ನಿತ್ಯಾ ಮೆನನ್ ಮತ್ತು ಪಾರ್ವತಿ ಪ್ರೆಗ್ನೆನ್ಸಿ ಟೆಸ್ಟ್ ಪಾಸಿಟಿವ್: ಆದರೆ ಇಬ್ಬರೂ ಗರ್ಭಿಣಿಯರಲ್ಲ!

ನಿತ್ಯಾ ಮೆನನ್-ಪಾರ್ವತಿ ಫೋಟೊ ರಹಸ್ಯ!

ನಿತ್ಯಾ ಮೆನನ್ ಹಾಗೂ ಪೃಥ್ವಿ ಸಿನಿಮಾದ ನಾಯಕಿ ಪಾರ್ವತಿ ಇಬ್ಬರೂ ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಪ್ರೆಗ್ನೆನ್ಸಿ ಟೆಸ್ಟ್ ಕಿಟ್‌ ಫೋಟೊಗಳನ್ನು ಶೇರ್ ಮಾಡಿದ್ದಾರೆ. ಈ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಇಬ್ಬರು ದಿಢೀರನೇ ಒಂದೇ ದಿನ ಹಲ್‌ಚಲ್ ಎಬ್ಬಿಸುವಂತಹ ಇಂತಹದ್ದೊಂದು ಫೋಟೊಗಳನ್ನು ಶೇರ್ ಮಾಡಿದ್ದೇಕೆ? ಇಬ್ಬರೂ ಒಂದೇ ದಿನ ಫೋಟೊ ಹಂಚಿಕೊಂಡಿದ್ದೇಕೆ? ಇಬ್ಬರೂ ಗರ್ಭಿಣಿಯರಾಗಿದ್ದಾರಾ? ಇಂತಹದ್ದೇ ಒಂದಿಷ್ಟು ಗೊಂದಲಕ್ಕೆ ಇಬ್ಬರ ಅಭಿಮಾನಿಗಳೂ ಬಿದ್ದಿದ್ದಾರೆ.

ಪ್ರೆಗ್ನೆನ್ಸಿ ಟೆಸ್ಟ್‌ ಫೋಟೊ ಗುಟ್ಟೇನು?

ಪಾರ್ವತಿ ಹಾಗೂ ನಿತ್ಯಾ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಪಾಸಿಟಿವ್ ಪ್ರೆಗ್ನೆನ್ಸಿ ಟೆಸ್ಟ್ ಫೋಟೊ ಶೇರ್ ಮಾಡಿದ್ದರು. ಇದರೊಂದಿಗೆ " ಇಲ್ಲಿಂದ ಅದ್ಭುತದ ಆರಂಭ" ಎಂದು ಬರೆದುಕೊಂಡಿದ್ದರು. ಹೀಗೆ ಪೋಸ್ಟ್ ಮಾಡುತ್ತಿದ್ದಂತೆ ನೆಟ್ಟಿಗರು ಗೊಂದಲಕ್ಕೆ ಬಿದ್ದಿದ್ದಾರೆ. ಈ ಫೋಟೊಗಳನ್ನು ಹಂಚಿಕೊಂಡಿದ್ದರ ಹಿಂದಿನ ರಹಸ್ಯವೇನು? ಅನ್ನುವುದನ್ನು ಹುಡುಕಲು ಆರಂಭಿಸಿದ್ದಾರೆ. ಅಸಲಿಗೆ ಇವ್ರಿಬ್ಬರೂ ನಿಜವಾಗಲೂ ಗರ್ಭಿಣಿಯರಾಗಿದ್ದಾರಾ? ಅನ್ನೋ ಪ್ರಶ್ನೆ ಮೂಡಿದೆ. ಅಂದ್ಹಾಗೆ, ಮಲಯಾಳಂ ನಿರ್ದೇಶಕಿ ಅಂಜಲಿ ಮೆನನ್ ಆಕ್ಷನ್ ಕಟ್ ಹೇಳುತ್ತಿರೋ ಹೊಸ ಸಿನಿಮಾದ ಕಾನ್ಸೆಪ್ಟ್ ಪೋಸ್ಟರ್ ಇದು.

ಬೆಂಗಳೂರು ಡೇಸ್ ನಿರ್ದೇಶಕಿಯ 'ವಂಡರ್‌ ವುಮನ್'

ನಿತ್ಯಾ ಮೆನನ್ ಹಾಗೂ ಪಾರ್ವತಿ ಇಬ್ಬರೂ 2014ರ 'ಬೆಂಗಳೂರು ಡೇಸ್' ಸಿನಿಮಾದಲ್ಲಿ ನಟಿಸಿದ್ದರು. ಈ ಸಿನಿಮಾವನ್ನು ಅಂಜಲಿ ಮೆನನ್ ನಿರ್ದೇಶನ ಮಾಡಿದ್ದರು. ಇದೇ ಸ್ನೇಹದ ಮೇರೆಗೆ ನಿತ್ಯಾ ಹಾಗೂ ಪಾರ್ವತಿ ಇಬ್ಬರೂ ಅಂಜಲಿ ಮೆನನ್ ಹೊಸ ಸಿನಿಮಾ 'ವಂಡರ್ ವುಮನ್' ಕಾನ್ಸೆಪ್ಟ್ ಲುಕ್‌ ಅನ್ನು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಮಾಡಿಕೊಂಡಿದ್ದಾರೆ. ಈ ಫೋಟೊ ಮೂಲಕ ಸಿನಿಮಾ ಗರ್ಭಿಣಿ ಮಹಿಳೆಯರ ಕಥೆಯನ್ನು ಆಧರಿಸಿದೆ ಎನ್ನಲಾಗುತ್ತಿದೆ.

ಪ್ರೆಗ್ನೆನ್ಸಿ ಟೆಸ್ಟ್‌ ಫೋಟೊ ಶೇರ್ ಮಾಡಿದ್ಯಾರು?

ಕೇವಲ ನಿತ್ಯಾ ಮೆನನ್ ಹಾಗೂ ಪಾರ್ವತಿಯಷ್ಟೇ ಪಾಸಿಟಿವ್ ಪ್ರೆಗ್ನೆನ್ಸಿ ಟೆಸ್ಟ್‌ ಫೋಟೊವನ್ನು ಶೇರ್ ಮಾಡಿಲ್ಲ. ಇವರೊಂದಿಗೆ ಬಾಲಿವುಡ್ ನಟಿ ಸ್ವರ ಭಾಸ್ಕರ್, ರಿಮಾ ಕಲ್ಲಿಂಗಲ್, ನಿರ್ಮಾಪಕಿ ಗುನೀತ್ ಮೊಂಗಾ, ಗಾಯಕಿ ಚಿನ್ಮಯಿ ಶ್ರೀಪಾದ ಮತ್ತು ಸ್ಟೈಲಿಸ್ಟ್ ಏಕ ಲಖಾನಿ ಜೊತೆ ಇನ್ನೂ ಹಲವು ಮಂದಿ ಈ ಪ್ರೆಗ್ನೆನ್ಸಿ ಕಿಟ್ ಫೋಟೊವನ್ನು ತಮ್ಮ ಸೋಶಿಯಲ್ ಮೀಡಿಯಾ ಹ್ಯಾಂಡಲ್‌ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.