Don't Miss!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- News Lok Sabha Election 2024: ಮತದಾರರನ್ನು ಆಕರ್ಷಿಸಲು ಚುನಾವಣಾ ಆಯೋಗದ ವಿಭಿನ್ನ ಪ್ರಯತ್ನ
- Automobiles ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಹುಭಾಷಾ ನಟ, ನಿರ್ದೇಶಕ ಪ್ರತಾಪ್ ಪೋತೆನ್ ವಿಧಿವಶ
ಖ್ಯಾತ ಬಹುಭಾಷಾ ನಟ, ನಿರ್ದೇಶಕ, ಸಿನಿ ಬರಹಗಾರ ಪ್ರತಾಪ್ ಪೋತೆನ್ ಇಂದು (ಜುಲೈ 15) ನಿಧನ ಹೊಂದಿದ್ದಾರೆ. ಅವರಿಗೆ 69 ವರ್ಷ ವಯಸ್ಸಾಗಿತ್ತು.
ಮಲಯಾಳಂ ಮೂಲದ ಪ್ರತಾಪ್ ಪೋತೆನ್ ಚೆನ್ನೈನ ಕಿಲ್ಪೌಕ್ನ ಅಪಾರ್ಟ್ಮೆಂಟ್ನಲ್ಲಿ ವಾಸವಿದ್ದರು. ತಮ್ಮ ನಿವಾಸದಲ್ಲಿ ಅವರು ಇಂದು ಬೆಳಿಗ್ಗೆ ಶವವಾಗಿ ಪತ್ತೆಯಾಗಿದ್ದಾರೆ. ಪ್ರತಾಪ್ ಪೋತೆನ್ ನಿಧನಕ್ಕೆ ಮಲಯಾಳಂ ಚಿತ್ರರಂಗದ ಗಣ್ಯರು ಸೇರಿದಂತೆ ಹಲವರು ಕಂಬನಿ ಮಿಡಿದಿದ್ದಾರೆ.
ಕೇರಳದ ತಿರುವನಂತರಪುರದಲ್ಲಿ ಆಗಸ್ಟ್ 13, 1951 ರಲ್ಲಿ ಜನಿಸಿದ ಪ್ರತಾಪ್ ಪೋತೆನ್ ಕಾಲೇಜು ದಿನಗಳಲ್ಲಿ ನಾಟಕಗಳಲ್ಲಿ ನಟಿಸುತ್ತಿದ್ದರು. ಜಾಹೀರಾತು ಸಂಸ್ಥೆಗಳಿಗೆ ಕಾಪಿ ರೈಟರ್ ಆಗಿಯೂ ಕೆಲಸ ಮಾಡಿದ್ದರು. ಇಂಗ್ಲೀಷ್ ನಾಟಕ ಒಂದರಲ್ಲಿ ಇವರ ಅಭಿನಯ ಮೆಚ್ಚಿ ನಿರ್ದೇಶಕರೊಬ್ಬರು ಮಲಯಾಳಂ ಸಿನಿಮಾಗಳಲ್ಲಿ ನಟಿಸುವಂತೆ ಆಹ್ವಾನಿಸಿದರು. ಅಂತೆಯೇ 1978 ರಲ್ಲಿ 'ಆರವಮ್' ಹೆಸರಿನ ಸಿನಿಮಾದಲ್ಲಿ ನಟಿಸಿದರು. ತಾವು ನಟಿಸಿದ ಎರಡನೇಯ ಸಿನಿಮಾಕ್ಕೆ ಅತ್ಯುತ್ತಮ ನಟ ರಾಜ್ಯ ಪ್ರಶಸ್ತಿಯನ್ನು ಸಹ ಪಡೆದುಕೊಂಡರು.
