ಬ್ಯಾಟ್‌ಮ್ಯಾನ್ ಪಾತ್ರಕ್ಕೆ ಬೇರೆ ನಟ: ರೊಚ್ಚಿಗೆದ್ದ ಅಭಿಮಾನಿಗಳು

ಇಬ್ಬರು ಬ್ಯಾಟ್‌ಮ್ಯಾನ್‌ ಆಗಿ ಕಾಣಿಸಿಕೊಳ್ಳಲಿದ್ದಾರೆ!

ಆಂಡಿ ಮುಶೈಟಿ ನಿರ್ದೇಶನದ 'ದಿ ಫ್ಲಾಶ್' ಸಿನಿಮಾದಲ್ಲಿ ಮೈಕಲ್ ಕೀಟನ್ ಮತ್ತು ಬೆನ್ ಅಫ್ಲೆಕ್ ಇಬ್ಬರೂ ಸಹ ಬ್ಯಾಟ್‌ಮ್ಯಾನ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಬೆನ್ ಅಫ್ಲಿಕ್ಸ್ ಈ ಮೊದಲು 'ಜಸ್ಟಿಸ್ ಲೀಗ್' ಸಿನಿಮಾದಲ್ಲಿ ಬ್ಯಾಟ್‌ಮ್ಯಾನ್ ಆಗಿ ಕಾಣಿಸಿಕೊಂಡಿದ್ದರು.

ಕ್ರಿಸ್ಟಿಯನ್ ಬಾಲೆ ಅತ್ಯುತ್ತಮ ಬ್ಯಾಟ್‌ಮ್ಯಾನ್

ಟ್ವಿಟ್ಟರ್‌ನಲ್ಲಿ ಕ್ರಿಸ್ಟಿಯನ್ ಬಾಲೆ ಹೆಸರು ಟ್ರೆಂಡ್ ಆಗುತ್ತಿದ್ದು, ಕ್ರಿಸ್ಟಿಯನ್ ಬಾಲೆ ಈವರೆಗೆ ಅತ್ಯುತ್ತಮ ಬ್ಯಾಟ್‌ಮ್ಯಾನ್ ಆತನನ್ನು ಮತ್ತೆ ಬ್ಯಾಟ್‌ಮ್ಯಾನ್ ಪಾತ್ರದಲ್ಲಿ ಕಾಣಬೇಕು ಎಂದು ಒತ್ತಾಯಿಸಿದ್ದಾರೆ. ಆತನನ್ನು ಬ್ಯಾಟ್‌ಮ್ಯಾನ್ ಆಗಿ ಮತ್ತೆ ತೆರೆಗೆ ತನ್ನಿ ಎಂದು ಒತ್ತಾಯಿಸಿದ್ದಾರೆ.

ಕ್ರಿಸ್ಟಿಯನ್ ಬಾಲೆ ಬ್ಯಾಟ್‌ಮ್ಯಾನ್ ಪಾತ್ರ ಮಾಡುವುದಿಲ್ಲವೇ?

ಕ್ರಿಸ್ಟಿಯನ್ ಬಾಲೆ ಅಭಿನಯದ 'ಡಾರ್ಕ್ ನೈಟ್ ರೈಸಸ್' ಸಿನಿಮಾದ ಕೊನೆಯಲ್ಲಿ ಬ್ರೂಸ್ ವೇನ್ ಕಣ್ಮರೆಯಾಗುತ್ತಾನೆ. ಎಲ್ಲರೂ ಆತ ಸತ್ತುಹೋಗಿದ್ದಾನೆ ಎಂದುಕೊಳ್ಳುತ್ತಾರೆ. ಆಗ ಪಾತ್ರಧಾರಿಯೊಬ್ಬನಿಗೆ ಒಂದು ಪಾರ್ಸಲ್ ಬರುತ್ತದೆ ಅದು ಆತನನ್ನು ಬ್ರೂಸ್ ವೇನ್‌ (ಕ್ರಿಸ್ಟಿಯನ್ ಬಾಲೆ)ನ ಬ್ಯಾಟ್‌ಮನ್ ಉಡುಪು ಇದ್ದಲ್ಲಿಗೆ ಕರೆದುಕೊಂಡು ಹೋಗುತ್ತದೆ. ಅಲ್ಲಿಗೆ ಬ್ರೂಸ್ ವೇನ್ ಅಥವಾ ಕ್ರಿಸ್ಟಿಯನ್ ಬಾಲೆ ಇನ್ನು ಮುಂದೆ ಬ್ಯಾಟ್‌ಮ್ಯಾನ್‌ ಆಗಿರುವುದಿಲ್ಲ ಎಂಬುದನ್ನು ತೋರಿಸಲಾಗಿತ್ತು. ಮುಂದಿನ ಬ್ಯಾಟ್‌ಮ್ಯಾನ್‌ ಯಾರಾಗುತ್ತಾರೆ ಎಂಬ ಕುತೂಹಲ ಅಲ್ಲಿಗೆ ನಿಂತಿತ್ತು.

ಹಲವು ಖ್ಯಾತ ಸಿನಿಮಾಗಳಲ್ಲಿ ನಟನೆ

ಬ್ಯಾಟ್‌ಮ್ಯಾನ್ ಸಿನಿಮಾ ಹೊರತಾಗಿ ಕ್ರಿಸ್ಟಿಯನ್ ಬಾಲೆ, 'ದಿ ಪ್ರೆಸ್ಟಿಜ್', ಟರ್ಮಿನೇಟರ್ ಸಾಲ್ವೇಶನ್, ಪಬ್ಲಿಕ್ ಎನಿಮೀಸ್, ಅಮೆರಿಕನ್ ಸೈಕೋ, ಫೋರ್ಡ್ ವರ್ಸಸ್ ಫೆರಾರಿ, ರೆಸ್ಕ್ಯೂ ಡೌನ್, ದಿ ಬಿಗ್ ಶಾರ್ಟ್, ದಿ ಮೆಕ್ಯಾನಿಸ್ಟ್ ಇನ್ನೂ ಹಲವು ಜನಪ್ರಿಯ ಸಿನಿಮಾಗಳಲ್ಲಿ ನಟಿಸಿದ್ದಾರೆ.