ಮೊಟ್ಟ ಮೊದಲ ಬಾರಿಗೆ ಭಾರತಕ್ಕೆ ಕಾಲಿಡುತ್ತಿರುವ 'ಹ್ಯಾರಿಪಾಟರ್' ನಟಿ

ಹಾಲಿವುಡ್ ನ ಖ್ಯಾತ ಸಿರೀಸ್ ಸಿನಿಮಾ 'ಹ್ಯಾರಿಪಾಟರ್' ನಲ್ಲಿ ಅಫ್ಶಾನ್ ಅಜಾದ್ ಅವರು 'ಪದ್ಮಾವತಿ ಪಾಟೀಲ್' ಅಂತ ಒಂದು ಪ್ರಮುಖ ಪಾತ್ರ ಮಾಡುತ್ತಿದ್ದರು. ಈ ಅಫ್ಶಾನ್ ಬಗ್ಗೆ ಸಾಮಾನ್ಯವಾಗಿ ಎಲ್ಲರಿಗೂ ಗೊತ್ತೇ ಇರುತ್ತೆ.

ಅಂದಹಾಗೆ ಈಗ ಈ ನಟಿಯ ವಿಚಾರ ಯಾಕಪ್ಪಾ ಅಂದ್ರೆ, ಮುದ್ದು ಮುಖದ ನಟಿ ಮೊಟ್ಟ ಮೊದಲ ಬಾರಿಗೆ ಭಾರತಕ್ಕೆ ಕಾಲಿಡುತ್ತಿದ್ದಾರೆ. ಇದೇ ಮೊದಲ ಬಾರಿಗೆ ಭಾರತಕ್ಕೆ ಬರುತ್ತಿರುವುದರಿಂದ ಕೊಂಚ ಜಾಸ್ತಿ ಎಕ್ಸೈಟ್ ಆಗಿದ್ದಾರೆ ನಟಿ ಅಫ್ಶಾನ್ ಅವರು.[ಚಿತ್ರಗಳು: 'ಹ್ಯಾರಿಪಾಟರ್' ನಟಿ ಸೆಕ್ಸಿ ಎಮ್ಮಾ ವ್ಯಾಟ್ಸನ್ ಭಾವ-ಭಂಗಿ]

ಸೆಪ್ಪೆಂಬರ್ ನಲ್ಲಿ ನಡೆಯಲಿರುವ 'ಹೈದರಾಬಾದ್ ಕಾಮಿಕ್ ಕಾನ್-2016' ಕಾರ್ಯಕ್ರಮದಲ್ಲಿ ಭಾಗವಹಿಸಲು, ಹಾಲಿವುಡ್ ನಟಿ ಅಫ್ಶಾನ್ ಅಜಾದ್ ಅವರು ಸಂಭ್ರಮದಿಂದ ಭಾರತಕ್ಕೆ ಆಗಮಿಸುತ್ತಿದ್ದಾರೆ.

ಸೆಪ್ಟೆಂಬರ್ 24 ಮತ್ತು 25 ರಂದು ಹೈಟೆಕ್ಸ್ ಎಕ್ಸಿಬಿಷನ್ ಸೆಂಟರ್ ನಲ್ಲಿ ನಡೆಯಲಿರುವ ಈ ಸಮಾರಂಭದಲ್ಲಿ, ವಿಶೇಷ ಚರ್ಚೆಗಳಲ್ಲಿ ಭಾಗವಹಿಸಿ, ಪೋಸ್ಟರ್ ಗಳಿಗೆ ಸಹಿ ಮಾಡಿ , ಅಭಿಮಾನಿಗಳೊಂದಿಗೆ, ಬಾಂಗ್ಲಾ ಮೂಲದ ನಟಿ ಅಫ್ಶಾನ್ ಅವರು ಮಾತುಕತೆ ನಡೆಸಲಿದ್ದಾರೆ.[ವಿಮರ್ಶೆ : ಹ್ಯಾರಿ ಪಾಟರ್ ಅಂಡ್ ದಿ ಹಾಫ್ ಬ್ಲಡ್ ಪ್ರಿನ್ಸ್]

ಭಾರತದಲ್ಲಿರುವ ತಮ್ಮ ಅಭಿಮಾನಿಗಳನ್ನು ಭೇಟಿ ಮಾಡಲು ಉತ್ಸುಕರಾಗಿರುವ ನಟಿ ಅಫ್ಶಾನ್ ಅಜಾದ್ ಅವರು ಹಾಲಿವುಡ್ 'ಹ್ಯಾರಿಪಾಟರ್' ಸರಣಿ ಸಿನಿಮಾಗಳಲ್ಲಿ, ಸತತ 5 ಸಿನಿಮಾಗಳಲ್ಲಿ ಪದ್ಮಾವತಿ ಪಾಟೀಲ್ ಪಾತ್ರ ವಹಿಸಿ ಗಮನ ಸೆಳೆದಿದ್ದಾರೆ.

ಸದ್ಯ ಇಂಗ್ಲೆಂಡ್ ನಲ್ಲಿ ನೆಲೆಸಿರುವ ನಟಿ ಅಫ್ಶಾನ್ ಅವರು 'ಹ್ಯಾರಿಪಾಟರ್' ಮುಂದುವರಿದ ಸಿರೀಸ್ ಸಿನಿಮಾ ನಿರ್ಮಾಣ ಮಾಡಲು ಉತ್ಸುಕರಾಗಿದ್ದಾರೆ.