ಕನ್ನಡದಲ್ಲಿ ಮತ್ತೆ 'ರಮ್ಯಾ 'ಚೈತ್ರಕಾಲ ಆರಂಭ!

By Staff

Published: Tuesday, May 19, 2009, 11:51 [IST]

ಸದಾ ಒಂದಿಲ್ಲೊಂದು ಸುದ್ದಿಯಲ್ಲಿರುವುದು ನಟಿ ರಮ್ಯಾ ಅವರ ವಿಶೇಷಗಳಲ್ಲಿ ಒಂದು. ಕನ್ನಡದಲ್ಲಿ ಅವಕಾಶಗಳು ಹೆಚ್ಚುತ್ತಿರುವ ಕಾರಣಕ್ಕೆ ಈ ಬಾರಿ ಅವರು ಸುದ್ದಿಯಾಗಿದ್ದಾರೆ. ಅವರು ನಟಿಸಿರುವ 'ಜೊತೆಗಾರ' ಚಿತ್ರ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ. ಅತ್ಯಂತ ಕ್ಷಿಪ್ರವಾಗಿ ರಮ್ಯಾ ಸಹ ಕನ್ನಡ ಚಿತ್ರರಂಗದಲ್ಲಿ ಬಹಳ ಬ್ಯುಸಿಯಾಗಿದ್ದಾರೆ.

ಪ್ರಸ್ತುತ ರಮ್ಯಾ ಕೈಯಲ್ಲಿ ಎರಡು ಚಿತ್ರಗಳಿವೆ. ಈ ಎರಡು ಚಿತ್ರಗಳ ನಾಯಕ ಕಿಚ್ಚ ಸುದೀಪ್ ಎಂಬುದು ವಿಶೇಷ. ಒಂದರ ನಂತರ ಮತ್ತೊಂದು ಚಿತ್ರ ಸೆಟ್ಟೇರಲಿದೆ. ಕನ್ನಡ ಚಿತ್ರೋದ್ಯಮದಲ್ಲಿ ಈ ಎರಡು ಚಿತ್ರಗಳು ಬಹಳಷ್ಟು ಕುತೂಹಲ ಉಂಟುಮಾಡಿವೆ. ಶಂಕರ್ ಮತ್ತು ಕೆ ಮಂಜು ಈ ಎರಡು ಚಿತ್ರಗಳ ನಿರ್ಮಾಪಕರು.

ಶಂಕರ್ ನಿರ್ಮಿಸುತ್ತಿರುವ 'ಜಸ್ಟ್ ಮಾತ್ ಮಾತಲ್ಲಿ' ಚಿತ್ರದ ಹಾಡುಗಳ ಚಿತ್ರೀಕರಣ ಹೈದರಾಬಾದ್ ನಲ್ಲಿರುವ ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಭರದಿಂದ ಸಾಗುತ್ತಿದೆ. ಈ ಚಿತ್ರದಲ್ಲಿ ರಮ್ಯಾ ಉದ್ದ ಜಡೆಯಲ್ಲಿ ಕಾಣಿಸಲಿದ್ದಾರೆ. ಪಾತ್ರಕ್ಕೆ ತಕ್ಕಂತೆ ನನ್ನ ಕೇಶ ವಿನ್ಯಾಸವನ್ನು ಬದಲಾಯಿಸಿಕೊಂಡಿದ್ದೇನೆ. ಈ ಚಿತ್ರದಲ್ಲಿ ತಮ್ಮದು ಆತ್ಮವಿಶ್ವಾಸ ತುಂಬಿ ತುಳುಕುವ ಪಾತ್ರ ಎನ್ನುತ್ತಾರೆ ರಮ್ಯಾ.

(ದಟ್ಸ್ ಕನ್ನಡ ಚಿತ್ರವಾರ್ತೆ)

ಹೊಡಿಮಗ ಅಸಭ್ಯ ದೃಶ್ಯಗಳ ಬಗ್ಗೆ ಶಿವಣ್ಣ ಪಶ್ಚಾತ್ತಾಪ
ತೆಲುಗು ಮೋಹಕ ತಾರೆ ಇಲಿಯಾನಾ ಕನ್ನಡಕ್ಕೆ?
'ಜೊತೆಗಾರ' ಪ್ರೇಮ್ ಜೊತೆಗಾತಿ ರಮ್ಯಾ ನಾಪತ್ತೆ!