For Quick Alerts
    ALLOW NOTIFICATIONS  
    For Daily Alerts

    ರಾಷ್ಟ್ರಪ್ರಶಸ್ತಿ ರೇಸ್‌ನ ಅಂತಿಮ ಘಟ್ಟಕ್ಕೆ 17 ಮಲಯಾಳಂ ಸಿನಿಮಾಗಳು!

    |

    ಕಳೆದ ಕೆಲ ವರ್ಷಗಳಿಂದ ಮಲಯಾಳಂ ಸಿನಿಮಾರಂಗ ರಾಷ್ಟ್ರ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲಿ ಭಾರಿ ಸದ್ದು ಮಾಡುತ್ತಿದೆ.

    ಸದಭಿರುಚಿಯ, ಭಿನ್ನ ಹಾದಿಯ, ಪ್ರಯೋಗಶೀಲ ಹಲವು ಸಿನಿಮಾಗಳು ಮಲಯಾಳಂ ಸಿನಿಮಾರಂಗ ನೀಡುತ್ತಿದೆ. ದೇಶವೇ ಮಲಯಾಳಂ ಸಿನಿಮಾಗಳನ್ನು ಆಸಕ್ತಿಯಿಂದ ಗಮನಿಸುವಂತಾಗಿದೆ.

    ಒಂದರಹಿಂದೊಂದರಂತೆ ಸುಂದರ ಸಿನಿಮಾಗಳನ್ನು ನೀಡುತ್ತಿರುವ ಮಲಯಾಳಂ ಸಿನಿಮಾರಂಗ ಗುಣಮಟ್ಟದ ಸಿನಿಮಾಗಳಿಗಾಗಿ ಹಲವು ಪ್ರಶಸ್ತಿಗಳನ್ನು ಸಹ ಸೂರೆಹೊಡೆದಿದೆ. ಈ ಬಾರಿಯ ರಾಷ್ಟ್ರಪ್ರಶಸ್ತಿ ಸಹ ಮಲಯಾಳಂ ಸಿನಿಮಾಕ್ಕೆ ಹೋಗುವ ಸಾಧ್ಯತೆ ದಟ್ಟವಾಗಿ ಕಾಣುತ್ತಿದೆ.

    67ನೇ ರಾಷ್ಟ್ರೀಯ ಸಿನಿಮಾ ಪ್ರಶಸ್ತಿಗಾಗಿ ಆಯ್ಕೆ ನಡೆಯುತ್ತಿದ್ದು, ಅತ್ಯುತ್ತಮ ಸಿನಿಮಾ ವಿಭಾಗದಲ್ಲಿ 17 ಮಲಯಾಳಂ ಸಿನಿಮಾಗಳು ಅಂತಿಮ ಸುತ್ತಿಗೆ ಆಯ್ಕೆಯಾಗಿವೆ.

    2019 ರಲ್ಲಿ ತೆರೆಕಂಡ ಅಥವಾ ಸೆನ್ಸಾರ್ ಆದ ಸಿನಿಮಾಗಳನ್ನಷ್ಟೆ ಪ್ರಶಸ್ತಿಗೆ ಪರಿಗಣಿಸಲಾಗುತ್ತಿದ್ದು. ಪ್ರಶಸ್ತಿ ರೇಸ್‌ನಲ್ಲಿ ಮಲಯಾಳಂ ಸಿನಿಮಾಗಳೇ ಮುಂಚೂಣಿಯಲ್ಲಿವೆ.

    2019 ರಲ್ಲಿ ತೆರೆಕಂಡ ವೈರಸ್, ಇಶ್ಕ್, ಕುಂಬಳಂಗಿ ನೈಟ್ಸ್, ಜಲ್ಲಿಕಟ್ಟು, ಮೂತೊನ್, ಸಮೀರ್, ವಾಸಂತಿ, ಇನ್ನೂ ಹಲವಾರು ಸಿನಿಮಾಗಳು ಅಂತಿಮ ಘಟ್ಟಕ್ಕೆ ಆಯ್ಕೆ ಆಗಿವೆ. ವಿಶೇಷವೆಂದರೆ ಇನ್ನೂ ಬಿಡುಗಡೆ ಆಗದ ಮೋಹನ್‌ಲಾಲ್ ನಟನೆಯ ಮರಕ್ಕರ್ ಸಿನಿಮಾ ಸಹ ಅಂತಿಮ ಘಟ್ಟಕ್ಕೆ ಆಯ್ಕೆ ಆಗಿದೆ.

    ಮರಕ್ಕರ್ ಸಿನಿಮಾ 2019 ರಲ್ಲಿ ಸೆನ್ಸಾರ್ ಆದ ಕಾರಣ ಆ ಸಿನಿಮಾವನ್ನು ಪ್ರಶಸ್ತಿಗೆ ಪರಿಗಣಿಸಲಾಗಿದೆ. ಮರಕ್ಕರ್ ಸಿನಿಮಾವೇ ಅತಿ ಹೆಚ್ಚು ವಿಭಾಗದಲ್ಲಿ ಪ್ರಶಸ್ತಿಗೆ ಪರಿಗಣಿಸಲಾಗಿದೆಯಂತೆ.

    ಸ್ನೇಹಿತರ ಮಾತು ಕೇಳದೆ ಇದ್ದಿದ್ರೆ ಜಯಶ್ರೀ ಬದುಕಿರ್ತಾ ಇದ್ರು | Oneindia Kannada

    ಈ ಬಾರಿ ಆಸ್ಕರ್ ಪ್ರಶಸ್ತಿಗೆ ಭಾರತದ ಅಧಿಕೃತ ಆಯ್ಕೆ ಸಹ ಮಲಯಾಳಂ ಸಿನಿಮಾ ಜಲ್ಲಿಕಟ್ಟು. ಲಿಜೊ ಜೋಸ್ ನಿರ್ದೇಶನದ ಈ ಸಿನಿಮಾ ಮೋವೊಯಿಸ್ಟ್ ಎಂಬ ಪುಸ್ತಕ ಆಧರಿಸಿದ್ದಾಗಿದೆ.

    English summary
    17 Malayalam movies were in the race for 67 national film awards. Mohanlal's Marakkar movie also is in the race.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X