ಮುಖಪುಟ

ಸಿನಿ ಸಮಾಚಾರ

10ನೇ ಬೆಂಗಳೂರು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದ ನಾಲ್ಕನೇ ದಿನಕ್ಕೆ ಕಾಲಿಟ್ಟಿದ್ದು, ಸಿನಿಮಾ ಪ್ರದರ್ಶನದ ಜೊತೆಗೆ ಕೆಲವು ವಿಶೇಷ ಕಾರ್ಯಕ್ರಮಗಳು ಗಮನ ಸೆಳೆಯಿತು.

ಹಳೆಯ ತಂತ್ರಜ್ಞಾನ ಮತ್ತು ಈಗಿನ ತಂತ್ರಜ್ಞಾನ, 'ಸಂಸ್ಕಾರ' ಚಿತ್ರದ ಮೇಕಿಂಗ್ ಮತ್ತು ಇಸ್ರೆಲ್ ನ 'ಕ್ವೈಟ್ ಹಾರ್ಟ್' ಚಿತ್ರದ ಅನುಭವ ಮತ್ತು ಕೆಲವು ಸಿನಿಮಾ ಬೆಳವಣಿಗೆಗಳ ಬಗ್ಗೆ ಸಂವಾದ, ಚರ್ಚೆ ನಡೆಸಲಾಯಿತು.

ನೂರು ವರ್ಷದ ಚಿತ್ರರಂಗದಲ್ಲಿ ಹಿಂದಿನ ತಂತ್ರಜ್ಞಾನ ಮತ್ತು ಮುಂದಿನ 100 ವರ್ಷ ತಂತ್ರಜ್ಙಾನ ಹೇಗಿರಬಹುದು ಎಂಬ ವಿಷ್ಯದ ಕುರಿತು ತಜ್ಞರಿಂದ ಸಂವಾದ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಈ ವೇದಿಕೆಯಲ್ಲಿ ಡಿಜಿಟಲ್ ಮ್ಯೂಸಿಕ್ ಸಂಸ್ಥಾಪಕ ಅರುಳ್ ಮೂರ್ತಿ, ಚಿತ್ರ ನಿರ್ದೇಶಕ ಎಸ್.ಕೃಷ್ಣ, ಬಿ.ಎಸ್ ಶ್ರೀನಿವಾಸ್ ಭಾಗವಹಿಸಿದ್ದರು.

ಇದಾದ ಬಳಿಕ ಕನ್ನಡದ ಸೂಪರ್ ಹಿಟ್ ಸಿನಿಮಾ 'ಸಂಸ್ಕಾರ' ಚಿತ್ರದಲ್ಲಿ ಛಾಯಾಗ್ರಾಹಕನಾಗಿ ಕೆಲಸ ಮಾಡಿದ್ದ ಥಾಮಸ್ ಕ್ರೌನ್ ಉಪನ್ಯಾಸ ನೀಡಿದರು. 1970ರಲ್ಲಿ ತೆರೆಕಂಡಿದ್ದ 'ಸಂಸ್ಕಾರ' ಚಿತ್ರವನ್ನ ಪಟ್ಟಾಭಿರಾಮ ರೆಡ್ಡಿ ನಿರ್ದೇಶನ ಮಾಡಿದ್ದರು. ಈ ಚಿತ್ರದ ಅನುಭವ ಮತ್ತು ಸವಾಲುಗಳ ಬಗ್ಗೆ ಥಾಮಸ್ ಕ್ರೌನ್ ಚಿತ್ರಪ್ರೇಮಿಗಳೊಂದಿಗೆ ಹಂಚಿಕೊಂಡರು.

ಇನ್ನು ಇಸ್ರೇಲ್ ನ 'ಕ್ವೈಟ್ ಹಾರ್ಟ್' ಚಿತ್ರದ ಬಗ್ಗೆ ಮಾತನಾಡಿದ ಇಸ್ರೇಲ್ ನ ಕೌನ್ಸಿಲ್ ಜನರಲ್ ಶ್ರೀ ಡನಾ ಕುರ್ಷ್ ಚಲನಚಿತ್ರೋತ್ಸವದಲ್ಲಿ ಭಾಗವಹಿಸಿದರ ಬಗ್ಗೆ ಸಂತಸ ವ್ಯಕ್ತಪಡಿಸಿರು. ಜನರನ್ನು ಸಂಪರ್ಕಿಸಲು ಉತ್ತಮ ಮಾರ್ಗವೆಂದರೆ ಸಂಸ್ಕೃತಿ. ಇಂತಹ ಸಂಸ್ಕೃತಿಯನ್ನ ಬಿಂಬಿಸಲು ಚಲನಚಿತ್ರಗಳು ಅತ್ಯುತ್ತಮ ವೇದಿಕೆಯಾಗಿದೆ. 'ಕ್ವೈಟ್ ಹಾರ್ಟ್' ಚಲನಚಿತ್ರವು ಇಸ್ರೇಲ್ ನ ಸಂಪೂರ್ಣವಾಗಿ ತೋರಿಸಿದೆ. ಇಸ್ರೇಲ್ ಸಿನಿಮಾಗಳಿಗೆ ಇದು ಉತ್ತಮ ವೇದಿಕೆಯ ಎಂದು ಪ್ರಶಂಸಿದರು.