Mothers Day: ಅಮ್ಮಂದಿರಿಗೆ ಸದಾ ಒಂದು ಗಿಲ್ಟ್ ಕಾಡುತ್ತಿರುತ್ತೆ: ಶ್ವೇತಾ ಶ್ರೀವತ್ಸವ್!

ಅಮ್ಮನ ಜವಾಬ್ದಾರಿ ನಿಭಾಯಿಸಲು ತಾಳ್ಮೆ ಬೇಕು!

"ಮಗು ಆಗಿ ಪೋಷಕರು ಆದರೆ ಅದು ದೊಡ್ಡ ಜವಾಬ್ದಾರಿ, ಮಗು ಆಗೋದಕ್ಕೂ ಮೊದಲು ಆ ಬಗ್ಗೆ ಅರಿವು ಇರುವುದಿಲ್ಲ. ಆದರೆ ಮಗು ಬಂದಮೇಲೆ ಪ್ರತಿ ಕ್ಷಣವೂ ನಾವು ಜವಾಬ್ದಾರಿಯಿಂದ ಇರಬೇಕಾಗುತ್ತದೆ. ಆರಾಮದಾಯಕ ಜೀವನ ಮಾಡಲು ಸಾಧ್ಯ ಆಗಲ್ಲ. ಪ್ರತೀ ಕ್ಷಣವೂ ಎಚ್ಚರಿಕೆಯಿಂದಲೇ ಇರಬೇಕಾಗುತ್ತದೆ. ಮಗು ಬಂದ ಮೇಲೆ ಜೀವನ 360 ಡಿಗ್ರಿ ಬದಲಾಗಿ ಬಿಟ್ಟಿದೆ.

ತಾಯಂದಿರಿಗೆ ಗಿಲ್ಟ್ ಕಾಡುತ್ತಲೇ ಇರುತ್ತೆ!

ನನ್ನ ಅನುಭವಕ್ಕೆ ಬಂದ ಹಾಗೆ ಎಲ್ಲಾ ತಾಯಂದಿರಗೂ ಗಿಲ್ಟ್ ಕಾಡುತ್ತಾಲೇ ಇರುತ್ತೆ. ಅಂದರೆ ಮಕ್ಕಳ‌ ವಿಚಾರದಲ್ಲಿ ಏನೇ ಮಾಡಿದರು ಸಮಾಧಾನ ಇರೋದಿಲ್ಲ. ಇದನ್ನು ಸ್ವಲ್ಪ ಹಾಗೆ ಮಾಡಬೇಕಿತ್ತು. ಅದನ್ನು ಹೀಗೆ ಮಾಡಿದರೆ ಚೆನ್ನಾಗಿ ಇರುತ್ತೆ ಅಂತೆಲ್ಲಾ ಸದಾ ಅನಿಸುತ್ತಿರುತ್ತೆ. ಮಕ್ಕಳ ವಿಚಾರದಲ್ಲಿ ಕಾಂಪ್ರಮೈಸ್ ಆಗಲು ಸಾಧ್ಯ ಆಗುವುದಿಲ್ಲ.

ಮಕ್ಕಳ ಬಗ್ಗೆ ಏನು ಗೊತ್ತಿರಲಿಲ್ಲ: ಶ್ವೇತಾ ಶ್ರೀವತ್ಸವ್!

ಮಕ್ಕಳ ಬಗ್ಗೆ ಯಾವ ವಿಚಾರನೂ ನನಗೆ ಗೊತ್ತಿರಲಿಲ್ಲ, ಮಗುಗೆ ಸ್ನಾನ ಮಾಡಿಸುವುದು ಕೂಡ ನನಗೆ ಗೊತ್ತಿರಲಿಲ್ಲ. ನನಗೆ ಹೆಚ್ಚಾಗಿ ಮಕ್ಕಳ‌ ಜೊತೆಗೆ ಬೆರೆಯುವ ಅಥವಾ ಅವರ ಬೆಳವಣಿಗೆ ನೋಡುವ ಅವಕಾಶ ಸಿಕ್ಕಿರಲಿಲ್ಲ‌. ಎಲ್ಲವೂ ಹೊಸದು ನನಗೆ. ಮಗಳನ್ನು ಶಾಲೆಗೆ ಸೇರಿಸುವಾಗ ತುಂಬಾನೆ ಟೆನ್ಷನ್ ಆಗಿದ್ದೆ. ಈಗ ಅನಿಸುತ್ತೆ ಅಷ್ಟೊಂದು ಟೆನ್ಷನ್ ಆಗಿದ್ದನಾ ಅಂತ. ಅಷ್ಟು ದೊಡ್ಡ ಜವಾಬ್ದಾರಿ ಅದು.

ಅಶ್ಮಿತಾ ದೇವರಂಥ ಮಗು!

ಶೂಟಿಂಗ್ ಅಂತ ಬಂದಾಗ ಮಗಳನ್ನು ಮಿಸ್ ಮಾಡಿಕೊಳ್ಳುತ್ತೀನಿ. ಅವಳೊಂದಿಗೆ ಕಳೆಯಬೇಕಾದ ಕ್ಷಣಗಳನ್ನು ಮಿಸ್ ಮಾಡಿಕೊಳ್ಳುತ್ತೀನಿ. ಆದರೆ ಅಶ್ಮಿತಾ ದೇವರಂಥ ಮಗು. ಏನೇ ಹೇಳಿದರು ಅರ್ಥ ಮಾಡಿಕೊಳ್ಳುತ್ತಾಳೆ. ಹಠ ಮಾಡಲ್ಲ. ಶೂಟಿಂಗ್ ಇದೆ ಅಂದರೆ ಸ್ವಲ್ಪ ಅಳುತ್ತೆ. ಆಮೇಲೆ ಅಮ್ಮ ಶೂಟಿಂಗ್ ಮುಗಿಸಿ ಬರುತ್ತಾರಲ್ಲಾ ಅಂತ ಓಕೆ ಅಂತಾಳೆ.

ಅಮ್ಮಂದಿರಿಗೆ ಅನುಭವವೇ ಟಿಪ್ಸ್!

"ತಾಯಂದಿಗೆ ಟಿಪ್ಸ್ ಕೊಡೊಕೆ ಆಗಲ್ಲ. ಅವರೇ ಅದನ್ನು ಅನುಭವಿಸಬೇಕು. ನನಗೆ ಯಾರು ಏನೇನು ಹೇಳಿದ್ದರೋ ಅದೆಲ್ಲಾ ಉಲ್ಟಾ ಆಗಿದೆ. ಎಲ್ಲರಿಗೂ ಬೇರೆ, ಬೇರೆ ಸಂದರ್ಭ ಇರುತ್ತೆ. ನಾನು ಹೇಳೋದೇನು ಅಂದರೆ, ಕೂಲಾಗಿ, ಕಾಮಾಗಿ ಇರಿ ಟೆನ್ಷನ್ ತಗೋಬೇಡಿ."