»   » ಪ್ರಸಿದ್ದ ವ್ಯಕ್ತಿಯೊರ್ವನಿಂದ ನಾಯಕಿಯ ಅಪಹರಣ!

ಪ್ರಸಿದ್ದ ವ್ಯಕ್ತಿಯೊರ್ವನಿಂದ ನಾಯಕಿಯ ಅಪಹರಣ!

Posted By:
Subscribe to Filmibeat Kannada

ಪ್ರಸಿದ್ದ ವ್ಯಕ್ತಿಯೊರ್ವನಿಂದ ನಾಯಕಿಯ ಅಪಹರಣ. ಈ ವಿಷಯ ತಿಳಿದ ನಾಯಕನಿಂದ ನಾಯಕಿಗಾಗಿ ಶೋಧ. ಕೊನೆಗೆ ಆಕೆಯಿರುವ ಸ್ಥಳ ಪತ್ತೆ ಹಚ್ಚುವಲ್ಲಿ ನಾಯಕ ಸಫಲ. ಚಕ್ರವ್ಯೂಹದಂತಿದ್ದ ಅಲ್ಲಿನ ಕಾವಲು ಪಡೆಯನ್ನು ಮಟ್ಟ ಹಾಕಿದ ನಾಯಕ ಒಳ ಪ್ರವೇಶಿಸುತ್ತಾನೆ. ನಂತರ ನಾಯಕ ಹಾಗೂ ಅಪಹರಿಸಿರುವ ವ್ಯಕ್ತಿಯ ನಡುವೆ ಹೊಡೆದಾಟವಾಗುತ್ತದೆ.

ಆ ಹೊಡೆದಾಟದಲ್ಲಿ ಜಯಶೀಲನಾದ ನಾಯಕ ನಾಯಕಿಯನ್ನು ಬಂಧನದಿಂದ ವಿಮುಕ್ತಿಗೊಳಿಸುತ್ತಾನೆ. ಈ ಸನ್ನಿವೇಶವನ್ನು ಮಿನರ್ವಮಿಲ್‌ನಲ್ಲಿ ಚಿತ್ರದ ನಾಯಕನೂ ಆಗಿರುವ ನಿರ್ದೇಶಕ ಹರೀಶ್‌ರಾಜ್ 'ಗನ್' ಚಿತ್ರಕ್ಕಾಗಿ ಚಿತ್ರಿಸಿಕೊಂಡರು. ಹರೀಶ್‌ರಾಜ್, ರಂಗಾಯಣರಘು ಹಾಗೂ ಮಲ್ಲಿಕಾಕಪೂರ್ ಅಭಿನಯಿಸಿದ ಈ ಸನ್ನಿವೇಶಕ್ಕೆ ಡಿಫ಼ರೆಂಟ್ ಡ್ಯಾನಿ ಸಾಹಸ ನಿರ್ದೇಶನ ಮಾಡಿದರು.

ಹರೀಶ್‌ರಾಜ್ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಮುರಳಿ ಅವರೊಂದಿಗೆ ಹರೀಶ್‌ರಾಜ್ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಎಚ್.ಎಮ್.ರಾಮಚಂದ್ರ ಛಾಯಾಗ್ರಾಹಕರಾಗಿರುವ ಈ ಚಿತ್ರಕ್ಕೆ ಮಂಜು ಮಾಂಡವ್ಯ ಸಂಭಾಷಣೆ ಬರೆದಿದ್ದಾರೆ. ರಾನಿ ರಾಫಲ್ ಅವರ ಸಂಗೀತವಿರುವ 'ಗನ್' ಚಿತ್ರಕ್ಕೆ ಹರೀಶ್‌ರಾಜ್, ಮಲ್ಲಿಕಾಕಪೂರ್, ರಂಗಾಯಣರಘು, ಸುಂದರಶ್ರೀ, ಸಂಗೀತಾ, ಮೋಹನ್‌ಜುನೆಜಾ, ಪಿ.ಎನ್.ಸತ್ಯ, ಬುಲೆಟ್‌ಪ್ರಕಾಶ್ ತಾರಾಬಳಗವಿದೆ.

Please Wait while comments are loading...

ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada