ಗೋವಿಂದಾ ಪುತ್ರಿ ನರ್ಮದಾ ಚಿತ್ರ ಸದ್ಯದಲ್ಲೇ ತೆರೆಗೆ

ನಾಯಕಿಯಾಗಿ ನರ್ಮದಾ ಅಭಿನಯಿಸುತ್ತಿರುವ ಬಾಲಿವುಡ್ ಸಿನಿಮಾ ಸದ್ಯದಲ್ಲೇ ತೆರೆಗೆ ಬರಲು ಸಿದ್ಧತೆ ನಡೆದಿದೆ. ನಿರ್ಮಾಪಕ ಪಹ್ಲಾಜ್ ನಿಹಲಾನಿ ನರ್ಮದಾ ಅಹುಜಾ ಅವರನ್ನು ಪರಿಚಯಿಸುತ್ತಿದ್ದಾರೆ. ನಿಹಲಾನಿ ಅವರ ಮುಂದಿನ ಚಿತ್ರದಲ್ಲಿ ನಾಯಕಿಯಾಗಿ ನರ್ಮದಾ ಅಭಿನಯಿಸುತ್ತಿದ್ದಾರೆ.

ಈ ವಿಷಯವನ್ನು ನಿಹಲಾನಿ ಖಚಿತಪಡಿಸಿದ್ದು, ನರ್ಮದಾ ನಮ್ಮ ಕುಟುಂಬದ ಒಬ್ಬ ಸದಸ್ಯಳಂತೆ ಇದ್ದಾಳೆ. ಅವರಿಗಾಗಿ ಪ್ರತ್ಯೇಕ ಸ್ಕ್ರಿಪ್ಟ್ ರೆಡಿ ಮಾಡಲಾಗುತ್ತಿದೆ. ತಮ್ಮ ನೂತನ ಚಿತ್ರದ ಮೂಲಕ ಆಕೆಯನ್ನು ಭರ್ಜರಿಯಾಗಿ ಬಾಲಿವುಡ್ ಸಿನಿಜಗತ್ತಿಗೆ ಪರಿಚಯಿಸುವುದಾಗಿ ಹೇಳಿದ್ದಾರೆ.

ನಿಹಲಾನಿ ಈ ಹಿಂದೆ ಶೋಲಾ ಔರ್ ಶಬನಮ್, ಅಂದಾಜ್, ಆಂಖೇ ಚಿತ್ರಗಳನ್ನು ನಿರ್ಮಿಸಿದ್ದಾರೆ. ಆದರೆ ತಮ್ಮ ಹೊಸ ಚಿತ್ರದ ಕಥಾಹಂದರ ಏನು, ನರ್ಮದಾ ಅಹುಜಾ ಪಾತ್ರ ಎಂತಹುದು ಎಂಬ ಗುಟ್ಟನ್ನು ಯಶಸ್ವಿ ನಿರ್ಮಾಪಕ ನಿಹಲಾನಿ ಬಿಟ್ಟುಕೊಟ್ಟಿಲ್ಲ.