ರಿಯಾಲಿಟಿ ಶೋನಲ್ಲಿ ಖ್ಯಾತ ತಾರೆಗೆ ಗರ್ಭಪಾತ

ರಿಯಾಲಿಟಿ ಶೋ ಚಿತ್ರೀಕರಣ ವೇಳೆ ತಮಗೆ ಗರ್ಭಸ್ರಾವ ಆಗಿದ್ದಾಗಿ ಹಾಲಿವುಡ್ ನಲ್ಲಿ ಟ್ರಬಲ್ ಸ್ಟಾರ್ ಎಂದೇ ಖ್ಯಾತರಾಗಿರುವ ಲಿಂಡ್ಸೆ ಲೋಹನ್ ಹೇಳಿಕೊಂಡಿದ್ದಾರೆ. ಇಪ್ಪತ್ತೇಳರ ಹರೆಯದ ಈ ತಾರೆ ಇಷ್ಟು ದಿನ ತುಟಿಪಿಟಕ್ಕೆನ್ನದೆ ಇದ್ದು 'ಲಿಂಡ್ಸೆ' ಹೆಸರಿನ ರಿಯಾಲಿಟಿ ಶೋನ ಕೊನೆಯ ಎಪಿಸೋಡಿನಲ್ಲಿ ತಮಗೆ ಅಕಾಲಪ್ರಸವವಾಗಿದ್ದನ್ನು ಹೇಳಿದ್ದಾರೆ.

ಕಳೆದ ಎರಡು ವಾರಗಳ ಹಿಂದೆ ನನಗೆ ರಿಯಾಲಿಟಿ ಶೋನಲ್ಲೇ ಅಕಾಲಪ್ರಸವವಾಯಿತು. ಹಾಗಾಗಿ ನಾನು ಎರಡು ವಾರಗಳ ಕಾಲ ವಿಶ್ರಾಂತಿ ಪಡೆದೆ. ಓರ್ಪಾ ವಿನ್ ಫ್ರೇ ಅವರ ಓನ್ ನೆಟ್ ವರ್ಕ್ ಟಿವಿ ವಾಹಿನಿಗಾಗಿ ಲಿಂಡ್ಸೆ ಲೋಹನ್ ಈ ರಿಯಾಲಿಟಿ ಕಾರ್ಯಕ್ರಮ ನಡೆಸಿಕೊಡುತ್ತಿದ್ದಾರೆ. [Interesting Facts About Lindsay Lohan]

ಆದರೆ ತನ್ನ ಮಗುವಿನ ತಂದೆಯ ಹೆಸರನ್ನು ಮಾತ್ರ ಲಿಂಡ್ಸೆ ಬಹಿರಂಗಪಡಿಸಿಲ್ಲ. ರಿಯಾಲಿಟಿ ಶೋನ ಕೊನೆಯ ದಿನ ಅವರ ತಾಯಿ ದಿನಾ ಟ್ವೀಟ್ ಮಾಡಿ "Oprah call me" ಎಂದು ಸಣ್ಣ ಸಂದೇಶ ರವಾನಿಸಿದ್ದರು. ಆಗಲೇ ಏನೋ ಎಡವಟ್ಟಾಗಿದೆ ಎಂದು ಗೊತ್ತಾಗಿತ್ತು. ಆದರೆ ಈಗ ಲಿಂಡ್ಸೆ ತಮಗೇನಾಯಿತು ಎಂಬುದನ್ನು ವಿವರಿಸಿದ್ದಾರೆ.