ಆ ನಂತರ ಹಿಂತಿರುಗಿ ನೋಡದ ಪ್ರತಾಪ್ ಪೋತೆನ್ ವರ್ಷಕ್ಕೆ ಹತ್ತು-ಹನ್ನೆರಡು ಸಿನಿಮಾಗಳಲ್ಲಿ ನಟಿಸಲು ಆರಂಭಿಸಿದರು. ಭಾರಿ ಬೇಡಿಕೆಯ ನಟರಾದ ಪ್ರತಾಪ್ ಪೋತೆನ್ ಕೇವಲ ಮಲಯಾಳಂ ಮಾತ್ರವೇ ಅಲ್ಲದೆ, ತಮಿಳು, ತೆಲುಗು ಸಿನಿಮಾಗಳಲ್ಲಿ ಸಹ ನಟಿಸಿ ಸೈ ಎನಿಸಿಕೊಂಡರು. ಮಲಯಾಳಂನಲ್ಲಿ ಗಳಿಸಿದ್ದಷ್ಟೆ ಪ್ರಸಿದ್ಧಿ, ಖ್ಯಾತಿಯನ್ನು ತಮಿಳು ಚಿತ್ರರಂಗದಲ್ಲಿಯೂ ಪ್ರತಾಪ್ ಗಳಿಸಿಕೊಂಡರು.
ನಾಯಕ ನಟನಾಗಿ, ಪೋಷಕ ನಟನಾಗಿ, ಹಾಸ್ಯ ನಟನಾಗಿ, ಖಳನಾಟನಾಗಿ ಪ್ರತಾಪ್ ಪೋತೆನ್ ನಟಿಸಿ ಸೈ ಎನಿಸಿಕೊಂಡಿದ್ದರು. ಅವರ ಹಲವು ಪಾತ್ರಗಳಿಗೆ ರಾಜ್ಯ, ಸೈಮಾ, ಫಿಲಂಫೇರ್ ಪ್ರಶಸ್ತಿಗಳು ಲಭಿಸಿವೆ.
ಪ್ರತಾಪ್ 1985 ರಲ್ಲಿ ಖ್ಯಾತ ನಟಿ ರಾಧಿಕಾರನ್ನು ವಿವಾಹವಾದರು, ಆದರೆ ಅವರ ನಡುವೆ ಹೊಂದಾಣಿಕೆ ಸರಿಬರದ ಕಾರಣ ಒಂದೇ ವರ್ಷದಲ್ಲಿ ವಿಚ್ಛೇಧನ ಪಡೆದುಕೊಂಡರು. ಬಳಿಕ ರಾಧಿಕಾ, ನಟ ಶರತ್ ಕುಮಾರ್ ಅನ್ನು ವಿವಾಹವಾದರು. ಪ್ರತಾಪ್ ಪೋತೆನ್ ಉದ್ಯಮಿಯಾಗಿದ್ದ ಅಮಲ್ಯ ಸತ್ಯನಾಥನ್ ಅವರನ್ನು 1990 ರಲ್ಲಿ ವಿವಾಹವಾದರು. ಅವರಿಗೆ ಒಬ್ಬ ಮಗಳಿದ್ದಾಳೆ. ಅಮಲ್ಯ ಹಾಗೂ ಪ್ರತಾಪ್ 22 ವರ್ಷಗಳ ಕಾಲ ಜೊತೆಗೆ ಸಂಸಾರ ನಡೆಸಿ ಬಳಿಕ ವಿಚ್ಛೇಧನ ಪಡೆದು ದೂರಾದರು.
ಪ್ರತಾಪ್ ಅಗಲಿಕೆಗೆ ಮಲಯಾಳಂ ಖ್ಯಾತ ನಟ ಮೋಹನ್ಲಾಲ್, ಮಮ್ಮುಟಿ ಸೇರಿದಂತೆ ಹಲವರು ಸಂತಾಪ ಸೂಚಿಸಿದ್ದಾರೆ. ಪ್ರತಾಪ್ ನಟಿಸಿದ ಕೊನೆಯ ಸಿನಿಮಾ 'ಬರೋಜ್' ಇನ್ನಷ್ಟೆ ಬಿಡುಗಡೆ ಆಗಬೇಕಿದೆ.
Recommended Video