ವಿನಯ್ ರಾಜಕುಮಾರ್ ನಟನೆಯ ’ ಸಿದ್ದಾರ್ಥ’ ಆಡಿಯೋ ವಿಮರ್ಶೆ

ಜಾದೂ ಮಾಡಿದಂತೆ

ಜಾದೂ ಮಾಡಿದಂತೆ

ಹಾಡಿರುವವರು : ಅರ್ಮ ಮಲ್ಲಿಕ್

ಜಾದೂ ಮಾಡಿದಂತೆ, ಪಿಸುಮಾತು ಮಾಡಿದಂತೆ, ರೂಪಸಿಯೇ ನೀನೀಗ ರೂಪಿಸುವೇ ನನ್ನನ್ನೇ, ನಗುವೆಂದೇ ಉತ್ತರ ಎಂದು ಅಷ್ಟೇನೂ ಹಿನ್ನಲೆ ಸಂಗೀತದ ಅಬ್ಬರವಿಲ್ಲದೇ ಸಾಗುವ ಉತ್ತಮವಾಗಿ ಸಂಯೋಜಿಸಿರುವ ಹಾಡು.

ಅಚ್ಚಾಗಿದೆ, ಪೆಟ್ಟಾಗಿದೆ

ಅಚ್ಚಾಗಿದೆ, ಪೆಟ್ಟಾಗಿದೆ

ಹಾಡಿರುವವರು : ಅರ್ಮ ಮಲ್ಲಿಕ್, ಅರ್ಚನ ರವಿ

ಎದೆಯಲಿ ಹಸಿಬಿಸಿ ಸಂದೇಶ, ಮಳೆಯಲಿ ಒಬ್ಬನೇ ಅಲೆಯುವ ಹವ್ಯಾಸ ಹೀಗೆ ತನ್ನ ಪ್ರೀತಿಯನ್ನು ಇಬ್ಬರೂ ವ್ಯಕ್ತ ಪಡಿಸುವ ಡ್ಯೂಯಟ್ ಸಾಂಗ್. ಸ್ಲೋಬೀಟ್ ನಿಂದ ಆರಂಭವಾಗುವ ಸಾಗುವ ಹಾಡಿಗೆ ಹರಿಕೃಷ್ಣ ಅಬ್ಬರದ ಸಂಗೀತ ನೀಡದೇ ಮತ್ತೊಂದು ಇಂಪಾದ ಸಂಗೀತ ನೀಡಿದ್ದಾರೆ.

ನಿನ್ನಿಂದ ದೂರವಾಗಿ ಇರಲಾರೆನು

ನಿನ್ನಿಂದ ದೂರವಾಗಿ ಇರಲಾರೆನು

ಹಾಡಿರುವವರು : ರಘು ದೀಕ್ಷಿತ್

ಸೈಕೋ ಚಿತ್ರ ಖ್ಯಾತಿಯ ರಘು ದೀಕ್ಷಿತ್ ತನ್ನ ಎಂದಿನ ಶೈಲಿಯಲ್ಲಿ ಹಾಡಿರುವ ಮತ್ತು ಹಿನ್ನಲೆ ಸಂಗೀತಕ್ಕೆ ಹೆಚ್ಚು ಪ್ರಾತಿನಿಧ್ಯ ನೀಡಿರುವ ಹಾಡು. ತನ್ನದೇ ಧಾಟಿಯಲ್ಲಿ ಹಾಡುವ ರಘು ದೀಕ್ಷಿತ್ ಕಂಠದಿಂದ ಮೂಡಿ ಬರುವ ಈ ಹಾಡು ಆಲ್ಬಂನ ಮತ್ತೊಂದು ಉತ್ತಮ ಚಾಯ್ಸ್.

ನಿನ್ನಾ ನೆನಪೇ ನನ್ನ ಚಲಿಸುವ

ನಿನ್ನಾ ನೆನಪೇ ನನ್ನ ಚಲಿಸುವ

ಹಾಡಿರುವವರು : ಸೋನು ನಿಗಂ

ನಿನ್ನ ಹೆಸರೇ, ನನ್ನ ದಿನಚರಿ ಪುಟತುಂಬ ಅದು ಮನಸಿನ ಪ್ರತಿಬಿಂಬ. ಜಯಂತ್ ಕಾಯ್ಕಿಣಿ ಸಾಹಿತ್ಯವನ್ನು ಸ್ವರದ ಮೂಲಕ ಪಸರಿಸುವ ರಾಯಭಾರಿಯಂತಿರುವ ಸೋನು ನಿಗಂ ಹಾಡಿರುವ ಶೋಕಭರಿತ ಗೀತೆ. ಕನ್ನಡದಲ್ಲಿ ಇಷ್ಟು ಹಾಡು ಹಾಡಿದ್ದರೂ, ಸೋನು ನಿಗಂ ಅದ್ಯಾವಾಗ ಕನ್ನಡ ಉಚ್ಚಾರಣೆ ಕಲಿತಾರೋ, ಆದರೂ ಇಂಪಾಗಿ ಹಾಡು ಕಂಪೋಸ್ ಮಾಡಿದ ಸಂಗೀತ ನಿರ್ದೇಶಕರಿಗೂ, ಅರ್ಥಬರಿತ ಸಾಹಿತ್ಯ ನೀಡಿದ ಕಾಯ್ಕಿಣಿಯವರಿಗೂ ಅಭಿನಂದನೆಗಳು

ಗೋವಾ ತೀರದಲ್ಲಿ

ಗೋವಾ ತೀರದಲ್ಲಿ

ಹಾಡಿರುವವರು : ಸಂತೋಷ್ ವೆಂಕಿ

ಹಿನ್ನಲೆ ಸಂಗೀತಕ್ಕೆ ಬಳಸಿಕೊಂಡ ಟ್ಯೂನ್ ಈ ಹಿಂದೆ ಎಲ್ಲೋ ಗುನುಗುವಂತಿದೆ. ಇದು ಗೋವಾ ಕಿನಾರೆಯಲ್ಲಿನ ಜಾಲಿ ಹಾಡು. ಚಿತ್ರದ ಹಾಡುಗಳನ್ನು ಸಂಯೋಜಿಸಿದ ರೀತಿ ಚೆನ್ನಾಗಿದ್ದು ಅದನ್ನು ಮೀರಿ ನಿಲ್ಲುವುದು ಸಾಹಿತ್ಯ. ಲಹರಿ ಸಂಸ್ಥೆ ಹೊರತಂದಿರುವ ಸಿದ್ದಾರ್ಥ ಚಿತ್ರದ ಆಡಿಯೋವನ್ನು ನಲವತ್ತು ರೂಪಾಯಿ ಕೊಟ್ಟು ಖರೀದಿಸುವುದಕ್ಕೆ ಏನೂ ತೊಂದರೆಯಿಲ್ಲ.