'ಲವ್ ಮಾಕ್ ಟೇಲ್-2' ಹಾಡಿಗೆ ಟಾಂಗ್ ಕೊಟ್ರಾ ರಘು ದೀಕ್ಷಿತ್?

ಲವ್ ಮಾಕ್ ಟೇಲ್-2 ಗೆ ನಕುಲ್ ಸಂಗೀತ

ಕೆಲವು ಕಾರಣಗಳಿಂದ ರಘು ದೀಕ್ಷಿತ್ ಲವ್ ಮಾಕ್ ಟೇಲ್ ಪಾರ್ಟ-2 ನಿಂದ ಹೊರ ಬಂದಿದ್ದಾರೆ ಎನ್ನಲಾಗಿದೆ. ರಘು ದೀಕ್ಷಿತ್ ಜಾಗಕ್ಕೆ ನಕುಲ್ ಅಭ್ಯಂಕರ್ ಎಂಟ್ರಿ ಕೊಟ್ಟಿದ್ದಾರೆ. ಲವ್ ಮಾಕ್ ಟೇಲ್ ಸಿನಿಮಾದಲ್ಲಿ ಹಾಡಿಗೆ ಧ್ವನಿಯಾಗಿದ್ದ ನಕುಲ್ ಇದೀಗ ಪಾರ್ಟ್-2ಗೆ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ.

ಲವ್ ಮಾಕ್ ಟೇಲ್-2 ಹಾಡಿಗೆ ಟಾಂಗ್ ಕೊಟ್ರಾ ರಘು?

ಚಿತ್ರದ ಮೊದಲ ಹಾಡು ಈಗಾಗಲೇ ರಿಲೀಸ್ ಆಗಿದೆ. ಪ್ರೇಮಿಗಳ ದಿನದಂದು ಮತ್ತು ಕೃಷ್ಣ ಹಾಗೂ ಮಿಲನಾ ಮದುವೆ ದಿನವೇ ಹಾಡು ಬಿಡುಗಡೆಯಾಗಿದೆ. ಹಾಡು ರಿಲೀಸ್ ಆದ ಎರಡು ದಿನಗಳ ಬಳಿಕ ರಘು ದೀಕ್ಷಿತ್, ಸಾಮಾಜಿಕ ಜಾಲತಾಣದಲ್ಲಿ ಒಂದು ಪೋಸ್ಟ ಹಾಕಿದ್ದಾರೆ. ರಘು ದೀಕ್ಷಿತ್ ಅವರ ಈ ಪೋಸ್ಟ್ ಲವ್ ಮಾಕ್ ಟೇಲ್-2 ಮತ್ತು ಹಾಡಿಗೆ ಟಾಂಗ್ ಕೊಟ್ಟಿದ್ದಾರಾ ಎನ್ನುವ ಅನುಮಾನ ವ್ಯಕ್ತವಾಗುತ್ತಿದೆ.

ರಘು ದೀಕ್ಷಿತ್ ಪೋಸ್ಟ್

'ಒಂದು ಹಾಡಿಗೆ ಆತ್ಮ ಎನ್ನುವುದು ತುಂಬಾ ಮುಖ್ಯ. ಕೇವಲ ದೊಡ್ಡ ನಿರ್ಮಾಣ, ಮಿಕ್ಸಿಂಗ್ ಮತ್ತು ಮಾಸ್ಟರ್ ಇವೆಲ್ಲಕ್ಕಿಂತ ಮುಖ್ಯ ಆತ್ಮ. ಹಾರ್ಟ್ ಹೇಗೆ ಛಿದ್ರವಾಗುತ್ತೆ ಮತ್ತು ಹೇಗೆ ಚೇತರಿಸಿಕೊಳ್ಳುತ್ತದೆ ಎನ್ನುವ ಬಗ್ಗೆ ಗೊತ್ತಿರಬೇಕು.' ಎಂದು ಹೇಳಿದ್ದಾರೆ.

ಯಾವ ಹಾಡಿನ ಬಗ್ಗೆ ಹಾಕಿರುವ ಪೋಸ್ಟ್?

ರಘು ದೀಕ್ಷಿತ್ ಅವರ ಈ ಪೋಸ್ಟ್ ಅಚ್ಚರಿ ಮೂಡಿಸಿದ್ದು, ಇದು ಲವ್ ಮಾಕ್ ಟೇಲ್ 2 ಹಾಡಿನ ಬಗ್ಗೆಯೇ ಹಾಕಿರುವ ಪೋಸ್ಟ್ ಎನ್ನುವ ಮಾತುಗಳು ಕೇಳಿಬರುತ್ತಿದೆ. ಆದರೆ ಈ ಬಗ್ಗೆ ರಘು ದೀಕ್ಷಿತ್ ಯಾವುದೇ ಸ್ಪಷ್ಟನೆ ನೀಡಿಲ್ಲ. ಈ ಪೋಸ್ಟ್ ಗೆ ಲವ್ ಮಾಕ್ ಟೇಲ್-2 ತಂಡ ಕೂಡ ಪ್ರತಿಕ್ರಿಯೆ ನೀಡಿಲ್ಲ. ಇದು ನಿಜಕ್ಕೂ ಲವ್ ಮಾಕ್ ಟೇಲ್-2 ಹಾಡಿನ ಬಗ್ಗೆ ಹಾಕಿರುವ ಪೋಸ್ಟ್ ಆಗಿದೆಯಾ ಅಥವಾ ಬೇರೆ ಹಾಡಿನ ಬಗ್ಗೆ ಬರೆದುಕೊಂಡಿದ್ದಾರಾ ಎನ್ನುವುದನ್ನು ರಘು ದೀಕ್ಷಿತ್ ಅವರೇ ಉತ್ತರ ನೀಡಬೇಕು.