ಧನುಷ್ 'ಥ್ರೀ' ಕೊಲಾವರಿ ಡಿ... ಮಿಂಚಿನ ಸಂಚಲನ

ಸುಮಾರು ಎಂಟು ದಿನಗಳ ಹಿಂದೆ ಯೂಟ್ಯೂಬ್ ಗೆ ಈ ಹಾಡನ್ನು ಅಪ್ ಲೋಡ್ ಮಾಡಲಾಗಿದೆ. ಸುಮಾರು 20 ಲಕ್ಷ ಹಿಟ್ಸ್ ಗಳು ಈಗಾಗಲೇ ಬಂದಿದ್ದು ಸೌತ್ ನಾರ್ತ್ ಬೇಧವಿಲ್ಲದೇ ಎಲ್ಲರೂ ಮೂಗಿನ ಮೇಲೆ ಬೆರಳಿಟ್ಟು ವಾಪಸ್ ತೆಗೆದುಕೊಳ್ಳಲೂ ಮರೆತಿದ್ದಾರೆ. ಬಿಗ್ ಅಮಿತಾಬ್, ಅಭಿಷೇಕ್ ಹಾಗೂ ಖುಷ್ ಬೂ ಮುಂತಾದ ಘಟಾನುಘಟಿ ತಾರೆಗಳು ಹಾಡನ್ನು ಕೇಳಿ ಸಖತ್ ಥ್ರಿಲ್ ಆಗಿದ್ದಾರೆ.

ಧನುಷ್ ಹಾಗೂ ಶೃತಿ ಹಾಸನ್ ಅಭಿನಯದ 'ಥ್ರೀ' ಚಿತ್ರದಲ್ಲಿ ಲವ್ ಫೇಲ್ಯೂರ್ ಇರುವ ಹಾಡು ಇದು. ಇಂಗ್ಲೀಷ್ ಮತ್ತು ತಮಿಳು ಪದಗಳನ್ನು ಮಿಕ್ಸ್ ಮಾಡಿ ಧನುಷ್ ಈ ಹಾಡು ಬರೆದಿದ್ದಾರೆ. ಯೂಟ್ಯೂಬ್ ನಲ್ಲಿ ಅಪ್ ಲೋಡ್ ಆಗಿರುವ 'ಜಸ್ಟ್ ಮೇಕಿಂಗ್' ಹಾಡೇ ಈ ಮಟ್ಟಕ್ಕೆ ಹಿಟ್ ಆಗಿದೆ. ಇನ್ನು, ಸ್ಟುಡಿಯೋದಲ್ಲಿ ಹಾಡಿದ ಒರಿಜಿನಲ್ ಹಾಡು ಇನ್ನೆಷ್ಟು ಹುಚ್ಚು ಹಿಡಿಸಬಹುದು ಎಂದು ಯೋಚಿಸಿದರೆ ನೀವೇ ಹುಚ್ಚರಾಗಬಹುದು, ಹುಶಾರ್! (ಒನ್ ಇಂಡಿಯಾ ಕನ್ನಡ)