ಅಮಲಾ ಪೌಲ್ ಮದುವೆ ಮುರಿದು ಬೀಳಲು ಧನುಷ್ ಕಾರಣನಾ.? ನಟಿ ಕೊಟ್ಟ ಸ್ಪಷ್ಟನೆ ಏನು.?

ಅಮಲಾ ಪೌಲ್ ಕೊಟ್ಟ ಸ್ಪಷ್ಟನೆ ಏನು.?

''ನನ್ನ ವಿಚ್ಛೇದನದ ಕುರಿತು ಅನವಶ್ಯಕವಾಗಿ ವಿವಾದ ಸೃಷ್ಟಿಸಲಾಗುತ್ತಿದೆ. ವಿಚ್ಛೇದನ ನೀಡಿದ್ದು ನನ್ನ ವೈಯುಕ್ತಿಕ ಕಾರಣಕ್ಕೆ. ನನ್ನ ಡಿವೋರ್ಸ್ ಗೆ ಬೇರೆ ಯಾರೂ ಕಾರಣ ಅಲ್ಲ. ಡಿವೋರ್ಸ್ ನಿರ್ಧಾರವನ್ನು ತೆಗೆದುಕೊಂಡಿದ್ದು ನಾನೇ. ಧನುಷ್ ನನ್ನ ವೆಲ್ ವಿಶರ್ ಅಷ್ಟೇ'' ಎಂದು ಸಂದರ್ಶನವೊಂದರಲ್ಲಿ ನಟಿ ಅಮಲಾ ಪೌಲ್ ಹೇಳಿದ್ದಾರೆ.

ಎರಡನೇ ಮದುವೆ ಬಗ್ಗೆ ಅಮಲಾ ಮಾತು..

''ನಾನು ಸದ್ಯಕ್ಕೆ ಎರಡನೇ ಮದುವೆ ಆಗುವುದಿಲ್ಲ. ನಾನು ಈಗ ಒಪ್ಪಿಕೊಂಡಿರುವ ಪ್ರಾಜೆಕ್ಟ್ ಗಳು ಕಂಪ್ಲೀಟ್ ಆಗುವವರೆಗೂ ಎರಡನೇ ಮದುವೆ ಬಗ್ಗೆ ಅನೌನ್ಸ್ ಮಾಡುವುದಿಲ್ಲ'' ಎಂದು ಇದೇ ಸಂದರ್ಭದಲ್ಲಿ ನಟಿ ಅಮಲಾ ಪೌಲ್ ಸ್ಪಷ್ಟ ಪಡಿಸಿದ್ದಾರೆ.

ಎ.ಎಲ್.ವಿಜಯ್ ತಂದೆ ಹೇಳಿದ್ದೇನು.?

''ನನ್ನ ಮಗ ವಿಜಯ್ ಜೊತೆ ಮದುವೆ ಆದ್ಮೇಲೆ ಚಿತ್ರರಂಗ ತೊರೆಯಲು ಅಮಲಾ ಪೌಲ್ ನಿರ್ಧರಿಸಿದ್ದರು. ಆದರೆ ಧನುಶ್ ತಮ್ಮದೇ ಬ್ಯಾನರ್ ನ ಚಿತ್ರದಲ್ಲಿ ನಟಿಸುವಂತೆ ಅಮಲಾಗೆ ಬೇಡಿಕೆ ಇಟ್ಟರು. ಅಮಲಾ ಕೂಡ ಆ ಚಿತ್ರ ಒಪ್ಪಿಕೊಂಡರು. ಅಲ್ಲಿಂದಲೇ ಅಮಲಾ ಮತ್ತು ವಿಜಯ್ ಜೀವನದಲ್ಲಿ ಸಮಸ್ಯೆ ಶುರುವಾಗಿದ್ದು'' ಎಂದು ಎ.ಎಲ್.ವಿಜಯ್ ತಂದೆ ಅಳಗಪ್ಪನ್ ಹೇಳಿದ್ದರು.

ಭುಗಿಲೆದ್ದ ವಿವಾದ

ಅಳಗಪ್ಪನ್ ಆಡಿದ್ದ ಈ ಮಾತಿನಿಂದ ಕಾಲಿವುಡ್ ನಲ್ಲಿ ದೊಡ್ಡ ವಿವಾದ ಸೃಷ್ಟಿಯಾಗಿತ್ತು. ಅಮಲಾ ಪೌಲ್ ಮತ್ತು ಎ.ಎಲ್.ವಿಜಯ್ ಸಂಸಾರ ಮುರಿದು ಬೀಳೋಕೆ ರಜನಿಕಾಂತ್ ಅಳಿಯನೇ ಕಾರಣ ಅಂತ ಎಲ್ಲರೂ ಧನುಷ್ ರತ್ತ ಬೆಟ್ಟು ಮಾಡಿ ತೋರಿಸುತ್ತಿದ್ದರು. ಆದ್ರೀಗ, ಡಿವೋರ್ಸ್ ಪಡೆಯಲು ಧನುಷ್ ಕಾರಣ ಅಲ್ಲ ಅಂತ ಹೇಳಿ ವಿವಾದಕ್ಕೆ ಅಮಲಾ ಪೌಲ್ ಫುಲ್ ಸ್ಟಾಪ್ ಇಟ್ಟಿದ್ದಾರೆ.

ಸಿನಿಮಾಗಳಲ್ಲಿ ಅಮಲಾ ಬಿಜಿ

ಸದ್ಯ ನಟನೆಯಲ್ಲಿ ಅಮಲಾ ಪೌಲ್ ಬಿಜಿಯಾಗಿದ್ದಾರೆ. ಅಮಲಾ ಪೌಲ್ ಅಭಿನಯದ 'ಅಧೋ ಅಂಧ ಪರವೈ ಪೋಲಾ' ಚಿತ್ರ ಫೆಬ್ರವರಿ 28 ರಂದು ಬಿಡುಗಡೆ ಆಗಲಿದೆ. ಇದಲ್ಲದೆ ಇನ್ನೂ ಮೂರು ಚಿತ್ರಗಳು ಅಮಲಾ ಪೌಲ್ ಕೈಯಲ್ಲಿವೆ.