Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಂತರ್ಜಾಲದಲ್ಲಿ ಹರಿದಾಡಿದ ಜಾಕಿ ಚಾನ್ ಸಾವಿನ ಸುದ್ದಿ
ಮಾರ್ಷಲ್ ಆರ್ಟ್ಸ್ ಸೂಪರ್ ಸ್ಟಾರ್ ಜಾಕಿ ಚಾನ್ ನಿಧನರಾಗಿದ್ದಾರೆ ಎಂಬ ಸುದ್ದಿ ಅಂತರ್ಜಾಲದಲ್ಲಿ ಹರಿದಾಡಿ ಭಾರಿ ಅಲ್ಲೋಲ ಕಲ್ಲೋಲ ಸೃಷ್ಟಿಸಿದೆ. ಅವರು ಹಾಲಿವುಡ್ ಚಿತ್ರಕ್ಕಾಗಿ ಡೆಡ್ಲಿ ಸಾಹಸ ಮಾಡಬೇಕಾದರೆ ಸಾವಪ್ಪಿದರು ಎಂಬ ಸುದ್ದಿ ಸ್ಫೋಟಗೊಂಡು ಜಾಕಿ ಚಾನ್ ಅಭಿಮಾನಿಗಳನ್ನು ದಂಗುಬಡಿಸಿತು.
ಆದರೆ ಜಾಕಿ ಚಾನ್ ಅವರು ಸತ್ತಿಲ್ಲ. ತಾನಿನ್ನೂ ಜೀವಂತವಾಗಿದ್ದೀನಿ ಎಂದು ಸ್ವತಃ ಜಾಕಿ ಚಾನ್ ಅವರೇ ಸ್ಪಷ್ಟಪಡಿಸಿದ್ದಾರೆ. ಫೇಸ್ ಬುಕ್ ನ ಪಾಪ್ ಅಲ್ ಆಪ್ ಒಂದರ ಮೂಲಕ ಜಾಕಿ ಚಾನ್ ಸತ್ತಿದ್ದಾರೆ ಎಂಬ ವದಂತಿಯನ್ನು ಹಬ್ಬಿಸಲಾಗಿತ್ತು.
"The 59-year-old actor recently died after perfecting a deadly movie stunt in Hollywood" ಎಂಬ ಸಂದೇಶದ ಫೇಸ್ ಬುಕ್ ಆಪ್ ಅಭಿಮಾನಿಗಳಲ್ಲಿ ಸಿಕ್ಕಾಪಟ್ಟೆ ಗೊಂದಲ, ಕಳವಳ ಮೂಡಿಸಿತ್ತು. ದಯವಿಟ್ಟು ಈ ಫೇಸ್ ಬುಕ್ ಆಪ್ ಕ್ಲಿಕ್ಕಿಸಬೇಡಿ. ಇದೊಂದು ಸ್ಪ್ಯಾಮ್ ಎಂದು ತಿಳಿಸಲಾಗಿದೆ.
ಜಾಕಿ ಚಾನ್ ಅವರು ಸತ್ತಿದ್ದಾರೆ ಎಂಬ ವದಂತಿ ಹಬ್ಬಿರುವುದು ಇದೇ ಮೊದಲಲ್ಲ. ಈ ಹಿಂದೊಮ್ಮೆ ಅಂತರ್ಜಾಲದಲ್ಲಿ ನಿಗೂಢವಾಗಿ ಸತ್ತಿದ್ದ ಸುದ್ದಿಯೂ ಹಬ್ಬಿತ್ತು. ಈ ರೀತಿಯ ಸುದ್ದಿಗಳನ್ನು ಹಬ್ಬಿಸಿ ಫೇಸ್ ಬುಕ್ ನಲ್ಲಿ ಒಂದಷ್ಟು ಲಾಭ, ಇನ್ನೊಂದಿಷ್ಟು ಬೇಳೆ ಬೇಯಿಸಿಕೊಳ್ಳುವ ತರ್ಲೆ ಜನ ಇದ್ದೇ ಇರುತ್ತಾರೆ ಬಿಡಿ.
ಈ ರೀತಿಯ ಸುಳ್ಳು ಸುದ್ದಿಗಳನ್ನು ಹಬ್ಬಿಸುತ್ತಿರುವವರು ಹಾಲಿವುಡ್ ನಿಂದ ಹಿಡಿದು ನಮ್ಮ ಗಾಂಧಿನಗರದ ತನಕ ಇದ್ದಾರೆ ಎಂಬುದೇ ವಿಶೇಷ. ನಟ ರೆಬಲ್ ಸ್ಟಾರ್ ಅಂಬರೀಶ್, ಕ್ರೇಜಿಸ್ಟಾರ್ ರವಿಚಂದ್ರನ್ ಅವರೂ ಸತ್ತಿದ್ದಾರೆ ಎಂಬ ಗಾಳಿಸುದ್ದಿಗಳನ್ನು ಹಬ್ಬಿಸಿ ಅವರ ಅಭಿಮಾನಿಗಳನ್ನು ಕಳವಳಕ್ಕೀಡು ಮಾಡಿದ್ದನ್ನು ಇಲ್ಲಿ ನೆನೆಯಬಹುದು. (ಏಜೆನ್ಸೀಸ್)