ಮೇ 10 ಕ್ಕೆ ಭಾರತದಲ್ಲಿ ಪಾಪ್ ಗಾಯಕ ಜಸ್ಟಿನ್ ಬೀಬರ್ ಸಂಗೀತ ಮೇಳ

ಜಸ್ಟಿನ್ ಬೀಬರ್ ಸಂಗೀತ ಮೇಳ

ಕೆನೆಡಿಯನ್ ಗಾಯಕ ಜಸ್ಟಿನ್ ಬೀಬರ್ ಮೇ 10 ರಂದು ಮುಂಬೈನ ಡಿ ವೈ ಪಾಟೀಲ್ ಸ್ಟೇಡಿಯಂ ನಲ್ಲಿ ಸಂಗೀತ ಕಾರ್ಯಕ್ರಮ ನೀಡಲಿದ್ದಾರೆ. ಈ ಸಂಗೀತ ಮೇಳ ಕಾರ್ಯಕ್ರಮಕ್ಕೆ 50000 ಕ್ಕೂ ಹೆಚ್ಚು ಜಸ್ಟಿನ್ ಬೀಬರ್ ಅಭಿಮಾನಿಗಳು ಆಗಮಿಸಲಿದ್ದಾರೆ ಎಂದು ನಿರೀಕ್ಷೆ ಮಾಡಲಾಗಿದೆ.

ಜಸ್ಟಿನ್ ಬೀಬರ್ ಸೆಕ್ಯೂರಿಟಿಗಾಗಿ 500 ಪೊಲೀಸರಿಂದ ಬಂದೋಬಸ್ತ್

ಜಸ್ಟಿನ್ ಬೀಬರ್ ಭಾರತಕ್ಕೆ ಮೊದಲ ಬಾರಿಗೆ ಆಗಮಿಸುತ್ತಿರುವ ಸುದ್ದಿ ಎಲ್ಲೆಡೆ ಹರಡಿದೆ. ಮುಂಬೈಗೆ ಬಂದಿಳಿಯಲಿರುವ ಜಸ್ಟಿನ್ ಬೀಬರ್ ಸೆಕ್ಯೂರಿಟಿಗಾಗಿ ಈಗಾಗಲೇ 500 ಪೊಲೀಸರನ್ನು ನಿಯೋಜಿಸಿದ್ದು, ಸಲ್ಮಾನ್ ಖಾನ್ ರವರ ಬಾಡಿಗಾರ್ಡ್ ಶೆರಾ ರವರು ಭದ್ರತಾ ವ್ಯವಸ್ಥೆ ನಿರ್ವಹಣೆ ಹೊಣೆ ಹೊತ್ತಿದ್ದಾರೆ ಎಂದು ತಿಳಿದಿದೆ.

ಭಾರತದಲ್ಲಿ ಮೊದಲ ಬಾರಿಗೆ ಇಂಟರ್ ನ್ಯಾಷನಲ್ ಸೆಲೆಬ್ರಿಟಿಯ ಸಂಗೀತ ಮೇಳ

ದೆಹಲಿ ಮೂಲದ 'ವೈಟ್ ಫಾಕ್ಸ್ ' ಎಂಬ ಕಂಪನಿ ಮುಂಬೈ ನಲ್ಲಿ ನಡೆಯಲಿರುವ ಸಂಗೀತ ಮೇಳದ ನಿರ್ವಹಣೆ ಹೊತ್ತಿದೆ. ಅಂತರಾಷ್ಟ್ರೀಯ ಸೆಲೆಬ್ರಿಟಿ ಜಸ್ಟಿನ್ ಬೀಬರ್ ಇದೇ ಮೊದಲ ಬಾರಿಗೆ ಭಾರತದಲ್ಲಿ ತಮ್ಮ ಸಂಗೀತ ಪ್ರದರ್ಶನ ನೀಡುತ್ತಿದ್ದಾರೆ.

ಜಸ್ಟಿನ್ ಬೀಬರ್ ಪ್ರವಾಸ

ಜಸ್ಟಿನ್ ಬೀಬರ್ ಮುಂಬೈನಲ್ಲಿನ ಸಂಗೀತ ಪ್ರದರ್ಶನದ ನಂತರ ದೆಹಲಿ, ಜೈಪುರ್ ಮತ್ತು ಆಗ್ರಾ ಪ್ರವಾಸಿ ತಾಣಗಳಿಗೂ ಭೇಟಿ ನೀಡಲಿದ್ದಾರೆ.