ವಿಚ್ಛೇದನಕ್ಕೆ ಮುಂದಾದರೇ ತಾರಾ ಜೋಡಿ ಕಿಮ್ ಕರ್ದಶಿಯನ್-ಕಾನ್ಯೆ ವೆಸ್ಟ್?

ವಿಚಿತ್ರ ಪೋಸ್ಟ್‌ಗಳು

ನನ್ನನ್ನು ವೈದ್ಯರ ಬಳಿ ಕಟ್ಟಿಹಾಕುವ ಸಲುವಾಗಿ ಕಿಮ್ ವೈದ್ಯರನ್ನು ಕರೆತರಲು ಪ್ರಯತ್ನಿಸಿದ್ದರು ಎಂದು ವಿಚಿತ್ರ ಟ್ವೀಟ್ ಮಾಡಿದ್ದರು. ಕ್ರಿಸ್ ಆಂಡ್ ಕಿಮ್ ಕಾಲ್ ಮಿ ನೌ, 'ನನ್ನನ್ನು ಮಂಡೇಲಾ ರೀತಿ ಕೂಡಿಹಾಕಿದರೆ... ಹೌದು ಏಕೆಂದು ನನಗೆ ಗೊತ್ತು', 'ಕ್ರಿಸ್ ನನ್ನ ಜೊತೆ ಆಟವಾಡಬೇಡ. ನೀನು ಮತ್ತು ಆ ಕಾಲ್ಮಿಯನ್ನು ನನ್ನ ಮಕ್ಕಳ ಸಮೀಪ ಬರಲು ಬಿಡುವುದಿಲ್ಲ. ನನ್ನನ್ನು ಲಾಕ್‌ ಮಾಡಲು ಪ್ರಯತ್ನಿಸುತ್ತೇನೆ'- ಹೀಗೆ ಐದಾರು ಪೋಸ್ಟ್‌ಗಳನ್ನು ಅವರು ಮಾಡಿದ್ದರು.

ನೆಲ್ಸನ್ ಮಂಡೇಲಾಗೆ ಹೋಲಿಕೆ

ತಮ್ಮನ್ನು ಅಧ್ಯಕ್ಷೀಯ ಅಭ್ಯರ್ಥಿಯನ್ನಾಗಿ ಬಿಂಬಿಸಿಕೊಳ್ಳಲು ನಡೆಸಿದ್ದ ರಾಲಿಯಲ್ಲಿ ವೆಸ್ಟ್, ಪತ್ನಿ ಕಿಮ್ ಕರ್ದಶಿಯನ್ ಗರ್ಭವನ್ನು ತೆಗೆದುಹಾಕುವುದನ್ನು ತಡೆದಿದ್ದೆ ಎಂದು ಕಣ್ಣೀರಿಟ್ಟಿದ್ದರು. ನನ್ನ ಹೆಣ್ಣುಮಕ್ಕಳ ಜೀವ ಉಳಿಸಿದ್ದಕ್ಕಾಗಿ ನಾನು ನಿನ್ನೆ ಕಣ್ಣೀರಿಟ್ಟಿದ್ದಕ್ಕಾಗಿ 'ಗೆಟ್ ಔಟ್' ಚಿತ್ರದಲ್ಲಿ ಮಾಡಿದಂತೆ ತಮ್ಮನ್ನು ನೆಲ್ಸನ್ ಮಂಡೇಲಾ ಅವರಂತೆ ಕಟ್ಟಿಹಾಕುತ್ತಾರೆ ಎಂದು ಬರೆದುಕೊಂಡಿದ್ದರು.

ಸೆಕ್ಸ್ ಟೇಪ್ ಉಲ್ಲೇಖ

ಅವರ ಮತ್ತೊಂದು ಟ್ವೀಟ್ ತಮ್ಮ ಆರು ವರ್ಷದ ಮಗಳು ನಾರ್ತ್ ವೆಸ್ಟ್ ಹಾಗೂ 2007ರಲ್ಲಿ ಸಂಚಲನ ಮೂಡಿಸಿದ್ದ ಕಿಮ್ ಕರ್ದಶಿಯನ್ ಅವರ ಆಗಿನ ಪ್ರಿಯಕರ ರೇ ಜೆ ಜತೆಗಿನ ಸೆಕ್ಸ್ ಟೇಪ್ ಕುರಿತಾಗಿದೆ. 'ನನ್ನ ಜೀವನವನ್ನು ನನ್ನ ಮಕ್ಕಳಿಗಾಗಿ ಮುಡಿಪಾಗಿರಿಸಿದ್ದೇನೆ, ನಾರ್ತ್‌ನ ತಾಯಿ ತನ್ನ ಸೆಕ್ಸ್‌ ಟೇಪನ್ನು ಮಾರಾಟಮಾಡುವುದಿಲ್ಲ' ಎಂದು ಬರೆದಿದ್ದರು.

ವಿಚ್ಛೇದನಕ್ಕೆ ಮುಂದು

ಕಾನ್ಯೆ ವೆಸ್ಟ್ ಚುನಾವಣೆಗೆ ಸ್ಪರ್ಧಿಸುವುದರ ಬಗ್ಗೆ ಕಿಮ್ ಕರ್ದಶಿಯನ್‌ಗೆ ಒಲವು ಇಲ್ಲ. ಆದರೂ ವೆಸ್ಟ್ ಪ್ರಚಾರದಲ್ಲಿ ಭಾಗವಹಿಸುತ್ತಿರುವುದು ಅವರಲ್ಲಿ ಅಸಮಾಧಾನ ಉಂಟುಮಾಡಿದೆ. ಅಲ್ಲದೆ, ಖಾಸಗಿ ಸಂಗತಿಗಳನ್ನು ಹಂಚಿಕೊಂಡಿರುವುದು ಅವರನ್ನು ಮತ್ತಷ್ಟು ಕೆರಳಿಸಿದೆ. ಹೀಗಾಗಿ ಕೆನ್ಯೆ ವೆಸ್ಟ್ ಅವರಿಂದ ಕಾನೂನು ಬದ್ಧವಾಗಿ ದೂರವಾಗಲಿ ಕಿಮ್ ನಿರ್ಧರಿಸಿದ್ದಾರೆ. ಆ ಬೇಸರದಲ್ಲಿಯೇ ಅವರು ಈ ರೀತಿ ಪೋಸ್ಟ್‌ಗಳನ್ನು ಮಾಡಿದ್ದಾರೆ ಎನ್ನಲಾಗಿದೆ.