ನೀನಾಸಂ ಸತೀಶ್ 'ರಾಕೆಟ್'ಗೆ ಪುನೀತ್ ಪವರ್

ನೀನಾಸಂ ಸತೀಶ್ ಈಗ 'ರಾಕೆಟ್' ವೇಗದಲ್ಲಿ ಬರ್ತಿದ್ದಾರೆ. ತಮ್ಮ ಚೊಚ್ಚಲ ನಿರ್ಮಾಣದ ಚಿತ್ರ 'ರಾಕೆಟ್'ಗೆ ಈಗ ಹೊಸ ಪವರ್ ಬಂದಿದೆ. ಹೌದು ಕಣ್ರೀ.. ನಮ್ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ 'ರಾಕೆಟ್' ಚಿತ್ರದ ರೊಮ್ಯಾಂಟಿಕ್ ಹಾಡೊಂದಕ್ಕೆ ದನಿಯಾಗಿದ್ದಾರೆ.

ನಮ್ 'ರಾಕೆಟ್' ಹೀರೋಯಿನ್ ಐಶಾನಿ ಶೆಟ್ಟಿ ಫೀಮೇಲ್ ವಾಯ್ಸ್ ನೀಡಿ ಪವರ್ ಸ್ಟಾರ್ ಗೆ ಸಾಥ್ ಕೊಟ್ಟು ಕಮಾಲ್ ಮಾಡಿದ್ದಾರೆ. [ಅಂದು ಅಪ್ಪು ಚಿತ್ರದಲ್ಲಿ ಉಪ್ಪಿ, ಇಂದು ಉಪ್ಪಿ ಚಿತ್ರದಲ್ಲಿ ಅಪ್ಪು]

"ತಣ್ಣಗಿದ್ವಿ ನಾವು ನಮ್ಮ ಪಾಡಿಗೆ ಮಲಿಕೊಂಡು, ಎದುರಲಿ ಬಂದ್ರಿ ನೀವು ನಗು ಚೆಲ್ಕೊಂಡು" ಅಂತ ಅಪ್ಪು, ಐಶಾನಿ ಜೊತೆ ಹಾಡಿದ ಹಾಡು ಈಗ ಎಲ್ಲರ ಬಾಯಲ್ಲೂ ಹರಿದಾಡ್ತಾ ಇದೆ. ಈ ಹಾಡಿನ ಮೇಕಿಂಗ್ ವೀಡಿಯೋ ಇಲ್ಲಿದೆ ನೋಡಿ...

'ಲೂಸಿಯಾ' ಚಿತ್ರದ ಭರ್ಜರಿ ಯಶಸ್ಸಿನ ನಂತರ ನೀನಾಸಂ ಸತೀಶ್ ಚೊಚ್ಚಲ ನಿರ್ಮಾಣದಲ್ಲಿ ಮೂಡಿ ಬರುತ್ತಿರುವ ಚಿತ್ರ 'ರಾಕೆಟ್'. ನವ ಪ್ರತಿಭೆ ಶಿವಸಾಹಸಿ ಆಕ್ಷನ್ ಕಟ್ ಹೇಳಿರುವ ಚಿತ್ರಕ್ಕೆ ಪೂರ್ಣಚಂದ್ರ ತೇಜಸ್ವಿ ಅವರ ಸಂಗೀತ ನಿರ್ದೇಶನವಿದೆ.