For Quick Alerts
    ALLOW NOTIFICATIONS  
    For Daily Alerts

    ನನಸಾಗಲೇ ಇಲ್ಲ ಶೇನ್‌ ವಾರ್ನ್ ಸಿನಿಮಾ ಕನಸು

    |

    ಖ್ಯಾತ ಕ್ರಿಕೆಟಿಗ ಶೇನ್ ವಾರ್ನ್ ನಿನ್ನೆ ಹಠಾತ್ತನೆ ನಿಧನ ಹೊಂದಿದ್ದಾರೆ. ಶೇನ್ ವಾರ್ನ್ ಆಸ್ಟ್ರೇಲಿಯಾದ ಕ್ರಿಕೆಟರ್ ಆದರೂ ಭಾರತ ಕ್ರಿಕೆಟ್ ಪ್ರೇಮಿಗಳಿಗೂ ಬಹಳ ಹತ್ತಿರದ ಆಟಗಾರ. ನಿವೃತ್ತಿಯ ನಂತರ ಕಮೆಂಟೇಟರ್ ಆಗಿ, ಐಪಿಎಲ್‌ನಲ್ಲಿ ರಾಜಸ್ಥಾನ ರಾಯಲ್ಸ್ ತಂಡದ ಮೆಂಟರ್ ಆಗಿ ಕೆಲಸ ಮಾಡಿದ್ದ ಶೇನ್‌ ವಾರ್ನ್‌ ಮೇಲೆ ಭಾರತೀಯರಿಗೆ ಪ್ರೀತಿ ಹೆಚ್ಚು, ಶೇನ್ ವಾರ್ನ್‌ಗೂ ಸಹ.

    ಶೇನ್‌ ವಾರ್ನ್‌ಗೆ ಬಾಲಿವುಡ್ ಸಿನಿಮಾದ ಅವಕಾಶವನ್ನು ನೀಡಲಾಗಿತ್ತು. ಈ ಬಗ್ಗೆ ಸ್ವತಃ ಶೇನ್ ವಾರ್ನ್ ಹೇಳಿಕೊಂಡಿದ್ದರು. ಆದರೆ ಆ ಯೋಜನೆ ಸೆಟ್ಟೇರಲಿಲ್ಲವಾದ್ದರಿಂದ ಶೇನ್‌ ವಾರ್ನ್ ಭಾರತದ ಸಿನಿಮಾದಲ್ಲಿ ನಟಿಸಲಾಗಲಿಲ್ಲ.

    ಸಚಿನ್ ತೆಂಡೂಲ್ಕರ್ ವೃತ್ತಿ ಕ್ರಿಕೆಟ್ ಅಲ್ಲ ನಟನೆ: ಇದು ಸತ್ಯ!ಸಚಿನ್ ತೆಂಡೂಲ್ಕರ್ ವೃತ್ತಿ ಕ್ರಿಕೆಟ್ ಅಲ್ಲ ನಟನೆ: ಇದು ಸತ್ಯ!

    ಶೇನ್‌ ವಾರ್ನ್‌ರ ಜೀವನ ಕತೆಯನ್ನು ಸಿನಿಮಾ ಮಾಡುವ ಬಗ್ಗೆಯೂ ಯೋಜನೆ ಮಾಡಲಾಗಿತ್ತು. ಈ ಬಗ್ಗೆ ಮಾಹಿತಿ ನೀಡಿದ್ದ ಶೇನ್ ವಾರ್ನ್‌, ''ಇದೊಂದು ಹಾಲಿವುಡ್ ಸಿನಿಮಾ ಆದರೆ ಭಾರತೀಯರಿಗಾಗಿ ಮಾಡಲಾಗುತ್ತಿರುವ ಹಾಲಿವುಡ್ ಸಿನಿಮಾ'' ಎಂದಿದ್ದರು.

    ತಮ್ಮ ಜೀವನ ಆಧರಿಸಿದ ಸಿನಿಮಾದಲ್ಲಿ ತಮ್ಮ ಪಾತ್ರವನ್ನು ಬ್ರಾಡ್ ಫಿಟ್ ಅಥವಾ ಲಿಯೋನಾರ್ಡೊ ಡಿಕಾಪ್ರಿಯೊ ನಟಿಸಬೇಕು ಎಂಬ ಆಸೆಯನ್ನು ಶೇನ್ ವಾರ್ನ್ ವ್ಯಕ್ತಪಡಿಸಿದ್ದರು.

