twitter
    For Quick Alerts
    ALLOW NOTIFICATIONS  
    For Daily Alerts

    ಶ್ವಾನಕ್ಕೆ ವರವಾದ ಕಾಮೋತ್ತೇಜಕ ವಯಾಗ್ರ ಗುಳಿಗೆ

    By Rajendra
    |

    ಕೊನೆಯ ಶ್ವಾಸ ಬಿಡಬೇಕಾಗಿದ್ದ ಶ್ವಾನವೊಂದು ಕಾಮೋತ್ತೇಜಕ ವಯಾಗ್ರ ಗುಳಿಗೆ ತಿಂದು ಆಯಸ್ಸು ಗಟ್ಟಿ ಮಾಡಿಕೊಂಡಿದೆ. ಈ ವಿಚಿತ್ರ ಕತೆ ನ್ಯೂಯಾರ್ಕ್ ನ ಲಾಂಗ್ ದ್ವೀಪದಲ್ಲಿ ನಡೆದಿದೆ. ಹೃದಯ ಸಮಸ್ಯೆಯಿಂದ ಬಳಲುತ್ತಿರುವ ಈ ಶ್ವಾನಕ್ಕೆ ವಯಾಗ್ರ ಗುಳಿಗೆಗಳು ವರವಾಗಿ ಪರಿಣಮಿಸಿವೆ. ಸುದ್ದಿ ರೋಚಕವಾಗಿರುವ ಕಾರಣ ಮನರಂಜನಾ ಉದ್ದೇಶದಿಂದ ಈ ವಿಭಾಗದಲ್ಲಿ ಪ್ರಕಟಿಸಲಾಗಿದೆ.

    ಈ ಶ್ವಾನಕ್ಕೆ ವಯಾಗ್ರ ಗುಳಿಗೆ ಕೊಡದೆ ಹೋದರೆ ಹೃದಯಾಘಾತದಿಂದ ಸಾವಪ್ಪುತ್ತದೆ.
    ಆರು ವರ್ಷ ವಯಸ್ಸಿನ ಪಿಟ್ ಬುಲ್ ಜಾತಿಯ ಶ್ವಾನ ಹೃದಯ ಬೇನೆಯಿಂದ ಬಳಲುತ್ತಿತ್ತು. ಇದರ ಆರೋಗ್ಯ ತಪಾಸಣೆ ಮಾಡಿದ ಪಶುವೈದ್ಯರು ವಯಾಗ್ರ ಮಾತ್ರೆಗಳನ್ನು ಬರೆದುಕೊಟ್ಟಿದ್ದಾರೆ. ವೈಯಾಗ್ರ ಬೆಲೆ ಗೊತ್ತಲ್ಲ! ಸದ್ಯಕ್ಕೆ ಕೈಗೆಟುಕುವ ಹಾಗಿಲ್ಲ. ಹಾಗಾಗಿ ಈ ಶ್ವಾನಕ್ಕೆ ಚಿಕಿತ್ಸೆ ಕೊಡಿಸಲು ಅಲ್ಲಿನ ಲಿಟ್ಲ್ ಶೆಲ್ಟರ್ ಪ್ರಾಣಿ ದಯಾಸಂಘ ಮುಂದೆ ಬಂತು. ಶ್ವಾನವನ್ನು ಉಳಿಸಲು ವಯಾಗ್ರ ಮಾತ್ರೆಗಾಗಿ ಭಿಕ್ಷೆ ಎತ್ತುತ್ತಿದೆ.

    "ವಯಾಗ್ರ ಬಯಸುತ್ತಿರುವ ಏಕೈಕ ಶ್ವಾನ ಇದಾಗಿದೆ. ಈ ಹಿಂದೆ ನಾನೆಲ್ಲೂ ಈ ರೀತಿಯ ಶ್ವಾನವನ್ನು ನೋಡಿಲ್ಲ. ಈ ಶ್ವಾನಕ್ಕೆ ವಯಾಗ್ರ ಗುಳಿಗೆ ಕೊಡದೆ ಹೋದರೆ ಹೃದಯಾಘಾತದಿಂದ ಸಾವಪ್ಪುತ್ತದೆ" ಎಂದು ಪ್ರಾಣಿ ದಯಾ ಸಂಘದ ವಕ್ತಾರರು ತಿಳಿಸಿದ್ದಾರೆ. ಈ ಶ್ವಾನದ ಜೀವ ಕಾಪಾಡಲು ಬಹಳಷ್ಟು ಮುಂದೆ ಬಂದಿದ್ದು ವಯಾಗ್ರ ಕೊಳ್ಳಲು ಧನ ಸಹಾಯ ಮಾಡುತ್ತಿದ್ದಾರೆ.

    ಅಂದಹಾಗೆ ಈ ಹೆಣ್ಣು ಶ್ವಾನದ ಹೆಸರು Ingrid.ವಯಾಗ್ರ ಚಿಕಿತ್ಸೆ ಮುಂದುವರಿಸಿದಷ್ಟು ಸಮಯ ಇನ್ ಗ್ರಿಡ್ ಗೆ ಯಾವುದೇ ಪ್ರಾಣಾಪಾಯವಿಲ್ಲ.ವಯಾಗ್ರ ತೆಗೆದುಕೊಳ್ಳುತ್ತಿದ್ದರೂ ಗಂಡು ನಾಯಿಯೊಂದಿಗೆ ಸರಸವಾಡುವಂತಿಲ್ಲ. ಒಟ್ಟಿನಲ್ಲಿ ಶ್ವಾನ ಪ್ರಿಯರ ಹೃದಯ ಗೆದ್ದಿರುವ ಈ ಶುನಕ ವಯಾಗ್ರ ತಿಂದು ಜೀವ ಭದ್ರ ಮಾಡಿಕೊಂಡಿರುವ ಸುದ್ದಿಯನ್ನು ನ್ಯೂಯಾರ್ಕ್ ಡೈಲಿ ನ್ಯೂಸ್ ಪತ್ರಿಕೆ ವರದಿ ಮಾಡಿದೆ.

    Tuesday, May 18, 2010, 11:57
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X