗೆ ಝೈದ್ ಖಾನ್ ರವರ ಚೊಚ್ಚಲ ಚಿತ್ರದ ಶೂಟಿಂಗ್ ಪ್ರಾರಂಭವಾಗಲಿದೆ. ಚಿತ್ರಕ್ಕೆ ರಾಮ್ ಗೋಪಾಲ್ ವರ್ಮಾ ಆಕ್ಷನ್ ಕಟ್ ಹೇಳ್ತಾರಾ ಅನ್ನೋದು ಖಾತ್ರಿ ಆಗಿಲ್ಲ. ಆದ್ರೆ, ವರ್ಮಾ ಸಾಹೇಬ್ರು ತಮ್ಮ ಮಗನ ಸಿನಿಮಾಗೆ ನಿರ್ದೇಶನ ಮಾಡಿದರೆ ಚೆನ್ನ ಅನ್ನೋದು ಜಮೀರ್ ಅಹಮದ್ ಖಾನ್ ರವರ ಬಯಕೆ.

'ಫ್ರೆಶ್ ಫೇಸ್ ಆಫ್ ದಿ ಇಯರ್' ಪ್ರಶಸ್ತಿ ಗಿಟ್ಟಿಸಿರುವ ಝೈದ್

ಗೋವಾದಲ್ಲಿ 'ಬ್ರ್ಯಾಂಡ್' ಅಕಾಡೆಮಿ ನಡೆಸಿದ ಬಾಲಿವುಡ್ ಹೊಸ ಮುಖಗಳ ಶೋಧ ಸ್ಪರ್ಧೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಝೈದ್ ಖಾನ್ 'ಫ್ರೆಶ್ ಫೇಸ್ ಆಫ್ ದಿ ಇಯರ್' ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದಾರೆ.

ಬಾಲಿವುಡ್ ನಿಂದ ರೆಡ್ ಕಾರ್ಪೆಟ್ ಸ್ವಾಗತ

ಜಮೀರ್ ಅಹಮದ್ ಖಾನ್ ಗೆ ಕಿಂಗ್ ಖಾನ್ ಶಾರುಖ್ ಪರಿಚಿತರು. ಶಾರುಖ್ ಮನೆಗೆ ಡಿನ್ನರ್ ಹೋಗಿದ್ದ ಸಂದರ್ಭದಲ್ಲಿ, ಅವರ ಒತ್ತಾಯದ ಮೇರೆಗೆ ಝೈದ್ ಫೋಟೋಶೂಟ್ ಮಾಡಿಸಿದ್ದರು. ಜಿಮ್ ನಲ್ಲಿ ಪ್ರತಿನಿತ್ಯ ಬೆವರು ಹರಿಸುತ್ತಿರುವ ಝೈದ್ ಖಾನ್ ಗೆ ಬಾಲಿವುಡ್ ನಿಂದ ಹೆಚ್ಚು ಆಫರ್ ಗಳು ಬರುತ್ತಿವೆ.

ದ್ವಿತೀಯ ಪಿಯುಸಿ ಓದುತ್ತಿರುವ ಝೈದ್ ಖಾನ್

ಬೆಂಗಳೂರಿನ ಜೈನ್ ಕಾಲೇಜ್ ನಲ್ಲಿ ದ್ವಿತೀಯ ಪಿಯುಸಿ ವ್ಯಾಸಂಗ ಮಾಡುತ್ತಿದ್ದಾರೆ ಜಮೀರ್ ಅಹಮದ್ ಖಾನ್ ಪುತ್ರ ಝೈದ್ ಖಾನ್. ಓದಿನೊಂದಿಗೆ ಸಿನಿಮಾದ ಬಗ್ಗೆ ಝೈದ್ ಗೆ ಅಪಾರ ಆಸಕ್ತಿ ಇದೆ.