ನಟ ನಾಗಾರ್ಜುನ ಬಾದಾಮಿಯಲ್ಲಿ ಬಾಬಾ ಅವತಾರ

ತೆಲುಗು ಚಿತ್ರರಂಗದಲ್ಲಿ ತಮ್ಮದೇ ಆದಂತಹ ಛಾಪು ಮೂಡಿಸಿರುವ ನಟ ನಾಗಾರ್ಜುನ. ಈಗವರು ಭಕ್ತಿ ಪ್ರಧಾನ ಚಿತ್ರ 'ಶಿರಡಿ ಸಾಯಿಬಾಬಾ' ಪಾತ್ರವನ್ನು ಪೋಷಿಸುತ್ತಿದ್ದಾರೆ. ಈ ಚಿತ್ರದ ಚಿತ್ರೀಕರಣ ಕರ್ನಾಟಕದ ಬಾದಾಮಿಯಲ್ಲಿ ಭರದಿಂದ ಸಾಗಿದೆ.

ಬಾಬಾ ಅವರ ಜೀವನ ಘಟ್ಟಗಳು, ಅವರ ಮಹಿಮೆಗಳು, ಭಕ್ತರೊಂದಿಗಿನ ಅನುಬಂಧ ತೆರೆಯ ಮೇಲೆ ಮೂಡಿಬರಲಿದೆ. ಒಟ್ಟು 25 ದಿನಗಳ ಕಾಲ 'ಶಿರಡಿ ಸಾಯಿಬಾಬಾ' ಚಿತ್ರೀಕರಣ ಕರ್ನಾಟಕದ ಹಲವು ಭಾಗಗಳಲ್ಲಿ ನಡೆಯಲಿದೆ.

ಈ ಹಿಂದೆ ನಾಗಾರ್ಜುನ ಹಲವಾರು ಪೌರಾಣಿಕ, ಭಕ್ತಿ ಪ್ರಧಾನ ಚಿತ್ರಗಳಲ್ಲಿ ಅಭಿನಯಿಸಿದ್ದರು. ಅನ್ನಮಯ್ಯ, ಶ್ರೀರಾಮದಾಸುವಿನಂತ ಚಿತ್ರಗಳು ಅವರಿಗೆ ಉತ್ತಮ ಹೆಸರು ತಂದುಕೊಟ್ಟಿವೆ. ಈಗ 'ಶಿರಡಿ ಸಾಯಿಬಾಬಾ' ಅವತಾರದಲ್ಲಿ ಕಾಣಿಸಲಿದ್ದಾರೆ. ಕೆ. ರಾಘವೇಂದ್ರರಾವ್ ಅವರ ನಿರ್ದೇಶನ ಚಿತ್ರಕ್ಕಿದೆ. (ಏಜೆನ್ಸೀಸ್)