ಮಾಜಿ ರೂಪದರ್ಶಿ ನಟಾಶಾ ಪಡುಬಿದ್ರಿ ಆತ್ಮಹತ್ಯೆ

ಕಾಮಸೂತ್ರ ರೂಪದರ್ಶಿ ವಿವೇಕಾ ಬಾಬಾಜಿ ಆತ್ಮಹತ್ಯೆ ಘಟನೆ ಇನ್ನೂ ಹಸಿಯಾಗಿರುವಾಗಲೆ ಮುಂಬೈನ ಮತ್ತೋರ್ವ ರೂಪದರ್ಶಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಮೂವತ್ತರ ಹರೆಯದ ಮಾಜಿ ರೂಪದರ್ಶಿ ನಟಾಶಾ ಪಡುಬಿದ್ರಿ ಅವರು ಮುಂಬೈನ ವರ್ಸೋವಾದ ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಕೆಲ ವರ್ಷಗಳ ಹಿಂದೆ ನಟಾಶಾ ಅವರು ಮಾಡೆಲಿಂಗ್ ಕ್ಷೇತ್ರದಲ್ಲಿ ಗುರಿತಿಸಿಕೊಂಡಿದ್ದರು. ಭಾನುವಾರ ಮಧ್ಯಾಹ್ನ ವರ್ಸೋವಾದ ಪ್ರೆಟ್ರಿಕಾರ್ನ್ ಕಟ್ಟಡದ ತನ್ನ ಬೆಡ್ ರೂಮಿನಲ್ಲಿ ದುಪಟ್ಟವನ್ನು ಕುತ್ತಿಗೆಗೆ ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. ಆಕೆಯ ಮನೆಯವರು ಎರಡು ಫ್ಲಾಟ್ ಗಳನ್ನು ಹೊಂದಿದ್ದರು. ಒಂದರಲ್ಲಿ ನಟಾಶಾ ಅವರು ಒಂಟಿ ಜೀವನ ನಡೆಸುತ್ತಿದ್ದರು.

ನಟಾಶಾ ಸಹೋದರ ಬಾಗಿಲು ಬಡಿಗಾದ ಒಳಗಿನಿಂದ ಯಾವುದೇ ಪ್ರತಿಕ್ರಿಯೆ ಬರಲಿಲ್ಲ. ಬಳಿಕ ಪೊಲೀಸರನ್ನು ಕರೆಸಿ ಬಾಗಿಲನ್ನು ಹೊಡೆದು ನೊಡಿದಾಗ ನಟಾಶಾ ಸಾವಿಗೆ ಶರಣಾಗಿದ್ದ್ದರು. ಆಕೆಯ ಸಾವಿಗೆ ಕಾರಣ ತಿಳಿದುಬಂದಿಲ್ಲ. ಆದರೆ ಆಕೆ ಖಿನ್ನತೆಯಿಂದ ಬಳಲುತ್ತಿದ್ದರು ಎನ್ನಲಾಗಿದೆ. ಪೊಲೀಸ್ ತನಿಖೆ ಮುಂದುವರಿದಿದೆ.