ಇದು ದರ್ಶನ್ - ರಕ್ಷಿತಾ ಜೋಡಿ ಸುಂಟರಗಾಳಿ ಎಬ್ಬಿಸಿದ್ದ ಸಮಯ

'ಕಲಾಸಿಪಾಳ್ಯ' ಸಿನಿಮಾಗೆ 15 ವರ್ಷ

'ಕಲಾಸಿಪಾಳ್ಯ' ಸಿನಿಮಾ 15 ಅಕ್ಟೋಬರ್ 2004 ರಲ್ಲಿ ಬಿಡುಗಡೆಯಾಗಿದ್ದು, ಇಂದಿಗೆ 15 ವರ್ಷ ಆಗಿದೆ. ಈ ಸಂಭ್ರಮವನ್ನು ದರ್ಶನ್ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ದರ್ಶನ್ ಫ್ಯಾನ್ಸ್ ಕ್ಲಬ್ ಟ್ವಿಟ್ಟರ್ ಖಾತೆಯಲ್ಲಿ #15YearsForBBKalasipalya ಎಂಬ ಹ್ಯಾಶ್ ಟ್ಯಾಗ್ ಮೂಲಕ 'ಕಲಾಸಿಪಾಳ್ಯ'ದ ಸಂಭ್ರಮದಲ್ಲಿ ಭಾಗಿಯಾಗಿದ್ದಾರೆ. ಟ್ವಿಟ್ಟರ್ ತುಂಬ ಇದೇ ಪೋಸ್ಟ್ ಗಳು ಒಡಾಡುತ್ತಿದೆ.

ಬೆಸ್ಟ್ ಜೋಡಿಯ ಮೊದಲ ಸಿನಿಮಾ

ಕನ್ನಡ ಚಿತ್ರರಂಗದ ಬೆಸ್ಟ್ ಜೋಡಿಗಳಲ್ಲಿ ದರ್ಶನ್ ಹಾಗೂ ರಕ್ಷಿತಾ ಜೋಡಿ ಕೂಡ ಒಂದು. ಈ ಇಬ್ಬರು ತೆರೆ ಮೇಲೆ ಕಾಂಬಿನೇಶನ್ ತುಂಬ ಚೆನ್ನಾಗಿ ಇತ್ತು. 'ಕಲಾಸಿಪಾಳ್ಯ'ದಲ್ಲಿ ಮೊದಲ ಬಾರಿಗೆ ಒಂದಾಗಿದ್ದ ದರ್ಶನ್ ಹಾಗೂ ರಕ್ಷಿತಾ ಮುಂದೆ 'ಸುಂಟರಗಾಳಿ', 'ಅಯ್ಯ', ಮಂಡ್ಯ ಸಿನಿಮಾಗಳಲ್ಲಿ ನಟಿಸಿದರು. ಈ ಜೋಡಿ ನಟಿಸಿದ ಎಲ್ಲ ಸಿನಿಮಾಗಳು ಹಿಟ್ ಲಿಸ್ಟ್ ಗೆ ಸೇರಿದವು.

ಓಂ ಪ್ರಕಾಶ್ ರಾವ್ ನಿರ್ದೇಶನ, ಸಾಧು ಸಂಗೀತ

'ಕಲಾಸಿಪಾಳ್ಯ' ಸಿನಿಮಾ ಓಂ ಪ್ರಕಾಶ್ ರಾವ್ ನಿರ್ದೇಶನ ಮಾಡಿದ್ದರು. ಸಾಧು ಕೋಕಿಲ ಸಂಗೀತ ನೀಡಿದ್ದರು. ಸಾಧು ಕೋಕಿಲ ಹಾಗೂ ಬುಲೆಟ್ ಪ್ರಕಾಶ್ ನಡುವಿನ ಹಾಸ್ಯ ದೃಶ್ಯಗಳು ಸೂಪರ್ ಹಿಟ್ ಆದವು. ಬುಲೆಟ್ ಪ್ರಕಾಶ್ ಈ ಚಿತ್ರದಿಂದ ಇನ್ನಷ್ಟು ಅವಕಾಶ ಪಡೆದರು. ಈಗ ನಿರ್ಮಾಪಕರಾಗಿರುವ ಅಣಜಿ ನಾಗರಾಜ್ ಆಗಿನ್ನು ಕ್ಯಾಮರಾ ಮ್ಯಾನ್ ಆಗಿದ್ದರು.

ರಾಮು ಫಿಲ್ಮ್ಸ್ ಬ್ಯಾನರ್ ನಲ್ಲಿ ನಿರ್ಮಾಣ

ರಾಮು ಫಿಲ್ಮ್ಸ್ ಬ್ಯಾನರ್ ನಲ್ಲಿ ಸಿನಿಮಾ ನಿರ್ಮಾಣ ಆಗಿತ್ತು. ಆ ಚಿತ್ರ ಸಂಸ್ಥೆಯಲ್ಲಿ ಬಂದ ಹಿಟ್‌ ಸಿನಿಮಾಗಳ ಸಾಲಿಗೆ ಈ ಸಿನಿಮಾಗೆ ಸೇರಿಕೊಂಡಿತು. ಕಲಾಸಿಪಾಳ್ಯ ಸಾಮಾನ್ಯ ಹುಡುಗನ, ಬದುಕು ಒಂದು ಹೊಡೆದಾಟದಿಂದ ಹೇಗೆ ಬದಲಾಗುತ್ತದೆ ಎನ್ನುವುದು ಸಿನಿಮಾದ ಕಥೆಯಾಗಿತ್ತು. ಮಾಸ್ ಅಭಿಮಾನಿಗಳಿಗೆ ಸಿನಿಮಾ ಬಹಳ ಇಷ್ಟ ಆಗಿತ್ತು.