23 ನೇ ಜೇಮ್ಸ್ ಬಾಂಡ್ ಚಿತ್ರಕ್ಕೂ ಕ್ರೆಗ್ ಹೀರೋ

ಸಾಹಸಭರಿತ ಕುತೂಹಲಕಾರಿ ಚಿತ್ರದ ಪ್ರಿಮಿಯರ್ ಶೋ ಓಡಿಯನ್ ಲಿಸ್ಟೇಸ್ಟರ್ ಸ್ಕ್ವಯರ್ ನಲ್ಲಿ ಪ್ರದರ್ಶಿಸಲಾಗುವುದು ಎಂದು ಸೋನಿ ಸಂಸ್ಥೆ ಹೇಳಿದೆ. ನಟ ಡೇನಿಯಲ್ ಕ್ರೇಗ್ ಮೂರನೇ ಬಾರಿಗೆ ಲೈಸನ್ಸ್ ಟು ಕಿಲ್ ಎಂದು ಸೂಚಿಸಲಾಗಿದ್ದು, ಇನ್ನೂ ಹೆಸರಿಡದ ಚಿತ್ರದಲ್ಲಿ ಮತ್ತೊಮ್ಮೆ ಏಜೆಂಟ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ.

ಅಮೆರಿಕನ್ ಬ್ಯೂಟೀ ಹಾಗೂ ರೆವಲ್ಯೂಷನರಿ ರೋಡ್ ಚಿತ್ರ ಖ್ಯಾತಿಯ ಸ್ಯಾಮ್ ಮೆಂಡೆಸ್ ಅವರು ಮಾರ್ಕ್ ಫೊಸ್ಟರ್ ಅವರಿಂದ ನಿರ್ದೇಶಕನ ಹುದ್ದೆಯನ್ನು ಕಸಿದುಕೊಂಡಿದ್ದಾರೆ. 2008ರಲ್ಲಿ ಕ್ವಾಂಟಮ್ ಆಫ್ ಸೊಲಸ್ ನಿರ್ದೇಶಿಸಿದ್ದ ಮಾರ್ಕ್ ಬದಲಿಗೆ ಮೆಂಡೆಸ್ ಬಂದಿದ್ದಾರೆ.

ಇಸ್ರೇಲಿ ಮಾಡೆಲ್ ಎಸ್ಟಿ ಜಿಂಜ್ಬರ್ಗ್ ಗೆ ಬಾಂಡ್ ಜೊತೆ ರೋಮಾನ್ಸ್ ಮಾಡುವ ಅವಕಾಶ ದೊರೆಯುವ ಸಾಧ್ಯತೆಯಿದೆ ಎಂದು ಆನ್ ಲೈನ್ ನಲ್ಲಿ ಭಾರಿ ಚರ್ಚೆ ನಡೆದಿದೆ. ಆದರೆ, ಬಾಂಡ್ ಗರ್ಲ್ ಯಾರೂ ಎಂಬುದು ಇನ್ನೂ ಅಧಿಕೃತವಾಗಿ ಘೋಷಿಸಿಲ್ಲ. ಖ್ಯಾತ ಸಿನಿಮಾ ಛಾಯಾಗ್ರಾಹಕ ರೋಜರ್ ಡಿಕಿನ್ಸ್ ಜೇಮ್ಸ್ ಬಾಂಡ್ ನ ಸಾಹಸ, ಪ್ರಣಯ ದೃಶ್ಯಗಳನ್ನು ಸೆರೆ ಹಿಡಿಯಲಿದ್ದಾರೆ.