ಭಾರತದಲ್ಲಿ ಅತಿ ಹೆಚ್ಚು ಗಳಿಕೆ ಕಂಡ ಹಾಲಿವುಡ್ ಚಿತ್ರ ಯಾವುದು?

'ಅವೆಂಜರ್ಸ್ ಇನ್ಫಿನಿಟಿ ವಾರ್' ಹಿಂದಿಕ್ಕಿದ ಎಂಡ್ ಗೇಮ್

ಭಾರತದಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿರುವ ಹಾಲಿವುಡ್ ಸಿನಿಮಾಗಳ ಪೈಕಿ, ಅವೆಂಜರ್ಸ್ ಇನ್ಫಿನಿಟಿ ವಾರ್ ಸಿನಿಮಾ ಮೊದಲ ಸ್ಥಾನದಲ್ಲಿತ್ತು. 294 ಕೋಟಿ ಈ ಚಿತ್ರದಲ್ಲಿ ಖಾತೆಯಲ್ಲಿತ್ತು. ಆದ್ರೀಗ, 375 ಕೋಟಿ ಗಳಿಸುವ ಮೂಲಕ ಅವೆಂಜರ್ಸ್ ಎಂಡ್ ಗೇಮ್ ಮೊದಲ ಸ್ಥಾನಕ್ಕೇರಿದೆ.

'ಜಂಗಲ್ ಬುಕ್' ಕಲೆಕ್ಷನ್ ಎಷ್ಟು?

ಇದಕ್ಕೂ ಮುಂಚೆ ಬಿಡುಗಡೆಯಾಗಿದ್ದ ಜಂಗಲ್ ಬುಕ್ ಸಿನಿಮಾ ಭಾರತೀಯ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಸದ್ದು ಮಾಡಿತ್ತು. ಬಾಕ್ಸ್ ಆಫೀಸ್ ನಲ್ಲೂ ಧೂಳೆಬ್ಬಿಸಿದ್ದ ಜಂಗಲ್ ಬುಕ್ 258 ಕೋಟಿ ಬಾಚಿಕೊಂಡಿತ್ತು.

'ಫಾಸ್ಟ್ ಅಂಡ್ ಫ್ಯೂರಿಯಸ್' ಖಾತೆಯಲ್ಲಿ ಎಷ್ಟು ಹಣವಿದೆ

2015ರಲ್ಲಿ ತೆರೆಕಂಡಿದ್ದ ಫಾಸ್ಟ್ ಅಂಡ್ ಫ್ಯೂರಿಯಸ್-7 ಸಿನಿಮಾ ಭಾರತದಲ್ಲಿ ದೊಡ್ಡ ಸದ್ದು ಮಾಡಿತ್ತು. 155 ಕೋಟಿ ಗಳಿಕೆ ಕಾಣುವ ಮೂಲಕ ಹಾಲಿವುಡ್ ಸಿನಿಮಾಗಳ ಪೈಕಿ ಮೂರನೇ ಸ್ಥಾನದಲ್ಲಿತ್ತು. ಆದ್ರೀಗ, ನಾಲ್ಕನೇ ಸ್ಥಾನಕ್ಕೆ ಜಾರಿದೆ.

ಜುರಾಸಿಕ್ ವರ್ಲ್ಡ್ ಗಳಿಕೆ ಎಷ್ಟು?

ಜುರಾಸಿಕ್ ವರ್ಲ್ಡ್ ಸರಣಿಯ ಎರಡು ಚಿತ್ರಗಳು ಟಾಪ್ ಹತ್ತರ ಪಟ್ಟಿಯಲ್ಲಿದೆ. 2015ರಲ್ಲಿ ಬಿಡುಗಡೆಯಾಗಿದ್ದ ಜುರಾಸಿಕ್ ವರ್ಲ್ಡ್ ಸಿನಿಮಾ 141 ಕೋಟಿ, 2018ರಲ್ಲಿ ತೆರೆಕಂಡಿದ್ದ ಜುರಾಸಿಕ್ ವರ್ಲ್ಡ್ ಫಾಲನ್ ಕಿಂಗ್ ಡಮ್ 129 ಕೋಟಿ ಗಳಿಕೆ ಕಂಡಿದೆ.

ಟಾಪ್ ಹತ್ತರಲ್ಲಿ ಯಾವುದಿದೆ

ದಿ ಫೇಟ್ ಅಫ್ ದಿ ಫ್ಯೂರಿಯಸ್ ಸಿನಿಮಾ 127 ಕೋಟಿ, ಅವತಾರ್ ಸಿನಿಮಾ 113 ಕೋಟಿ, ಮಿಷನ್ ಇಂಪಾಸಿಬಲ್ 108 ಕೋಟಿ ಹಾಗೂ ಅವೆಂಜರ್ಸ್ ಎಜ್ ಆಫ್ ಅಲ್ಟ್ರನ್ 106 ಕೋಟಿ ಗಳಿಸುವ ಮೂಲಕ ಟಾಪ್ 10 ಬಳಗದಲ್ಲಿದೆ.