Don't Miss!
- News Siddaramaiah: ಹುಬ್ಬಳ್ಳಿಯ ನೇಹಾ ಹಿರೇಮಠ ನಿವಾಸಕ್ಕೆ ಸಿಎಂ ಭೇಟಿ: ಸಿದ್ದರಾಮಯ್ಯ ಕೊಟ್ಟ ಭರವಸೆ ಏನು?
- Lifestyle ದೇಹದಲ್ಲಿ ಈ ಬದಲಾವಣೆ ಆದರೆ ನಿಮ್ಮಲ್ಲಿ ವಿಟಮಿನ್ ಬಿ12 ಕೊರತೆಯಾಗಿದೆ ಎಂದರ್ಥ
- Sports IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದ ಎರಡು ಸಿನಿಮಾ, ಎರಡು ಡಾಕ್ಯುಮೆಂಟರಿ ಆಸ್ಕರ್ಗೆ ಶಾರ್ಟ್ ಲಿಸ್ಟ್! ಶೀಘ್ರವೇ ಸಿಹಿ ಸುದ್ದಿ
ಭಾರತೀಯ ಚಿತ್ರರಂಗಕ್ಕೆ ವಿಶೇಷವಾಗಿ ದಕ್ಷಿಣ ಭಾರತ ಚಿತ್ರರಂಗಕ್ಕೆ 2022 ಸುವರ್ಣವರ್ಷ. ಹಲವು ಎತ್ತರಗಳನ್ನು ಈ ವರ್ಷದಲ್ಲಿ ದಕ್ಷಿಣ ಭಾರತ ಚಿತ್ರರಂಗ ಏರಿದೆ.
ಸಿನಿಮಾ ಗುಣಮಟ್ಟ, ಕತೆ ಹೇಳುವ ರೀತಿ, ಸಿನಿಮಾವನ್ನು ಜನರಿಗೆ ತಲುಪಿಸುವ ರೀತಿ, ಪ್ರಚಾರ, ರೀಚ್, ಬಾಕ್ಸ್ ಆಫೀಸ್ ಕಲೆಕ್ಷನ್, ಅಸಂಖ್ಯ ಹೊಸ ಪ್ರೇಕ್ಷಕರ ಗಳಿಕೆ, ವಿದೇಶಗಳಲ್ಲಿ ತಮ್ಮದೇ ಆದ ಛಾಪು ಮೂಡಿಸುವಿಕೆ ಇನ್ನೂ ಹಲವು ಸಾಧನೆಗಳನ್ನು ದಕ್ಷಿಣ ಭಾರತದ ಚಿತ್ರರಂಗ ಈ ವರ್ಷ ಮಾಡಿದ್ದು, ಇದೀಗ ಮತ್ತೊಂದು ಮಹತ್ ಸಾಧನೆಯ ಹೊಸ್ತಿಲಲ್ಲಿದೆ. ಅದುವೇ ಆಸ್ಕರ್.
2023 ರ ಆಸ್ಕರ್ ಪ್ರಕ್ರಿಯೆಗಳು ಈಗಾಗಲೇ ಆರಂಭವಾಗಿದ್ದು ಭಾರತದ ಎರಡು ಸಿನಿಮಾಗಳು ಹಾಗೂ ಎರಡು ಡಾಕ್ಯುಮೆಂಟರಿಗಳು ಆಸ್ಕರ್ಗೆ ಈಗಾಗಲೇ ಶಾರ್ಟ್ ಲಿಸ್ಟ್ ಆಗಿವೆ ಅಥವಾ ಆಸ್ಕರ್ ರೇಸ್ನಲ್ಲಿ ಒಂದು ಹಂತ ಮೇಲೇರಿವೆ ಎನ್ನಬಹುದು.
ಭಾರತದಿಂದ ಈ ಬಾರಿ ಆಸ್ಕರ್ಗೆ ಅಧಿಕೃತವಾಗಿ ಆಯ್ಕೆ ಆಗಿರುವ 'ಚೆಲ್ಲೊ ಶೋ' ಹಾಗೂ ತೆಲುಗಿನ ಸೂಪರ್ ಡೂಪರ್ ಹಿಟ್ ಸಿನಿಮಾ RRR ಆಸ್ಕರ್ಗೆ ಶಾರ್ಟ್ ಲಿಸ್ಟ್ ಆಗಿದೆ. RRR ನ 'ನಾಟು ನಾಟು' ಹಾಡು ಮಾತ್ರವೇ ಒರಿಜಿನಲ್ ಸಾಂಗ್ ವಿಭಾಗದಲ್ಲಿ ಶಾರ್ಟ್ ಲಿಸ್ಟ್ ಆಗಿದ್ದು, RRR ಸಿನಿಮಾವು ಇನ್ನೂ ಕೆಲವು ವಿಭಾಗಗಳಲ್ಲಿ ಆಸ್ಕರ್ ನಲ್ಲಿ ಸ್ಪರ್ಧೆ ಬಯಸಿದೆ. 'ಚೆಲ್ಲೊ ಶೋ' ಸಿನಿಮಾ ಅತ್ಯುತ್ತಮ ವಿದೇಶಿ ಸಿನಿಮಾ ಪಟ್ಟಿಯಲ್ಲಿ ಶಾರ್ಟ್ ಲಿಸ್ಟ್ ಆಗಿದೆ.
ಸಿನಿಮಾ ಹೊರತುಪಡಿಸಿ ಭಾರತದ ಎರಡು ಡಾಕ್ಯುಮೆಂಟರಿಗಳು ಸಹ ಶಾರ್ಟ್ ಲಿಸ್ಟ್ ಆಗಿವೆ. ಹದ್ದುಗಳು, ಗೂಬೆಗಳನ್ನು ಸಂರಕ್ಷಿಸುತ್ತಿರುವ ದೆಹಲಿಯ ಸಹೋದರರ ಕುರಿತಾದ 'ಆಲ್ ದಟ್ ಬ್ರೀತ್ಸ್' ಹಾಗೂ ಆನೆ ಕುರಿತಾದ ಭಾವುಕ ನಿಜ ಕಥನ 'ದಿ ಎಲಿಫೆಂಟ್ ವಿಸ್ಪರ್ಸ್' ಸಹ ಡಾಕ್ಯುಮೆಂಟರಿ ಹಾಗೂ ಡಾಕ್ಯುಮೆಂಟರಿ ಶಾರ್ಟ್ ವಿಭಾಗದಲ್ಲಿ ಶಾರ್ಟ್ ಲಿಸ್ಟ್ ಆಗಿವೆ.
ಈಗ ಶಾರ್ಟ್ ಲಿಸ್ಟ್ ಆಗಿರುವ ಸಿನಿಮಾ ಹಾಗೂ ಡಾಕ್ಯುಮೆಂಟರಿಗಳು 14 ಬೇರೆ ಬೇರೆ ಸಿನಿಮಾ ಹಾಗೂ ಡಾಕ್ಯುಮೆಂಟರಿಗಳ ಜೊತೆ ಸ್ಪರ್ಧೆ ಮಾಡಲಿದ್ದು ಬಳಿಕ ನಾಮಿನೇಶನ್ ಹಂತಕ್ಕೆ ಬರಲಿವೆ. ನಾಮಿನೇಶನ್ ಓಟಿಂಗ್ ಜನವರಿ 12 ರಿಂದ 17 ರ ವರೆಗೆ ನಡೆಯಲಿದೆ. ನಾಮಿನೇಶನ್ ಪಟ್ಟಿಯನ್ನು ಜನವರಿ 24 ರಂದು ಘೋಷಿಸಲಾಗುತ್ತದೆ.