    ಸಿನಿಮಾ ಸೇರಿಬಿಟ್ಟರೆ ಕ್ರಿಕೆಟಿಗ ದಿನೇಶ್ ಕಾರ್ತಿಕ್? ಜಾನ್ಹವಿ ಜೊತೆ ಏನು ಮಾಡುತ್ತಿದ್ದಾರೆ?ಸಿನಿಮಾ ಸೇರಿಬಿಟ್ಟರೆ ಕ್ರಿಕೆಟಿಗ ದಿನೇಶ್ ಕಾರ್ತಿಕ್? ಜಾನ್ಹವಿ ಜೊತೆ ಏನು ಮಾಡುತ್ತಿದ್ದಾರೆ?

    ಶೇನ್‌ ವಾರ್ನ್ ಜೀವನವು ಸಹ ಸಾಕಷ್ಟು ಏರಿಳಿತಗಳಿಂದ ಕೂಡಿದ್ದಾಗಿತ್ತು. ಕ್ರಿಕೆಟ್, ಜೂಜು, ಮಾದಕ ವ್ಯಸನ, ಪರಸ್ತ್ರೀಯರ ಸಹವಾಸ, ಮತ್ತೆ ಕ್ರಿಕೆಟ್, ಸಾಧನೆ, ವಿಶ್ವ ದಾಖಲೆ ಹೀಗೆ ಹಲವು ಏರಿಳಿತಗಳನ್ನು ಶೇನ್ ವಾರ್ನ್ ನೋಡಿದ್ದರು. ಹೀಗಾಗಿ ಅವರ ಜೀವನ ಕತೆ ಸಿನಿಮಾ ಮಾಡಲು ಯೋಗ್ಯವಾಗಿತ್ತು. ಆದರೆ ಕೋವಿಡ್ ಕಾರಣದಿಂದಾಗಿ ಈ ಯೋಜನೆ ತುಸು ತಡವಾಯಿತು. ಆದರೆ ಈಗ ಸ್ವತಃ ಶೇನ್ ವಾರ್ನ್‌ ಅವರೇ ಇಲ್ಲವಾಗಿಬಿಟ್ಟಿದ್ದಾರೆ.

    ಅಥರ್ವನ ಅವತಾರದಲ್ಲಿ ಎಂ.ಎಸ್.ಧೋನಿ: ಇದ್ಯಾಯ ಸಿನಿಮಾ?ಅಥರ್ವನ ಅವತಾರದಲ್ಲಿ ಎಂ.ಎಸ್.ಧೋನಿ: ಇದ್ಯಾಯ ಸಿನಿಮಾ?

    52 ವರ್ಷದವರಾಗಿದ್ದ ಶೇನ್ ವಾರ್ನ್ ನಿನ್ನೆ ಹೃದಯಾಘಾತದಿಂದ ಅಸುನೀಗಿದ್ದಾರೆ. ಭಾರತದ ಕ್ರಿಕೆಟರ್‌ಗಳಾದ ಸಚಿನ್ ತೆಂಡೂಲ್ಕರ್, ಸೌರವ್ ಗಂಗೂಲಿ, ಸೆಹ್ವಾಗ್, ವಿರಾಟ್ ಕೊಹ್ಲಿ, ಯುವರಾಜ್ ಸಿಂಗ್ ಇನ್ನೂ ಹಲವರು ಶೇನ್ ವಾರ್ನ್‌ ಅಗಲಿಕೆಗೆ ಸಾಮಾಜಿಕ ಜಾಲತಾಣದ ಮೂಲಕ ಸಂತಾಪ ಸೂಚಿಸಿದ್ದಾರೆ.

    ಕ್ರಿಕೆಟಿಗರು ಮಾತ್ರವೇ ಅಲ್ಲದೆ ನಟರಾದ ಅಕ್ಷಯ್ ಕುಮಾರ್, ಸನ್ನಿ ಡಿಯೋನ್, ಅಜಯ್ ದೇವಗನ್, ರಣ್ವೀರ್ ಸಿಂಗ್, ತೆಲುಗಿನ ನಟ ಮಹೇಶ್ ಬಾಬು, ನಟಿಯರಾದ ಮಾಧುರಿ ದೀಕ್ಷಿತ್, ಶೇನ್ ವಾರ್ನ್ ನಾಯಕತ್ವ ವಹಿಸಿದ್ದ ರಾಜಸ್ಥಾನ ರಾಯಲ್ಸ್ ತಂಡದ ಸಹ ಒಡತಿ ಶಿಲ್ಪಾ ಶೆಟ್ಟಿ, ಹುಮಾ ಖುರೇಷಿ ಇನ್ನೂ ಹಲವರು ಸಂತಾಪ ವ್ಯಕ್ತಪಡಿಸಿದ್ದಾರೆ.

    English summary
    Cricketer Shane Warne's biopic did not take off due to COVID situation. He once said his biopic will be a Hollywood movie made for Indian movie viewers.
    Saturday, March 5, 2022, 10:14
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X