»   »  ಫ್ರೆಂಡ್ಸ್ ಪ್ರೊಡಕ್ಷನ್ಸ್ ನೂತನ ಚಿತ್ರದಲ್ಲಿ ದಿಗಂತ್

ಫ್ರೆಂಡ್ಸ್ ಪ್ರೊಡಕ್ಷನ್ಸ್ ನೂತನ ಚಿತ್ರದಲ್ಲಿ ದಿಗಂತ್

Subscribe to Filmibeat Kannada
Diganths new movie starts rolling
ಸಾಲುಸಾಲು ಚಿತ್ರಗಳು ನಿರ್ಮಾಣವಾಗುತ್ತಿರುವ ಈ ಸಮಯದಲ್ಲಿ ಶೀರ್ಷಿಕೆಗಳಿಗೆ ಬರಗಾಲವಾರಂಭವಾಗಿದೆ. ಆದ್ದರಿಂದ ಜಾಣ ನಿರ್ಮಾಪಕರು ತಮ್ಮ ನಿರ್ಮಾಣದ ಚಿತ್ರಗಳನ್ನು ಸಂಖ್ಯೆಯಿಂದ ಸೂಚಿಸುತ್ತಾರೆ. ಒಳ್ಳೆ ಶೀರ್ಷಿಕೆ ಸಿಕ್ಕ ಕೂಡಲೆ ಚಿತ್ರಕ್ಕೆ ಅದನ್ನು ಬಳಸಿಕೊಳ್ಳುವುದ್ದನ್ನು ರೂಢಿಸಿಕೊಂಡಿದ್ದಾರೆ.

ಪ್ರಸ್ತುತ ಫ್ರೆಂಡ್ಸ್ ಪ್ರೊಡಕ್ಷನ್ಸ್ ಲಾಂಛನದಿಂದ ನೂತನ ಚಿತ್ರವೊಂದು ಆರಂಭವಾಗಿದೆ. ಹೆಸರಿಡಿದ ಈ ಚಿತ್ರದಲ್ಲಿ ಮೋಹಕ ಬೆಡಗಿ ಸುಮನ್‌ರಂಗಾನಾಥ್ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈಗಾಗಲೇ ಚಿತ್ರದ ಚಿತ್ರೀಕರಣ ಆರಂಭವಾಗಿದ್ದು ಫೆಬ್ರವರಿ ಅಂತ್ಯದ ವೇಳೆಗೆ ಒಂದೇ ಹಂತದಲ್ಲಿ ಚಿತ್ರ ಪೂರ್ಣವಾಗಲಿದೆ. ಇತ್ತೀಚೆಗೆ ರೆಸಿಡೆನ್ಸಿ ರಸ್ತೆಯ ಎನ್.ವೈ.ಕೆ ಡಿಸ್ಕೋ ಕ್ಲಬ್‌ನಲ್ಲಿ ವಿ.ಮನೋಹರ್ ರಚಿಸಿರುವ ನಿಂದಲ್ಲ ಕಾಲ ನಂದು ಬಾಬಾ ಬೀಬಿ- ಸ್ಯಾರಿ ಲೈಲಾ ಹಿಂದೆ ಬಾ ಹಾ ಬೀಬಿಎಂಬ ಗೀತೆಯನ್ನು ಸುಮನ್‌ರಂಗಾನಾಥ್ ಹಾಗೂ ಸಹನರ್ತಕರ ಅಭಿನಯದಲ್ಲಿ ಚಿತ್ರೀಕರಿಸಿಕೊಂಡರು.

ನಿರ್ದೇಶಕ ಬಿ.ಶಂಕರ್. ನಿರ್ದೇಶಕರೇ ಚಿತ್ರಕತೆ ಬರೆದು ನಿರ್ಮಾಣದ ಹೊಣೆ ಹೊತ್ತಿರುವ ಈ ಚಿತ್ರಕ್ಕೆ ಸುಂದರನಾಥ್‌ಸುವರ್ಣ ಛಾಯಾಗ್ರಹಣ, ಶ್ರೀ ಸಂಕಲನ, ಮಂಜುನಾಥ್ ಸಂಭಾಷಣೆ, ಹೊಸ್ಮನೆ ಮೂರ್ತಿ ಕಲೆ, ಚಿನ್ನಿಪ್ರಕಾಶ್ ನೃತ್ಯ, ರಾಮಣ್ಣನವರ ನಿರ್ಮಾಣನಿರ್ವಹಣೆಯಿದೆ. ದಿಗಂತ್, ರೋಹನ್‌ಗೌಡ, ನಿಖಿತ, ಸುಮನ್‌ರಂಗಾನಾಥ್, ಉಮಾಶ್ರೀ, ಹರೀಶ್ ರೈ, ಮೈಕಲ್‌ಮಧು, ರೇಖಾದಾಸ್ ಮುಂತಾದವರ ತಾರಾಬಳಗ ಈ ನೂತನ ಚಿತ್ರಕ್ಕಿದೆ.

(ದಟ್ಸ್ ಕನ್ನಡ ಚಿತ್ರವಾರ್ತೆ)
ಹಿಂದಿ ಬಾರದ್ದಕ್ಕೆ ಹಿಂದೆ ಬಿದ್ದ ದಿಗಂತ್

Please Wait while comments are loading...