Don't Miss!
- News ಸಿನಿಮಾದಲ್ಲಿ ರೀಲ್ ಬಿಟ್ಟಂತೆ ರಾಜಕೀಯದಲ್ಲೂ ರೀಲ್ ಬಿಟ್ಟರೆ ಜನ ಒಪ್ಪಲ್ಲ: ಡಿ ಕೆ ಸುರೇಶ್ ಹೀಗೆ ಹೇಳಿದ್ದು ಯಾರಿಗೆ?
- Automobiles ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಹುಚ್ಚಿ' ಬಗ್ಗೆ ಚುಚ್ಚಿ ಮಾತನಾಡಿದ ಪೂಜಾಗಾಂಧಿ
ಸಂಭಾವನೆ ವಿಚಾರದಲ್ಲಿ ಪೂಜಾಗಾಂಧಿ ಇಷ್ಟೇ ಕೊಡಿ ಎಂದು ಡಿಮ್ಯಾಂಡ್ ಮಾಡುವುದಿಲ್ಲವಂತೆ. ಹಾಗಾಗಿ ಆಕೆಯನ್ನು ಹೆಚ್ಚು ಚಿತ್ರಗಳು ಹುಡುಕಿಕೊಂಡು ಬಂದವು ಎನ್ನುತ್ತವೆ ಮೂಲಗಳು. ''ಸ್ಯಾಂಡಲ್ ವುಡ್ ನಲ್ಲಿ ಅತ್ಯಧಿಕ ಸಂಭಾವನೆ ಪಡೆಯುವ ನಟಿ ನಾನಲ್ಲ. ಈ ವಿಚಾರದಲ್ಲಿ ನನ್ನದು ಒಂಚೂರು ಮೃದು ಧೋರಣೆ. ಸಂಭಾವನೆ ಕಡಿಮೆಯಾದರೂ ತಲೆ ಕೆಡಿಸಿಕೊಳ್ಳುವುದಿಲ್ಲ '' ಎನ್ನುತ್ತಾರೆ ಪೂಜಾಗಾಂಧಿ.
''ಮೊದಲು ಹಣ ಕೊಡಿ ನಂತರ ಚಿತ್ರೀಕರಣಕ್ಕೆ ಬರುತ್ತೇನೆ ಎಂಬ ಮನೋಭಾವ ನನ್ನದಲ್ಲ. ಈ ವ್ಯಾಪಾರಿ ಮನೋಭಾವ ನನಗಿನ್ನೂ ಮೈಗಂಟಿಲ್ಲ. ಈ ಹಿಂದೆ ಎಷ್ಟು ಸಂಭಾವನೆ ತೆಗೆದುಕೊಳ್ಳುತ್ತಿದ್ದೆನೋ ಈಗಲೂ ಅಷ್ಟೇ ಸಂಭಾವನೆ ಪಡೆಯುತ್ತಿದ್ದೇನೆ'' ಎನ್ನುತ್ತಾರೆ ಪೂಜಾ. ಆದರೆ ಆಕೆಗೆ ಇನ್ನೂ ಎಷ್ಟೋ ಚಿತ್ರಗಳ ಸಂಭಾವನೆ ಸಂದಾಯವಾಗಬೇಕಿದೆಯಂತೆ.
ಪೂಜಾಗಾಂಧಿಯ ಹೊಚ್ಚ ಹೊಸ ಚಿತ್ರ 'ನಿನಗಾಗಿ ಕಾದಿರುವೆ'ತೆರೆಕಾಣಲು ಸಿದ್ಧವಾಗಿದೆ. ಈಗಾಗಲೇ ಬಿಡುಗಡೆಯಾಗಿರುವ 'ಹುಚ್ಚಿ'ಚಿತ್ರಕ್ಕೆ ಪ್ರೇಕ್ಷಕರ ಪ್ರತಿಕ್ರಿಯೆ ನೀರಸವಾಗಿದೆ. ಈ ಬಗ್ಗೆ ಮಾತನಾಡಿದ ಪೂಜಾ, ಚಿತ್ರ ಬಿಡುಗಡೆಗೂ ಮುನ್ನಾ ದಿನ ಜಾಹೀರಾತು ಕೊಡಲಾಗಿತ್ತು. ಹುಚ್ಚಿ ಚಿತ್ರಕತೆ ಹೇಳಿದಾಗ ಸುಮಧುರ ಮನಸಿನ ಕತೆ ಎಂದು ಹೇಳಲಾಗಿತ್ತು. ಆದರೆ ಚಿತ್ರ ತೆರೆಗೆ ಬಂದಾಗ ತದ್ವಿರುದ್ಧವಾಗಿತ್ತು. ಇದು ನನ್ನ ಚಿತ್ರ ಅಲ್ಲ ಅನ್ನಿಸಿತು.
''ಇನ್ನು ಮುಂದೆ 'ಹುಚ್ಚಿ'ಯಂತಹ ಚಿತ್ರಗಳಲ್ಲಿ ನಟಿಸುವುದಿಲ್ಲ. ಮೊದಲು ಚಿತ್ರಕತೆಯನ್ನು ಕೂಲಂಕಷವಾಗಿ ಪರಿಶೀಲಿಸಿದ ಬಳಿಕ ಒಪ್ಪಿಕೊಳ್ಳುತ್ತೇನೆ. ಚಿತ್ರೀಕರಣ ಹೇಗೆ ಮಾಡುತ್ತಾರೆ ಎಂಬ ವಿಚಾರಗಳ ಕಡೆಗೂ ಗಮನಹರಿಸಿ ಮುಂದಿನ ಹೆಜ್ಜೆ ಇಡುತ್ತೇನೆ'' ಎಂದು ಪೂಜಾಗಾಂಧಿ ಚಿತ್ರರಂಗದಲ್ಲಿ ತಮ್ಮ ಮುಂದಿನ ನಡೆಯನ್ನು ವಿವರಿಸಿದರು.
ಅವರ ತಾಯಿಯವರನ್ನು ಪೂಜಾ ಮದುವೆಯಾವಾಗ ಎಂದು ಕೇಳಿದ್ದಕ್ಕೆ. ''ಶಾದಿತೊ ಕರ್ನಾ ಹಿ ಹೈ. ತೀನ್ ಚಾರ್ ಸಾಲ್ ಬಾದ್. ಕಾಲಹರಣ ಮಾಡುವ ಬಾಯ್ ಫ್ರೆಂಡ್ ಅವಳಿಗಿಲ್ಲ. ಅವಳನ್ನು ಮದುವೆ ಮಾಡಿಕೊಳ್ಳುವಂತ ಬಾಯ್ ಫ್ರೆಂಡ್ ಬೇಕು'' ಹೀಗೆಂದರು ಪೂಜಾಗಾಂಧಿ ಅವರ ತಾಯಿ ಜ್ಯೋತಿಗಾಂಧಿ. ಮಗಳ ಮದುವೆ ಹಾಗೂ ವೃತ್ತಿ ಜೀವನದ ಬಗ್ಗೆ ಅವರಿಗೆ ಎಲ್ಲಿಲ್ಲದ ಅಕ್ಕರೆ ಅವರ ಮಾತುಗಳಲ್ಲಿ ಧ್ವನಿಸುತ್ತಿತ್ತು.
(ದಟ್ಸ್ ಕನ್ನಡ ಚಿತ್ರವಾರ್ತೆ)