ಅಮೆರಿಕದಿಂದ ಇಂಗ್ಲೆಂಡ್‌ಗೆ ವಾಸ್ತವ್ಯ ಬದಲಾಯಿಸಿದ ಪ್ರಿಯಾಂಕಾ ಚೋಪ್ರಾ

ಒಂದು ವರ್ಷ ಲಂಡನ್‌ನಲ್ಲಿಯೇ ಇರಲಿದ್ದಾರೆ

ಲಂಡನ್‌ ನಲ್ಲಿ ಸಿನಿಮಾ ಒಂದರ ಚಿತ್ರೀಕರಣದಲ್ಲಿ ಪ್ರಿಯಾಂಕಾ ಚೋಪ್ರಾ ಭಾಗವಹಿಸಿದ್ದರು. ಈಗಷ್ಟೆ ಚಿತ್ರೀಕರಣ ಮುಗಿಸಿರುವ ಪ್ರಿಯಾಂಕಾ, ನಂತರ ಅಮೆಜಾನ್ ಪ್ರೈಂ ನಲ್ಲಿ ಪ್ರಸಾರವಾಗಲಿರುವ ವೆಬ್ ಸರಣಿ ಒಂದರಲ್ಲಿ ನಟಿಸಲಿದ್ದಾರೆ. ಹಾಗಾಗಿ ಅದರ ಚಿತ್ರೀಕರಣ ಪೂರ್ಣವಾಗುವವರೆಗೂ ಲಂಡನ್‌ನಲ್ಲಿಯೇ ಉಳಿಯಲಿದ್ದಾರೆ.

ತಾಯಿ ಹಾಗೂ ಮುದ್ದಿನ ನಾಯಿಯೊಂದಿಗೆ ಪ್ರಿಯಾಂಕಾ

ಲಂಡನ್‌ನಲ್ಲಿ ಹೋಟೆಲ್‌ ಒಂದರಲ್ಲಿ ಉಳಿದಿರುವ ಪ್ರಿಯಾಂಕಾ ಚೋಪ್ರಾ, ತಮ್ಮ ತಾಯಿಯನ್ನು ಅಲ್ಲಿಗೆ ಕರೆಸಿಕೊಂಡಿದ್ದಾರೆ. ಪ್ರಿಯಾಂಕಾ ಚೋಪ್ರಾ ಹಾಗೂ ಅವರ ತಾಯಿಯ ಜೊತೆಗೆ ಪ್ರಿಯಾಂಕಾ ರ ಮುದ್ದಿನ ನಾಯಿ ಸಹ ಲಂಡನ್‌ನಲ್ಲಿಯೇ ಇದೆ.

'ಟೆಕ್ಸ್ಟ್ ಫಾರ್ ಯು' ಸಿನಿಮಾ ಮುಗಿಸಿದ ಪ್ರಿಯಾಂಕಾ

'ಟೆಕ್ಸ್ಟ್ ಫಾರ್ ಯು' ಹೆಸರಿನ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ಪ್ರಿಯಾಂಕಾ. ಲಂಡನ್‌ ಹಾಗೂ ಸುತ್ತ-ಮುತ್ತಲ ಸ್ಥಳಗಳಲ್ಲಿ ಸಿನಿಮಾದ ಚಿತ್ರೀಕರಣ ನಡೆದಿದ್ದು. ಕೆಲವು ದಿನಗಳ ಹಿಂದಷ್ಟೆ ಚಿತ್ರೀಕರಣ ಅಂತ್ಯವಾಗಿದೆ. ಚಿತ್ರೀಕರಣ ಸೆಟ್‌ನ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು ಪ್ರಿಯಾಂಕಾ.

Recommended Video

ಇದುನ್ನ ನಾವಿಬ್ರು ಮಾಡೋಣ ಅಂತ ನಾನೇ ಐಂದ್ರಿತಾಗೆ ಹೇಳಿದ್ದು | Filmibeat Kannada

'ಸಿಟಾಡೆಲ್' ವೆಬ್ ಸರಣಿಯಲ್ಲಿ ನಟನೆ

ಅಮೆಜಾನ್ ಪ್ರೈಂನಲ್ಲಿ ಪ್ರಸಾರವಾಗಲಿರುವ 'ಸಿಟಾಡೆಲ್' ಹೆಸರಿನ ವೆಬ್ ಸರಣಿಯಲ್ಲಿ ನಟಿಸಲಿದ್ದಾರೆ ನಟಿ ಪ್ರಿಯಾಕಾ ಚೋಪ್ರಾ. ಥ್ರಿಲ್ಲರ್, ಆಕ್ಷನ್ ವೆಬ್ ಸರಣಿ ಆಗಿರುವ ಸಿಟಾಡೆಲ್‌ನಲ್ಲಿ 'ಗೇಮ್ ಆಫ್ ಥ್ರೋನ್ಸ್' ಸರಣಿ ಖ್ಯಾತಿಯ ನಟ ರಿಚರ್ಡ್ ಮ್ಯಾಡನ್ ಸಹ ನಟಿಸುತ್ತಿದ್ದಾರೆ.