For Quick Alerts
    ALLOW NOTIFICATIONS  
    For Daily Alerts

    ಸ್ವಾಮಿ ವಿವೇಕಾನಂದರ 3D ಚಿತ್ರವೀಕ್ಷಣೆಗೆ ಅವಕಾಶ

    |

    ಭಾರತದ ಮೊಟ್ಟಮೊದಲ, ಸ್ವಾಮಿ ವಿವೇಕಾನಂದರ 'ಸ್ಟೀರಿಯೋಸ್ಕೋಪಿಕ್ 3D ಚಿತ್ರ'ವೊಂದನ್ನು ಚೆನ್ನೈನ ವಿವೇಕಾನಂದ ಹೌಸ್ ನಿನ್ನೆ (ಜನವರಿ 16, 2012) ಬಿಡುಗಡೆಮಾಡಿದೆ. ಸ್ವಾಮಿ ವಿವೇಕಾನಂದರ ನೆನಪಿಗಾಗಿ ಚೆನ್ನೈನಲ್ಲಿ ನಿರ್ಮಾಣವಾಗಿರುವ ಕಲ್ಚರಲ್ ಹೆರಿಟೇಜ್ ಮ್ಯೂಸಿಯಮ್ ಇದನ್ನು ಬಿಡುಗಡೆ ಮಾಡಿದ್ದು, ವಿವೇಕಾನಂದರು ಹಾಗೂ ಅವರ ಸಂದೇಶಗಳನ್ನು ಯುವಜನತೆಗೆ ತಿಳಿಸುವ ಉದ್ದೇಶ ಹೊಂದಿದೆ.

    ಇಸ್ರೋದ ಸ್ಪೇಸ್ ವಿಜ್ಞಾನಿ ಪದ್ಮಶ್ರೀ ಆರ್ ಎಂ ವಾಸಗಂ, ವಿವೇಕಾನಂದ ಹೌಸ್ ಸೌಲಭ್ಯಗಳನ್ನು ಸಾರ್ವಜನಿಕರಿಗೆ ಬಿಡುಗಡೆ ಮಾಡಿದ್ದಾರೆ. ಜೊತೆಗೆ 3D ಗ್ಲಾಸ್ ಉಪಯೋಗಿಸಿ ಈ 3D ಅನಿಮೇಶನ್ ಚಿತ್ರವನ್ನು ಥಿಯೇಟರಿನಲ್ಲಿ ಪೂರ್ವಭಾವಿಯಾಗಿ ವೀಕ್ಷಿಸುವ ಅವಕಾಶವನ್ನು ಕಲ್ಪಿಸಿಕೊಟ್ಟು ಜನರಲ್ಲಿ ಪುಳಕ ಮೂಡಿಸಿದರು.

    1897ರಲ್ಲಿ ಪಾಶ್ಚಿಮಾತ್ಯ ದೇಶಗಳಿಂದ ಮರಳಿದ ವಿವೇಕಾನಂದರು 9 ದಿನಗಳು ತಂಗಿದ್ದ ಜಾಗದಲ್ಲಿ ಈ ವಿವೇಕಾನಂದ ಹೌಸ್ ನಿರ್ಮಿಸಲಾಗಿದೆ. ಭಾರತ ಹಾಗೂ ಇಲ್ಲಿನ ಸಂಸ್ಕೃತಿ ಕುರಿತು ಅವರಿಗಿದ್ದ ಅಪಾರ ಪ್ರೀತಿ ಗೌರವಗಳಿಗೆ ಈ ಸ್ಥಳ ಸಾಕ್ಷಿಯಾಗಿದೆ. 'ಎಕ್ಸ್ ಪಿರಿಯನ್ಸ್ ವಿವೇಕಾನಂದ' ಎಂಬ ಕಾರ್ಯಕ್ರಮದ ಮೂಲಕ ವಿವೇಕಾನಂದರ ಸಂದೇಶಗಳನ್ನು ಯುವಜನತೆಗೆ ತಲುಪಿಸುವ ಕಾರ್ಯ ಇಲ್ಲಿ ನಡೆಯಲಿದೆ.
    "ಶಾಲೆ ಕಾಲೇಜುಗಳ ವಿದ್ಯಾರ್ಥಿಗಳು ಇಲ್ಲಿಗೆ ಪ್ರವಾಸ ಬರಬಹುದು. ಬುಧವಾರದ ಹೊರತಾಗಿ ಬೆಳಿಗ್ಗೆ 10ರಿಂದ ಮದ್ಯಾಹ್ನ 12, ಅಪರಾಹ್ನ 3 ಗಂಟೆಯಿಂದ ಸಾಯಂಕಾಲ 7.30ರ ವೆರೆಗೆ ಇದು ವೀಕ್ಷಕರಿಗೆ ತೆರೆದಿರುತ್ತದೆ. ಟಿಕೆಟ್ ದರ ರು. 10 ಹಿರಿಯರಿಗೆ ಹಾಗೂ ಕಿರಿಯರಿಗೆ ರು. 5. ಹೆಚ್ಚಿನ ವಿವರಗಳಿಗೆ ದೂರವಾಣಿ ಸಂಖ್ಯೆ 91-44-28446188 ಹಾಗೂ ವೆಬ್ ಸೈಟ್ www.vivekanandahouse.org, ಸಂಪರ್ಕಿಸಬಹುದು" ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. (ಒನ್ ಇಂಡಿಯಾ ಕನ್ನಡ)

    English summary
    Vivekananda house at Chennai, India - housing a cultural heritage museum in memory of Swami Vivekananda, launched India’s first Stereoscopic 3D short movie on Vivekananda and his message to the youth, yesterday (16th Jan. 2012).
 

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X