ಶ್ರೇಯಾ ಘೋಷಾಲ್ ಕಂಠದ 'ಮುಗುಳು ನಗೆ' ಹಾಡು ಕೇಳಿ

'ಮುಗುಳು ನಗೆ' ಸಿನಿಮಾದ ಮೂರನೇ ಹಾಡು ರಿಲೀಸ್ ಆಗಿದೆ. ಈ ಹಾಡನ್ನು ನಿನ್ನೆ ಮೈಸೂರಿನಲ್ಲಿ ಚಿತ್ರತಂಡ ಬಿಡುಗಡೆ ಮಾಡಿದೆ. ನಿರ್ದೇಶಕ ಯೋಗರಾಜ್ ಭಟ್ ಬರೆದಿರುವ ಈ ಹಾಡು ಸಿನಿ ಪ್ರಿಯರ ಮನ ಗೆದ್ದಿದೆ.

'ನಿನ್ನ ಸ್ನೇಹದಿಂದ..' ಎಂಬ ಹಾಡು ಸಖತ್ ಮೆಲೋಡಿ ಆಗಿದೆ. ಸಿಂಪಲ್ ಪದಗಳನ್ನು ಬಳಸಿ ಸೊಗಸಾದ ಹಾಡನ್ನು ಭಟ್ಟರು ಬರೆದಿದ್ದಾರೆ. ಹರಿಕೃಷ್ಣ ವಿಭಿನ್ನವಾದ ಸಂಗೀತ ಹಾಡಿನಲ್ಲಿ ಗಮನ ಸೆಳೆಯುತ್ತದೆ. ಇನ್ನೂ ಈ ಹಾಡು ರಿಲೀಸ್ ಆದ 12 ಗಂಟೆಯ ಒಳಗೆ ಯೂ ಟ್ಯೂಬ್ ನಲ್ಲಿ ಒಂದುವರೆ ಲಕ್ಷಕ್ಕೂ ಹೆಚ್ಚು ಹಿಟ್ಸ್ ಪಡೆದಿದೆ.

ಶ್ರೇಯಾ ಘೋಷಾಲ್ ಹಾಡಿರುವ ಈ ಹಾಡು ಹುಡುಗಿಯರಿಗೆ ತುಂಬ ಹತ್ತಿರವಾಗುವಂತಿದೆ. ಹಾಡಿನಲ್ಲಿ ಗಣೇಶ್ ಮತ್ತು ನಟಿ ಆಶಿಕಾ ಕಾಣಿಸಿಕೊಂಡಿದ್ದಾರೆ. ಇಬ್ಬರ ಲುಕ್ ಕೂಡ ತುಂಬ ಮುದ್ದಾಗಿದೆ. ಸದ್ಯ 'ಮುಗುಳು ನಗೆ' ಚಿತ್ರದ ಸೌಂಡ್ ಹಾಡುಗಳ ಮೂಲಕ ದಿನೇ ದಿನೇ ಜೋರಾಗುತ್ತಿದೆ.

'ಮುಗುಳು ನಗೆ' ಚಿತ್ರದ ಈ ಹಾಡು ಕೇಳುವುದಕ್ಕೆ ಈ ಲಿಂಕ್ ಕ್ಲಿಕ್ಕಿಸಿ.